ਸਫਾਈ ਕਰਦਿਆਂ ਲੱਖਪਤੀ ਬਣਿਆ ਚੰਡੀਗੜ੍ਹ ਦਾ ਇਹ ਵਿਅਕਤੀ, ਘਰ ‘ਚੋਂ ਲੱਭੇ 37 ਸਾਲ ਪੁਰਾਣੇ ਰਿਲਾਇੰਸ ਦੇ ਸ਼ੇਅਰ, ਕੀਮਤ ਜਾਣ ਉੱਡ ਜਾਣਗੇ ਹੋਸ਼

37 years Old Reliance Shares Found: ਚੰਡੀਗੜ੍ਹ ਦੇ ਇੱਕ ਵਿਅਕਤੀ ਨੂੰ ਆਪਣੇ ਘਰ ਦੀ ਸਫਾਈ ਕਰਦੇ ਸਮੇਂ 37 ਸਾਲ ਪੁਰਾਣੇ ਰਿਲਾਇੰਸ ਦੇ ਸ਼ੇਅਰ ਮਿਲੇ। ਇਨ੍ਹਾਂ 300 ਸ਼ੇਅਰਾਂ ਦੀ ਅੱਜ ਦੀ ਤਾਰੀਖ ‘ਚ ਜੋ ਕੀਮਤ ਹੈ, ਉਹ ਜਾਣ ਕੇ ਤੁਸੀਂ ਹੈਰਾਨ ਹੋ ਜਾਓਗੇ।

ਇਸ਼ਤਿਹਾਰ

Chandigarh man found 37-year-old Reliance shares: ਕਈ ਵਾਰ ਅਣਜਾਣੇ ‘ਚ ਛੁਪਿਆ ਹੋਇਆ ਖਜ਼ਾਨਾ ਸਾਡੇ ਹੱਥਾਂ ਵਿੱਚ ਆ ਜਾਂਦਾ ਹੈ। ਅਜਿਹਾ ਹੀ ਕੁਝ ਚੰਡੀਗੜ੍ਹ ਦੇ ਰਹਿਣ ਵਾਲੇ ਰਤਨ ਢਿੱਲੋਂ ਨਾਲ ਹੋਇਆ। ਇੱਕ ਦਿਨ ਉਹ ਘਰ ਦੀ ਸਫ਼ਾਈ ਕਰ ਰਿਹਾ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਸਾਲ 1998 ‘ਚ ਖਰੀਦੇ ਗਏ ਰਿਲਾਇੰਸ ਦੇ 30 ਸ਼ੇਅਰਾਂ ਦਾ ਸਰਟੀਫਿਕੇਟ ਵੀ ਮਿਲਿਆ। ਇਸ ਨੂੰ ਸਿਰਫ 300 ਰੁਪਏ ‘ਚ ਖਰੀਦਿਆ ਗਿਆ ਸੀ। ਅੱਜ ਤੱਕ ਇਸਦੀ ਕੀਮਤ ਲਗਭਗ 12 ਲੱਖ ਰੁਪਏ ਹੈ।

ਸੋਸ਼ਲ ਮੀਡੀਆ ‘ਤੇ ਇਸ ਦੇ ਸਾਹਮਣੇ ਆਉਣ ਤੋਂ ਬਾਅਦ ਯੂਜ਼ਰਸ ਦੀਆਂ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ। ਆਟੋਮੋਬਾਈਲ ਸੈਕਟਰ ਵਿੱਚ ਰੁਚੀ ਰੱਖਣ ਵਾਲੇ ਰਤਨ ਢਿੱਲੋਂ ਨੂੰ ਘਰ ਦੀ ਸਫ਼ਾਈ ਕਰਦਿਆਂ 37 ਸਾਲਾ ਰਿਲਾਇੰਸ ਦੇ ਸ਼ੇਅਰ ਮਿਲੇ।

ਰਤਨ ਨੂੰ ਅਚਾਨਕ ਮਿਲੇ ਇਨ੍ਹਾਂ ਫਿਜ਼ੀਕਲ ਸ਼ੇਅਰਾਂ ਦੀ ਕੀਮਤ ਲਗਭਗ 11 ਲੱਖ ਰੁਪਏ ਦੱਸੀ ਜਾ ਰਹੀ ਹੈ। ਜਦੋਂ ਰਤਨ ਨੂੰ 1987 ਅਤੇ 1992 ਵਿੱਚ ਖਰੀਦੇ ਗਏ ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ (RIL) ਦੇ ਸ਼ੇਅਰਾਂ ਦੀਆਂ ਫਿਜ਼ੀਕਲ ਕਾਪੀਆਂ ਮਿਲੀਆਂ, ਉਸਨੇ ਉਹਨਾਂ ਨੂੰ ਆਪਣੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤਾ।

ਕਿਵੇਂ ਮਿਲੇ ਸ਼ੇਅਰ

ਰਤਨ ਢਿੱਲੋਂ ਚੰਡੀਗੜ੍ਹ ਦਾ ਰਹਿਣ ਵਾਲਾ ਕਾਰ ਪ੍ਰੇਮੀ ਹੈ। ਘਰ ਦੀ ਸਫ਼ਾਈ ਕਰਦੇ ਹੋਏ ਉਸਨੂੰ RIL ਦੇ ਸ਼ੇਅਰ ਸਰਟੀਫਿਕੇਟ ਮਿਲੇ। ਇਹ ਸਰਟੀਫਿਕੇਟ ਦਰਸਾਉਂਦੇ ਹਨ ਕਿ ਅਸਲ ਸ਼ੇਅਰਧਾਰਕ, ਜੋ ਹੁਣ ਇਸ ਦੁਨੀਆਂ ਵਿੱਚ ਨਹੀਂ ਹਨ, ਨੇ 10 ਰੁਪਏ ਪ੍ਰਤੀ ਸ਼ੇਅਰ ਦੇ ਹਿਸਾਬ ਨਾਲ 30 ਸ਼ੇਅਰ ਖਰੀਦੇ ਸੀ। ਸਟਾਕ ਮਾਰਕੀਟ ਦੀ ਕੋਈ ਜਾਣਕਾਰੀ ਨਾ ਹੋਣ ਕਾਰਨ, ਢਿੱਲੋਂ ਨੇ ਸੋਸ਼ਲ ਮੀਡੀਆ ‘ਤੇ ਮਦਦ ਮੰਗੀ, ਉਸਨੇ ਟਵੀਟ ਕੀਤਾ: “ਸਾਨੂੰ ਇਹ ਘਰੋਂ ਮਿਲੇ ਹਨ, ਪਰ ਮੈਨੂੰ ਸਟਾਕ ਮਾਰਕੀਟ ਬਾਰੇ ਕੁਝ ਨਹੀਂ ਪਤਾ। ਕੀ ਕੋਈ ਮਾਹਰ ਸਾਨੂੰ ਦੱਸ ਸਕਦਾ ਹੈ ਕਿ ਕੀ ਇਹ ਸ਼ੇਅਰ ਅਜੇ ਵੀ ਸਾਡੇ ਹਨ? @reliancegroup”

ਹੁਣ 960 ਸ਼ੇਅਰ

ਰਤਨ ਨੂੰ ਜੋ ਸ਼ੇਅਰ ਸਰਟੀਫਿਕੇਟ ਮਿਲੇ ਹਨ, ਉਹ ਸਿਰਫ਼ 30 ਸ਼ੇਅਰਾਂ ਦੇ ਹਨ। ਪਰ ਉਦੋਂ ਤੋਂ, ਇਸ ਕੰਪਨੀ ਵਿੱਚ ਸਟਾਕ ਸਪਿਲਟ ਹੋਏ ਤੇ ਦੋ ਵਾਰ ਬੋਨਸ ਸ਼ੇਅਰ ਜਾਰੀ ਕੀਤੇ। ਟਾਈਗਰ ਰਮੇਸ਼ ਨਾਮ ਦੇ ਇੱਕ ਉਪਭੋਗਤਾ ਨੇ ਗਣਨਾ ਕਰਦੇ ਹੋਏ ਕਿਹਾ ਕਿ ਤਿੰਨ ਸਟਾਕ ਸਪਲਿਟ ਅਤੇ ਦੋ ਬੋਨਸ ਇਸ਼ੂਆਂ ਕਾਰਨ ਸ਼ੁਰੂਆਤੀ 30 ਸ਼ੇਅਰ ਵਧ ਕੇ 960 ਸ਼ੇਅਰ ਹੋ ਗਏ ਹਨ। ਮੌਜੂਦਾ ਬਾਜ਼ਾਰ ਮੁੱਲ ਮੁਤਾਬਕ ਇਨ੍ਹਾਂ ਸ਼ੇਅਰਾਂ ਦੀ ਕੀਮਤ ਕਰੀਬ 12 ਲੱਖ ਰੁਪਏ ਹੈ। ਰਮੇਸ਼ ਨੇ ਲਿਖਿਆ, “ਲਗਭਗ ਗਣਨਾ: ਕੁੱਲ ਸ਼ੁਰੂਆਤੀ ਸ਼ੇਅਰ = 30। 3 ਸਪਲਿਟਸ ਅਤੇ 2 ਬੋਨਸ ਤੋਂ ਬਾਅਦ, ਅੱਜ 960 ਸ਼ੇਅਰ ਹੋਣੇ ਚਾਹੀਦੇ ਹਨ। ਅੱਜ ਦੀ ਕੀਮਤ ਲਗਭਗ 11.88 ਲੱਖ ਰੁਪਏ ਹੈ।”