ਜੇਲ੍ਹ ‘ਚ ਖ਼ੌਫ਼ਨਾਕ ਮੰਜ਼ਰ: 10 ਦਿਨਾਂ ‘ਚ ਤੀਜੀ ਖ਼ੁਦਕੁਸ਼ੀ, ਕਤਲ ਕੇਸ ‘ਚ ਸਜ਼ਾ ਕੱਟ ਰਹੇ ਕੈਦੀ ਨੇ ਲਾਇਆ ਫਾਹਾ
Punjab Jail News: ਫਰੀਦਕੋਟ ਦੀ ਕੇਂਦਰੀ ਜੇਲ੍ਹ ਵਿੱਚ ਸੋਮਵਾਰ ਰਾਤ ਨੂੰ ਇੱਕ ਕੈਦੀ ਵੱਲੋਂ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮ੍ਰਿਤਕ ਦੀ ਪਛਾਣ ਬਲਵਿੰਦਰ ਸਿੰਘ (ਨਿਵਾਸੀ ਪਿੰਡ ਕਾਠਗੜ੍ਹ, ਫਾਜ਼ਿਲਕਾ) ਵਜੋਂ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬਲਵਿੰਦਰ ਸਿੰਘ ਪਿਛਲੇ 11 ਸਾਲਾਂ ਤੋਂ ਜਲਾਲਾਬਾਦ ਵਿੱਚ ਦਰਜ ਇੱਕ ਕਤਲ ਕੇਸ ਵਿੱਚ ਸਜ਼ਾ ਕੱਟ ਰਿਹਾ ਸੀ।
ਬਾਥਰੂਮ ਵਿੱਚ ਲਾਇਆ ਫਾਹਾ
ਜੇਲ੍ਹ ਅਧਿਕਾਰੀਆਂ ਮੁਤਾਬਕ ਬਲਵਿੰਦਰ ਸਿੰਘ ਨੇ ਬੈਰਕ ਦੇ ਬਾਥਰੂਮ ਵਿੱਚ ਲੱਗੇ ਇੱਕ ਲੋਹੇ ਦੇ ਚੈਨਲ ਫਿਕਸਚਰ ਨਾਲ ਫਾਹਾ ਲਗਾ ਲਿਆ। ਜਦੋਂ ਜੇਲ੍ਹ ਸਟਾਫ਼ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਨੂੰ ਤੁਰੰਤ ਬੇਹੋਸ਼ੀ ਦੀ ਹਾਲਤ ਵਿੱਚ ਫਰੀਦਕੋਟ ਦੇ ਸਿਵਲ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਸਿਲਸਿਲਾ ਜਾਰੀ: 10 ਦਿਨਾਂ ਵਿੱਚ ਤੀਜੀ ਮੌ
ਫਰੀਦਕੋਟ ਜੇਲ੍ਹ ਵਿੱਚ ਇਹ ਪਿਛਲੇ 10 ਦਿਨਾਂ ਦੌਰਾਨ ਖ਼ੁਦਕੁਸ਼ੀ ਦੀ ਤੀਜੀ ਘਟਨਾ ਹੈ:
- 25 ਅਪ੍ਰੈਲ: ਲੁਧਿਆਣਾ ਦੇ ਵਿਚਾਰ ਅਧੀਨ ਕੈਦੀ ਜੁਗਨੂੰ ਬਾਬਾ ਨੇ ਜਾਨ ਦਿੱਤੀ।
- 3 ਮਈ: ਫਿਰੋਜ਼ਪੁਰ ਦੇ ਕੈਦੀ ਸਵਰਨਜੀਤ ਸਿੰਘ ਨੇ ਫਾਹਾ ਲਿਆ।
- 4 ਮਈ: ਫਾਜ਼ਿਲਕਾ ਦੇ ਕੈਦੀ ਬਲਵਿੰਦਰ ਸਿੰਘ ਨੇ ਖ਼ੁਦਕੁਸ਼ੀ ਕੀਤੀ।
ਮਾਨਸਿਕ ਤਣਾਅ ਵੱਡਾ ਕਾਰਨ: ਸੁਪਰਡੈਂਟ
ਜੇਲ੍ਹ ਸੁਪਰਡੈਂਟ ਇਕਬਾਲ ਸਿੰਘ ਨੇ ਘਟਨਾ ‘ਤੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਅਕਸਰ ਕੈਦੀ ਲੰਬੇ ਸਮੇਂ ਤੋਂ ਪਰਿਵਾਰ ਨੂੰ ਨਾ ਮਿਲਣ ਜਾਂ ਘਰੇਲੂ ਸਮੱਸਿਆਵਾਂ ਕਾਰਨ ਭਾਰੀ ਮਾਨਸਿਕ ਤਣਾਅ ਵਿੱਚ ਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਜੇਲ੍ਹ ਵਿੱਚ ਕਾਉਂਸਲਿੰਗ ਸੈਸ਼ਨ ਕਰਵਾਏ ਜਾਂਦੇ ਹਨ, ਪਰ ਹੁਣ ਅਜਿਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਮਾਨਸਿਕ ਤੰਦਰੁਸਤੀ ਵੱਲ ਹੋਰ ਜ਼ਿਆਦਾ ਧਿਆਨ ਦਿੱਤਾ ਜਾਵੇਗਾ ਅਤੇ ਕਾਉਂਸਲਿੰਗ ਵਿੱਚ ਤੇਜ਼ੀ ਲਿਆਂਦੀ ਜਾਵੇਗੀ।
ਫਿਲਹਾਲ ਜੇਲ੍ਹ ਪ੍ਰਸ਼ਾਸਨ ਅਤੇ ਸਿਟੀ ਪੁਲਿਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੀ ਹੈ।
