ਹੁਸ਼ਿਆਰਪੁਰ ‘ਚ ਦਿਨ ਦਿਹਾੜੇ ਫਾਇਰਿੰਗ: ਨੋਨਾ ਕਾਰ ਵਾਸ਼ ਨੇੜੇ ਦੋ ਗੋਲੀਆਂ ਚੱਲੀਆਂ
Punjab News: ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਦੇ ਨੇੜੇ ਟਾਂਡਾ ਬਾਈਪਾਸ ਚੌਕ ਸਥਿਤ ਨੋਨਾ ਕਾਰ ਵਾਸ਼ ਵਿਖੇ ਅੱਜ ਦਿਨ-ਦਿਹਾੜੇ ਗੋਲੀਬਾਰੀ ਦੀ ਘਟਨਾ ਨੇ ਇਲਾਕੇ ਵਿੱਚ ਦਹਿਸ਼ਤ ਫੈਲਾ ਦਿੱਤੀ। ਅਣਪਛਾਤੇ ਹਮਲਾਵਰਾਂ ਨੇ ਮੌਕੇ ‘ਤੇ ਮੌਜੂਦ ਨੌਜਵਾਨਾਂ ‘ਤੇ ਗੋਲੀਆਂ ਚਲਾ ਕੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ।
ਪੈਸਿਆਂ ਦੇ ਲੈਣ–ਦੇਣ ਨੂੰ ਲੈ ਕੇ ਤਣਾਅ, ਗੋਲੀਆਂ ਚਲੀਆਂ
ਜਾਣਕਾਰੀ ਮੁਤਾਬਕ, ਦੋਹਾਂ ਧਿਰਾਂ ਵਿਚਕਾਰ ਪੈਸਿਆਂ ਦੇ ਲੈਣ–ਦੇਣ ਨਾਲ ਜੁੜੇ ਝਗੜੇ ਤੋਂ ਬਾਦ ਹਮਲਾਵਰ ਇਕੱਠੇ ਹੋਕੇ ਸਰਵਿਸ ਸਟੇਸ਼ਨ ‘ਤੇ ਪਹੁੰਚੇ ਅਤੇ ਫਾਇਰਿੰਗ ਕਰ ਦਿੱਤੀ। ਮੌਕੇ ਤੋਂ ਦੋ ਤੋਂ ਤਿੰਨ ਗੋਲੀਆਂ ਚਲਣ ਦੀ ਪੁਸ਼ਟੀ ਹੋਈ ਹੈ।
ਜਾਨੀ ਨੁਕਸਾਨ ਤੋਂ ਬਚਾਅ, SHO ਵੱਲੋਂ ਕਾਰਵਾਈ ਸ਼ੁਰੂ
ਖੁਸ਼ਕਿਸਮਤੀ ਨਾਲ ਘਟਨਾ ਵਿੱਚ ਕੋਈ ਜਾਨੀ ਜਾਂ ਵੱਡਾ ਮਾਲੀ ਨੁਕਸਾਨ ਨਹੀਂ ਹੋਇਆ।ਸੂਚਨਾ ਮਿਲਦੇ ਹੀ ਥਾਣਾ ਮਾਡਲ ਟਾਊਨ ਦੇ SHO ਗੁਰਸਾਹਿਬ ਮੌਕੇ ‘ਤੇ ਪਹੁੰਚੇ ਅਤੇ ਘਟਨਾ ਦੀ ਜਾਂਚ ਸ਼ੁਰੂ ਕੀਤੀ।
ਪੁਲਿਸ ਨੇ ਇਲਾਕੇ ਤੋਂ ਦੋ ਖਾਲੀ ਕਾਰਤੂਸ ਖੋਲ ਕਬਜ਼ੇ ਵਿੱਚ ਲਏ ਹਨ। ਇਸਦੇ ਨਾਲ, ਹਮਲਾਵਰਾਂ ਦੁਆਰਾ ਛੱਡੀ ਗਈ ਇੱਕ ਐਕਟੀਵਾ ਸਕੂਟਰ ਵੀ ਪੁਲਿਸ ਨੇ ਜ਼ਬਤ ਕੀਤੀ ਹੈ, ਜੋ ਜਾਂਚ ਵਿੱਚ ਇੱਕ ਮਹੱਤਵਪੂਰਨ ਕੜੀ ਮਨੀਂ ਜਾ ਰਹੀ ਹੈ।
ਹਮਲਾਵਰਾਂ ਦੀ ਖੋਜ ਤੇਜ਼
ਪੁਲਿਸ ਨੇ ਆਲੇ–ਦੁਆਲੇ ਦੇ CCTV ਕੈਮਰੇ ਚੈਕ ਕਰਨ ਸ਼ੁਰੂ ਕਰ ਦਿੱਤੇ ਹਨ ਅਤੇ ਹਮਲਾਵਰਾਂ ਦੀ ਪਹਿਚਾਣ ਲਈ ਖਾਸ ਟੀਮ ਤਿਆਰ ਕੀਤੀ ਗਈ ਹੈ।ਪੁਲਿਸ ਨੇ ਕਿਹਾ ਹੈ ਕਿ ਦੋਸ਼ੀਆਂ ਨੂੰ ਜਲਦੀ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।
