ਸੁਨੰਦਾ ਸ਼ਰਮਾ ਨੇ ਵਿਦਿਆਰਥੀ ਨੂੰ ਕੀਤਾ ਮਾਫ, ਕਾਲਜ ਪ੍ਰਸ਼ਾਸਨ ਨੂੰ ਕੀਤੀ ਨਰਮੀ ਦੀ ਅਪੀਲ

Sunanda Sharma Fan Apology; ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਨੇ 3 ਅਪ੍ਰੈਲ ਨੂੰ ਗਾਜ਼ੀਆਬਾਦ ਦੇ ਆਰਕੇਜੀਆਈਟੀ ਕਾਲਜ ਵਿੱਚ ਇੱਕ ਸ਼ੋਅ ਦੌਰਾਨ ਵਾਪਰੀ ਘਟਨਾ ਬਾਰੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡੀਓ ਸਾਂਝਾ ਕੀਤਾ। ਸੁਨੰਦਾ ਨੇ ਕਿਹਾ, “ਮੈਂ ਕੱਲ੍ਹ ਸਟੇਜ ‘ਤੇ ਵਾਪਰੀ ਘਟਨਾ ਲਈ ਵਿਦਿਆਰਥੀਆਂ ਨੂੰ ਮਾਫ਼ ਕਰਦੀ ਹਾਂ – ਖਾਸ ਕਰਕੇ, ਇੱਕ ਵਿਦਿਆਰਥੀ ਅਚਾਨਕ ਸਟੇਜ ‘ਤੇ ਚੜ੍ਹ ਗਿਆ ਅਤੇ ਮੇਰੇ ਪੈਰਾਂ ‘ਤੇ ਡਿੱਗ ਪਿਆ।”

ਦੂਜੇ ਪਾਸੇ, ਵਿਦਿਆਰਥੀ ਨੇ ਵੀ ਆਪਣਾ ਵੀਡੀਓ ਜਾਰੀ ਕਰਕੇ ਸੁਨੰਦਾ ਤੋਂ ਮਾਫੀ ਮੰਗੀ। ਉਸਨੇ ਆਪਣਾ ਨਾਮ ਸ਼ਿਵਾਂਗ ਪਾਂਡੇ ਦੱਸਿਆ ਅਤੇ ਕਿਹਾ ਕਿ ਉਹ ਸੁਨੰਦਾ ਦਾ ਵੱਡਾ ਫੈਨ ਹੈ। ਜਦੋਂ ਉਹ ਸਟੇਜ ‘ਤੇ ਗਾ ਰਹੀ ਸੀ ਤਾਂ ਉਹ ਅਚਾਨਕ ਸਟੇਜ ‘ਤੇ ਚਲਾ ਗਿਆ ਅਤੇ ਉਨ੍ਹਾਂ ਦੇ ਪੈਰ ਛੂਹਣ ਦੀ ਕੋਸ਼ਿਸ਼ ਕੀਤੀ। ਉਸਨੇ ਕਿਹਾ, “ਮੈਂ ਸੌਰੀ ਮੰਗਦਾ ਹਾਂ, ਕਿਰਪਾ ਕਰਕੇ ਮੈਨੂੰ ਮਾਫ ਕਰ ਦਿਓ।”

ਸੁਨੰਦਾ ਨੇ ਕਿਹਾ ਕਿ ਪਰਫਾਰਮੈਂਸ ਦੌਰਾਨ ਵਿਦਿਆਰਥੀ ਦਾ ਸੁਰੱਖਿਆ ਘੇਰਾ ਤੋੜ ਕੇ ਸਟੇਜ ‘ਤੇ ਆ ਜਾਣਾ ਉਸ ਲਈ ਡਰਾਉਣਾ ਸੀ ਅਤੇ ਸੁਰੱਖਿਆ ਕਾਰਨਾਂ ਕਰਕੇ ਉਸਨੂੰ ਸ਼ੋਅ ਵਿਚਕਾਰ ਹੀ ਰੋਕਣਾ ਪਿਆ। ਹਾਲਾਂਕਿ, ਬਾਅਦ ਵਿੱਚ ਉਨ੍ਹਾਂ ਕਿਹਾ ਕਿ ਕਾਲਜ ਪ੍ਰਸ਼ਾਸਨ ਵੱਲੋਂ ਵਿਦਿਆਰਥੀ ‘ਤੇ ਸਖ਼ਤ ਕਾਰਵਾਈ ਕੀਤੀ ਜਾ ਰਹੀ ਹੈ, ਪਰ ਉਹ ਚਾਹੁੰਦੀ ਹੈ ਕਿ ਉਸ ਨਾਲ ਨਰਮੀ ਵਰਤੀ ਜਾਵੇ।

ਉਨ੍ਹਾਂ ਕਿਹਾ ਕਿ ਹਰ ਕਿਸੇ ਦਾ ਪਿਆਰ ਜਤਾਉਣ ਦਾ ਆਪਣਾ ਤਰੀਕਾ ਹੁੰਦਾ ਹੈ, ਪਰ ਕਈ ਵਾਰ ਇਹ ਗਲਤ ਹੋ ਸਕਦਾ ਹੈ। ਉਨ੍ਹਾਂ ਮੰਨਿਆ ਕਿ ਉਸ ਸਮੇਂ ਉਹ ਕਾਫੀ ਘਬਰਾ ਗਈ ਸੀ ਅਤੇ ਅਚਾਨਕ ਘਟਨਾ ‘ਤੇ ਉਨ੍ਹਾਂ ਦੀ ਪ੍ਰਤੀਕ੍ਰਿਆ ਵੀ ਤੇਜ਼ ਸੀ।

ਵੀਡੀਓ ਵਿੱਚ ਸੁਨੰਦਾ ਦੀਆਂ ਮੁੱਖ ਗੱਲਾਂ:

ਵਿਦਿਆਰਥੀ ਨਾਲ ਨਰਮੀ ਵਰਤਣ ਦੀ ਅਪੀਲ
ਪਿਆਰ ਜਤਾਉਣ ਦਾ ਤਰੀਕਾ ਸਹੀ ਹੋਣਾ ਚਾਹੀਦਾ ਹੈ
ਕਿਸੇ ਨੂੰ ਵੀ ਅਸੁਵਿਧਾ ਨਾ ਹੋਵੇ, ਇਹ ਧਿਆਨ ਰੱਖਣਾ ਜ਼ਰੂਰੀ

ਉਨ੍ਹਾਂ ਆਪਣੇ ਫੈਨਜ਼ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹ ਅੱਜ ਜਿਸ ਮਕਾਮ ‘ਤੇ ਹਨ, ਉਹ ਲੋਕਾਂ ਦੇ ਪਿਆਰ ਅਤੇ ਆਸ਼ੀਰਵਾਦ ਦੀ ਬਦੌਲਤ ਹੈ।

ਵਿਦਿਆਰਥੀ ਸ਼ਿਵਾਂਗ ਪਾਂਡੇ ਨੇ ਵੀ ਕਿਹਾ, “ਮੇਰਾ ਇਰਾਦਾ ਗਲਤ ਨਹੀਂ ਸੀ, ਮੈਂ ਸਿਰਫ਼ ਪਿਆਰ ਜਤਾਉਣਾ ਚਾਹੁੰਦਾ ਸੀ। ਮੈਂ ਦਿਲੋਂ ਮਾਫੀ ਮੰਗਦਾ