ਅੰਮ੍ਰਿਤਸਰ: ਰਈਆ ਨਹਿਰ ‘ਚ ਵੱਡਾ ਪਾੜ, ਤਿੰਨ ਪਿੰਡਾਂ ਦੀਆਂ ਫਸਲਾਂ ਤੱਕ ਪਹੁੰਚਿਆ ਪਾਣੀ

ਲਗਾਤਾਰ ਬਾਰਿਸ਼ ਕਾਰਨ ਨਹਿਰ ਦਾ ਪਾਣੀ ਓਵਰਟੋਪਲ, ਕਈ ਏਕੜ ਫਸਲ ਹੋਈ ਪ੍ਰਭਾਵਿਤ | ਡਿਪਟੀ ਕਮਿਸ਼ਨਰ ਸਾਕਸ਼ੀ ਸਾਹਨੀ ਨੇ ਕੀਤਾ ਮੌਕੇ ਦਾ ਦੌਰਾ

Flood Alert in Punjab: ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਹਲਕਾ ਬਾਬਾ ਬਕਾਲਾ ਦੇ ਅਧੀਨ ਪੈਂਦੇ ਪਿੰਡ ਰਈਆ ‘ਚ ਹੋਈ ਭਾਰੀ ਬਾਰਿਸ਼ ਕਾਰਨ ਨਹਿਰ ਵਿੱਚ ਪਾਣੀ ਦਾ ਪੱਧਰ ਬੇਹੱਦ ਵਧ ਗਿਆ, ਜਿਸ ਕਾਰਨ ਨਹਿਰ ਵਿੱਚ ਇੱਕ ਵੱਡਾ ਪਾੜ ਪਿਆ। ਇਸ ਤਰ੍ਹਾਂ ਪਾਣੀ ਨੇ ਕਰੀਬ ਤਿੰਨ ਨੇੜਲੇ ਪਿੰਡਾਂ ਦੀਆਂ ਖੇਤਾਂ ਤੱਕ ਰਸਾਵ ਕਰ ਲਿਆ, ਜਿਸ ਨਾਲ ਕਿਸਾਨਾਂ ਦੀਆਂ ਫਸਲਾਂ ਨੂੰ ਨੁਕਸਾਨ ਹੋਇਆ।

ਮੌਕੇ ‘ਤੇ ਡਿਪਟੀ ਕਮਿਸ਼ਨਰ ਨੇ ਕੀਤਾ ਜਾਇਜ਼ਾ

ਅੰਮ੍ਰਿਤਸਰ ਦੀ ਡੀਸੀ ਸਾਕਸ਼ੀ ਸਾਹਨੀ ਨੇ ਮੌਕੇ ‘ਤੇ ਪਹੁੰਚ ਕੇ ਨਹਿਰ ‘ਚ ਪਏ ਪਾੜ ਅਤੇ ਹੋ ਰਹੇ ਨੁਕਸਾਨ ਦਾ ਜਾਇਜ਼ਾ ਲਿਆ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਨੇ ਦੱਸਿਆ ਕਿ:

“ਬਾਰਿਸ਼ ਦੇ ਕਾਰਨ ਸਪਰੋ ਦੇ ਵਿੱਚ ਪਾਣੀ ਜਿਆਦਾ ਹੋ ਗਿਆ ਸੀ ਅਤੇ ਕਨਾਲ ਓਵਰਟੋਪਲ ਹੋ ਗਈ। ਪਿੰਡਾਂ ਵਾਲਿਆਂ ਨੇ ਆਪਣੇ ਮੋਗੇ ਬੰਦ ਕਰ ਦਿੱਤੇ ਸਨ, ਜਿਸ ਨਾਲ ਪਾਣੀ ਰਸਾਵ ਹੋਇਆ। ਹਾਲਾਤ ਉੱਤੇ ਨਜ਼ਰ ਰਖੀ ਜਾ ਰਹੀ ਹੈ।”

 ਫਸਲਾਂ ਤੱਕ ਪਹੁੰਚਿਆ ਪਾਣੀ, ਪਰ ਘਰ ਸੁਰੱਖਿਅਤ

ਡੀਸੀ ਸਾਹਨੀ ਨੇ ਕਿਹਾ ਕਿ:

• ਪਾਣੀ ਘਰਾਂ ਤੱਕ ਨਹੀਂ ਪਹੁੰਚਿਆ, ਸਿਰਫ਼ ਖੇਤਾਂ ਤੱਕ ਸੀਮਤ ਹੈ।
• ਤਿੰਨ ਪਿੰਡਾਂ ਦੀਆਂ ਫਸਲਾਂ ਪ੍ਰਭਾਵਿਤ ਹੋਈਆਂ ਹਨ, ਪਰ ਵੱਡਾ ਜਾਨੀ ਨੁਕਸਾਨ ਨਹੀਂ ਹੋਇਆ।
• ਮੌਕੇ ‘ਤੇ ਪਾੜ ਨੂੰ ਪਲੱਗ ਕੀਤਾ ਜਾ ਰਿਹਾ ਹੈ।
• ਕਈ ਰੋਡ ਬੰਦ ਕਰਵਾਏ ਜਾ ਰਹੇ ਹਨ ਜਿੱਥੇ ਪਾਣੀ ਚੜ੍ਹ ਚੁੱਕਾ ਹੈ।
• ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਪਿੱਛੋਂ ਪਾਣੀ ਰੋਕਣ ਲਈ ਕਦਮ ਚੁੱਕ ਲਏ ਹਨ।

ਲੋਕਾਂ ਨੂੰ ਕੀਤਾ ਜਾ ਰਿਹਾ ਅਲਰਟ

ਉਨ੍ਹਾਂ ਨੇ ਆਖਿਰ ‘ਚ ਕਿਹਾ ਕਿ ਪਿੰਡਾਂ ਦੇ ਵਾਸੀਆਂ ਨੂੰ ਅਲਰਟ ਕੀਤਾ ਜਾ ਰਿਹਾ ਹੈ ਕਿ:

• ਜੇਕਰ ਬਾਰਿਸ਼ ਜਾਰੀ ਰਹੀ, ਤਾਂ ਹੋਰ ਖੇਤਾਂ ਤੱਕ ਵੀ ਪਾਣੀ ਪਹੁੰਚ ਸਕਦਾ ਹੈ।
• ਹਾਲਾਤ ‘ਤੇ ਲਗਾਤਾਰ ਨਿਗਰਾਨੀ ਕੀਤੀ ਜਾ ਰਹੀ ਹੈ।
• ਜ਼ਿਲ੍ਹਾ ਪ੍ਰਸ਼ਾਸਨ ਮੌਕੇ ‘ਤੇ ਹੀ ਮੁਕੰਮਲ ਤੌਰ ‘ਤੇ ਤਿਆਰ ਹੈ।