‘Baaghi 4′ ਨੂੰ ਲੈ ਕੇ Sonam Bajwa ਨੇ ਸ਼ੇਅਰ ਕੀਤੀ ਵੱਡੀ ਅਪਡੇਟ, ਲਿਖਿਆ’ ‘ਬਸ ਇਸੇ ਤਰ੍ਹਾਂ…’
Baaghi 4: ਹਾਲ ਹੀ ਵਿੱਚ, ਖ਼ਬਰ ਆਈ ਕਿ ਬਾਲੀਵੁੱਡ ਫਿਲਮ ‘ਹਾਊਸਫੁੱਲ 5’ ਵਿੱਚ ਕੰਮ ਕਰਨ ਵਾਲੀ ਪੰਜਾਬੀ ਐਕਟਰਸ ਸੋਨਮ ਬਾਜਵਾ ਇੱਕ ਹੋਰ ਵੱਡੀ ਹਿੰਦੀ ਫਿਲਮ ਬਾਗੀ 4 ‘ਚ ਵੀ ਨਜ਼ਰ ਆਵੇਗੀ, ਉਦੋਂ ਤੋਂ ਫੈਨਸ ਕਿਸੇ ਅਪਡੇਟ ਦਾ ਇੰਤਜ਼ਾਰ ਬੇਸਬਰੀ ਨਾਲ ਕਰ ਰਹੇ ਸੀ।
Sonam Bajwa Shooting Baaghi 4: ਹਾਲ ਹੀ ਵਿੱਚ, ਐਕਟਰਸ ਸੋਨਮ ਬਾਜਵਾ ਨੇ ਫਿਲਮ ‘ਬਾਗੀ 4’ ਬਾਰੇ ਇੱਕ ਵੱਡਾ ਅਪਡੇਟ ਦਿੱਤਾ। ਸੋਨਮ ਹੁਣ ਐਕਸ਼ਨ ਸਟਾਰ ਟਾਈਗਰ ਸ਼ਰਾਫ ਨਾਲ ਫਿਲਮ ‘ਬਾਗੀ 4’ ਵਿੱਚ ਨਜ਼ਰ ਆਵੇਗੀ। ਇਸ ਖ਼ਬਰ ਨਾਲ ਉਸਦੇ ਫੈਨਸ ਕਾਫ਼ੀ ਐਕਸਾਈਟਿਡ ਹਨ। ਦੱਸ ਦੇਈਏ ਕਿ ਹੁਣ ਐਕਟਰਸ ਸੋਨਮ ਬਾਜਵਾ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਫਿਲਮ ਦੇ ਸੈੱਟ ਤੋਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
ਸੋਨਮ ਬਾਜਵਾ ਨੇ ਜੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਉਨ੍ਹਾਂ ‘ਚ ਐਕਟਰਸ ‘ਬਾਗੀ 4’ ਦਾ ਕਲੈਪਰ ਬੋਰਡ ਆਪਣੇ ਹੱਥ ਵਿੱਚ ਫੜੀ ਹੋਈ ਦਿਖਾਈ ਦੇ ਰਹੀ ਹੈ। ਇਨ੍ਹਾਂ ਤਸਵੀਰਾਂ ਰਾਹੀਂ, ਉਸ ਨੇ ਜਾਣਕਾਰੀ ਦਿੱਤੀ ਕਿ ਉਸਨੇ ਫਿਲਮ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਇਸ ਦੇ ਨਾਲ ਹੀ, ਸੋਨਮ ਨੇ ਤਸਵੀਰਾਂ ਦੇ ਨਾਲ ਕੈਪਸ਼ਨ ਵਿੱਚ ਲਿਖਿਆ, ‘ਅਤੇ ਬਸ ਇਸੇ ਤਰ੍ਹਾਂ… ਫਿਲਮ ਖਤਮ ਹੋ ਗਈ ਹੈ। #ਬਾਗੀ 4 – ਮੇਰੀ ਦੂਜੀ ਹਿੰਦੀ ਫਿਲਮ। ਅੱਗ ਅਤੇ ਵਿਸ਼ਵਾਸ ਨਾਲ ਬੁਣੀ ਇੱਕ ਯਾਤਰਾ। ਮੈਂ ਤੁਹਾਡੇ ਨਾਲ ਇਹ ਅਧਿਆਇ ਸਾਂਝਾ ਕਰਨ ਲਈ ਉਤਸੁਕ ਹਾਂ।’
ਸ਼ੋਅਰ ਕੀਤੀਆਂ ਤਸਵੀਰਾਂ ਵਿੱਚ, ਸੋਨਮ ਇੱਕ ਸਧਾਰਨ ਲੁੱਕ ਵਿੱਚ ਦਿਖਾਈ ਦੇ ਰਹੀ ਹੈ। ਉਸ ਨੇ ਪ੍ਰਿੰਟਿੰਡ ਕੁੜਤਾ, ਖੁੱਲ੍ਹੇ ਵਾਲ ਅਤੇ ਹਲਕਾ ਮੇਕਅੱਪ ਨਾਲ ਆਪਣੀ ਲੁੱਕ ਨੂੰ ਕੰਪਲੀਟ ਕੀਤਾ ਹੈ। ਇਸ ਦੇ ਨਾਲ ਹੀ, ਉਨ੍ਹਾਂ ਦੇ ਫੈਨਸ ਵੀ ਉਸਦਾ ਇਹ ਲੁੱਕ ਪਸੰਦ ਕਰ ਰਹੇ ਹਨ।
ਸੋਨਮ ਬਾਜਵਾ ਦੀ ਬਾਗੀ 4 ਇਸ ਦਿਨ ਹੋਵੇਗੀ ਰਿਲੀਜ਼
ਬਾਗੀ ਦੀ ਗੱਲ ਕਰੀਏ ਤਾਂ ਇਹ ਫੇਮਸ ‘ਬਾਗੀ’ ਫ੍ਰੈਂਚਾਇਜ਼ੀ ਦਾ ਚੌਥਾ ਪਾਰਟ ਏ. ਹਰਸ਼ ਵਲੋਂ ਡਾਇਰੈਕਟ ਕੀਤੀ ਜਾ ਰਹੀ ਹੈ। ਇਸ ਵਿੱਚ ਟਾਈਗਰ ਸ਼ਰਾਫ, ਸੋਨਮ ਬਾਜਵਾ, ਸੰਜੇ ਦੱਤ ਅਤੇ ਹਰਨਾਜ਼ ਸੰਧੂ ਮਹੱਤਵਪੂਰਨ ਭੂਮਿਕਾਵਾਂ ਵਿੱਚ ਹਨ। ‘ਬਾਗੀ 4’ 5 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਦੱਸ ਦਈਏ ਕਿ ਸੋਨਮ ਬਾਜਵਾ ਪੰਜਾਬੀ ਫਿਲਮ ਇੰਡਸਟਰੀ ਦੀਆਂ ਟੌਪ ਦੀਆਂ ਐਕਟਰਸ ਚੋਂ ਇੱਕ ਹੈ। ਉਸਨੇ ਦਿਲਜੀਤ ਦੋਸਾਂਝ ਵਰਗੇ ਸੁਪਰਸਟਾਰਾਂ ਨਾਲ ਕਈ ਹਿੱਟ ਫਿਲਮਾਂ ਕੀਤੀਆਂ ਹਨ। ਇਸ ਦੇ ਨਾਲ, ਉਸਨੇ ਹਾਲ ਹੀ ਵਿੱਚ ‘ਹਾਊਸਫੁੱਲ 5’ ਰਾਹੀਂ ਬਾਲੀਵੁੱਡ ਵਿੱਚ ਐਂਟਰ ਕੀਤਾ ਤੇ ਹੁਣ ‘ਬਾਗੀ 4’ ਉਸਦੀ ਦੂਜੀ ਹਿੰਦੀ ਫਿਲਮ ਹੋਵੇਗੀ।
