ਲੁਧਿਆਣਾ ਵਿੱਚ ਗੱਤੇ ਦੀ ਫੈਕਟਰੀ ਭਿਆਨਕ ਅੱਗ ਦੀ ਚਪੇਟ ’ਚ

Latest News: ਲੁਧਿਆਣਾ ਵਿੱਚ ਸਵੇਰੇ ਟੈਕਸਟਾਈਲ ਕਲੋਨੀ (ਫੋਕਲ ਪੁਆਇੰਟ ਖੇਤਰ) ਵਿੱਚ ਸਥਿਤ ਇੱਕ ਗੱਤੇ ਦੀ ਫੈਕਟਰੀ ਵਿੱਚ ਭਿਆਨਕ ਅੱਗ ਲੱਗ ਪਈ। ਅੱਗ ਇੰਨੀ ਤੇਜ਼ੀ ਨਾਲ ਫੈਲੀ ਕਿ ਕੁਝ ਹੀ ਮਿੰਟਾਂ ਵਿੱਚ ਫੈਕਟਰੀ ਦਾ ਵੱਡਾ ਹਿੱਸਾ ਸੁਆਹ ਵਿੱਚ ਤਬਦੀਲ ਹੋ ਗਿਆ। ਘਣਾ ਧੂੰਆ ਦੂਰ ਤੱਕ ਦਿੱਖਣ ਲੱਗਾ ਅਤੇ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ।

ਅੱਗ ਕਿਵੇਂ ਫੈਲੀ?

ਫਾਇਰ ਫਾਈਟਰ ਵਿਜੇ ਕੁਮਾਰ ਮੁਤਾਬਕ—

ਅੱਗ ਲੱਗਣ ਦੀ ਸੂਚਨਾ ਸਵੇਰੇ 8:45 ਵਜੇ ਮਿਲੀ।ਫੋਕਲ ਪੁਆਇੰਟ ਫਾਇਰ ਸਟੇਸ਼ਨ ਤੋਂ ਪਹਿਲੀ ਟੀਮ ਭੇਜੀ ਗਈ, ਪਰ ਅੱਗ ਦਾ ਰੁਖ ਦੇਖਦਿਆਂ ਤਾਜਪੁਰ ਰੋਡ ਅਤੇ ਗਿੱਲ ਰੋਡ ਤੋਂ ਵੀ ਵਾਧੂ ਫਾਇਰ ਇੰਜਣ ਤੁਰੰਤ ਬੁਲਾਏ ਗਏ।ਟੀਮਾਂ ਨੇ ਲਗਾਤਾਰ ਵਾਟਰ ਜੈੱਟ ਅਤੇ ਫੋਮ ਸਪ੍ਰੇ ਨਾਲ ਅੱਗ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ।

• 12:30 ਵਜੇ ਤੱਕ ਅੱਗ ’ਤੇ ਅੰਸ਼ਕ ਕਾਬੂ ਪਾ ਲਿਆ ਗਿਆ ਸੀ।
• ਅੱਗ ਨੂੰ ਪੂਰੀ ਤਰ੍ਹਾਂ ਬੁਝਾਉਣ ਦੀ ਕਾਰਵਾਈ ਦੁਪਹਿਰ ਤੱਕ ਜਾਰੀ ਰਹੀ।
• ਫੈਕਟਰੀ ਵਿੱਚ ਵੱਡੀ ਮਾਤਰਾ ਵਿੱਚ ਜਲਣਸ਼ੀਲ ਸਮੱਗਰੀ ਹੋਣ ਮੰਨ ਲਿਆ ਜਾ ਰਿਹਾ ਹੈ ਕਿ ਨੁਕਸਾਨ ਕਾਫ਼ੀ ਵੱਡਾ ਹੈ।

ਅਜੇ ਤੱਕ ਅੱਗ ਲੱਗਣ ਦੇ ਕਾਰਨ ਬਾਰੇ ਕੋਈ ਪੁਸ਼ਟੀ ਨਹੀਂ ਹੋਈ। ਟੀਮ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਜਾਨੀ ਨੁਕਸਾਨ ਤੋਂ ਬਚਾਵ

ਹਾਦਸੇ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਹੈ, ਪਰ ਫੈਕਟਰੀ ਦਾ ਅੱਧੇ ਤੋਂ ਵੱਧ ਹਿੱਸਾ ਪੂਰੀ ਤਰ੍ਹਾਂ ਨਸ਼ਟ ਹੋ ਚੁੱਕਾ ਹੈ।