ਅਜੇ ਲਾਂਚ ਵੀ ਨਹੀਂ ਹੋਇਆ iPhone 17 ਅਤੇ ਪਹਿਲਾਂ ਹੀ iPhone 18 ਦੀਆਂ ਚਰਚਾਵਾਂ ਸ਼ੁਰੂ, ਮਿਲ ਸਕਦਾ ਹੈ 200MP ਦਾ ਕੈਮਰਾ
Apple, iPhone 18 Pro: ਜੇਕਰ ਆਈਫੋਨ 18 ਪ੍ਰੋ ਸੱਚਮੁੱਚ 200MP ਕੈਮਰੇ ਦੇ ਨਾਲ ਆਉਂਦਾ ਹੈ, ਤਾਂ ਫੋਟੋ ਦੀ ਡਿਟੇਲਿੰਗ ਅਤੇ ਸ਼ਾਰਪਨੈੱਸ ਵਿੱਚ ਬਹੁਤ ਸੁਧਾਰ ਹੋਵੇਗਾ।
iPhone 18 with 200 MP Camera: ਜੇਕਰ ਤੁਸੀਂ ਵੀ ਆਈਫੋਨ ਦੇ ਫੈਨ ਹੋ ਅਤੇ ਕੈਮਰੇ ਕੁਆਲਟੀ ਨੂੰ ਲੈ ਕੇ ਗੰਭੀਰ ਹੋ, ਤਾਂ ਅਗਲਾ ਸਾਲ ਤੁਹਾਡੇ ਲਈ ਬਹੁਤ ਖਾਸ ਹੋਣ ਵਾਲਾ ਹੈ। ਦੱਸ ਦਈਏ ਕਿ ਹਰ ਸਾਲ ਸਤੰਬਰ ਮਹੀਨਾ ਆਈਫੋਨ ਫੈਨਸ ਲਈ ਖਾਸ ਹੁੰਦਾ ਹੈ ਕਿਉਂਕਿ ਇਸ ਮਹੀਨੇ ਐਪਲ ਆਪਣੇ ਫੋਨ ਦੇ ਨਾਲ ਹੋਰ ਕਈ ਤਰ੍ਹਾਂ ਦੇ ਪ੍ਰੋਡਕਟਸ ਲਾਂਚ ਕਰਦਾ ਹੈ।
ਇਸ ਸਾਲ ਐਪਲ ਆਪਣਾ ਆਈਫੋਨ 17 ਲਾਂਚ ਕਰਨ ਜਾ ਰਿਹਾ ਹੈ। ਪਰ ਇਸ ਤੋਂ ਪਹਿਲਾਂਂ ਹੀ ਚਰਚਾਵਾਂ ਆਈਫੋਨ 18 ਦੀਆਂ ਹੋਣ ਲੱਗ ਗਈਆਂ ਹਨ। ਰਿਪੋਰਟਾਂ ਹਨ ਕਿ ਐਪਲ ਹੁਣ 48MP ਕੈਮਰੇ ਤੋਂ ਇਲਾਵਾ ਇੱਕ ਪਾਵਰਫੁੱਲ 200-ਮੈਗਾਪਿਕਸਲ ਕੈਮਰਾ ਸੈਂਸਰ ‘ਤੇ ਕੰਮ ਕਰ ਰਿਹਾ ਹੈ, ਜਿਸਨੂੰ ਅਗਲੇ ਸਾਲ ਆਉਣ ਵਾਲੇ ਆਈਫੋਨ 18 ਪ੍ਰੋ ਮਾਡਲ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਟੈਕ ਜਗਤ ਵਿੱਚ ਹਲਚਲ
ਮਸ਼ਹੂਰ ਟਿਪਸਟਰ ‘ਡਿਜੀਟਲ ਚੈਟ ਸਟੇਸ਼ਨ’ ਨੇ ਚੀਨੀ ਸੋਸ਼ਲ ਮੀਡੀਆ ਸਾਈਟ ਵੀਬੋ ‘ਤੇ ਇੱਕ ਪੋਸਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ ਕਿ ਐਪਲ ਇਸ ਹਾਈ-ਰੈਜ਼ੋਲਿਊਸ਼ਨ ਕੈਮਰਾ ਸੈਂਸਰ ਦੀ ਜਾਂਚ ਕਰ ਰਿਹਾ ਹੈ। ਹਾਲਾਂਕਿ ਉਸਨੇ ਇਹ ਨਹੀਂ ਦੱਸਿਆ ਕਿ ਇਹ ਸੈਂਸਰ ਕਿਹੜੀ ਕੰਪਨੀ ਬਣਾ ਰਹੀ ਹੈ, ਪਰ ਇਹ ਯਕੀਨੀ ਤੌਰ ‘ਤੇ ਸਪੱਸ਼ਟ ਹੈ ਕਿ ਐਪਲ ਹੁਣ ਹਾਈ ਮੈਗਾਪਿਕਸਲ ਦੌੜ ਵਿੱਚ ਸ਼ਾਮਲ ਹੋਣ ਜਾ ਰਿਹਾ ਹੈ।
ਨਵੇਂ ਕੈਮਰੇ ਨਾਲ ਕੀ ਬਦਲੇਗਾ?
ਜੇਕਰ ਆਈਫੋਨ 18 ਪ੍ਰੋ ਸੱਚਮੁੱਚ 200MP ਕੈਮਰੇ ਦੇ ਨਾਲ ਆਉਂਦਾ ਹੈ, ਤਾਂ ਇਸ ਵਿੱਚ ਫੋਟੋ ਦੀ ਡਿਟੇਲਿੰਗ ਅਤੇ ਸ਼ਾਰਪਨੈੱਸ ਵਿੱਚ ਬਹੁਤ ਸੁਧਾਰ ਦੇਖਣ ਨੂੰ ਮਿਲੇਗਾ। ਵਰਤਮਾਨ ਵਿੱਚ, ਆਈਫੋਨ 16 ਸੀਰੀਜ਼ ਵਿੱਚ, ਯੂਜ਼ਰਸ ਨੂੰ 48MP ਕੈਮਰਾ ਮਿਲਦਾ ਹੈ, ਜੋ ਪਹਿਲਾਂ ਹੀ ਵਧੀਆ ਪ੍ਰਦਰਸ਼ਨ ਦਿੰਦਾ ਹੈ, ਪਰ 200MP ਕੈਮਰੇ ਦੀ ਐਂਟਰੀ ਪੇਸ਼ੇਵਰ ਫੋਟੋਗ੍ਰਾਫੀ ਅਨੁਭਵ ਨੂੰ ਹੋਰ ਵੀ ਬਿਹਤਰ ਬਣਾ ਸਕਦੀ ਹੈ।
ਹੋਰ ਕੰਪਨੀਆਂ ਪਹਿਲਾਂ ਹੀ ਦੌੜ ਵਿੱਚ ਅੱਗੇ
ਸੈਮਸੰਗ, ਵੀਵੋ ਅਤੇ ਸ਼ੀਓਮੀ ਵਰਗੀਆਂ ਕੰਪਨੀਆਂ ਪਹਿਲਾਂ ਹੀ ਬਾਜ਼ਾਰ ਵਿੱਚ 200MP ਕੈਮਰੇ ਵਾਲੇ ਫੋਨ ਲਾਂਚ ਕਰ ਚੁੱਕੀਆਂ ਹਨ। ਸੈਮਸੰਗ ਦੇ ਗਲੈਕਸੀ S23 ਅਲਟਰਾ, S24 ਅਲਟਰਾ ਅਤੇ ਆਉਣ ਵਾਲੇ S25 ਅਲਟਰਾ ਇਸ ਕੈਮਰਾ ਸਮਰੱਥਾ ਦੇ ਨਾਲ ਆਉਂਦੇ ਹਨ। ਇਸ ਦੇ ਨਾਲ ਹੀ, ਵੀਵੋ X200 ਪ੍ਰੋ ਵਿੱਚ ਟੈਲੀਫੋਟੋ ਲੈਂਸ ਦੇ ਰੂਪ ਵਿੱਚ 200MP ਸੈਂਸਰ ਵੀ ਹੈ।
ਆਈਫੋਨ 17 ਪ੍ਰੋ ਤੋਂ ਬਾਅਦ ਇੱਕ ਵੱਡੀ ਛਾਲ ਲੱਗੇਗੀ
ਜਦੋਂ ਕਿ ਆਈਫੋਨ 17 ਪ੍ਰੋ ਸੀਰੀਜ਼ ਵਿੱਚ ਅਜੇ ਵੀ 48MP ਕੈਮਰੇ ਦੀ ਗੱਲ ਚੱਲ ਰਹੀ ਹੈ, 2025 ਵਿੱਚ ਆਉਣ ਵਾਲੇ ਆਈਫੋਨ 18 ਪ੍ਰੋ ਨੂੰ ਸਿੱਧੇ 200MP ਸੈਂਸਰ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਇਹ ਸਪੱਸ਼ਟ ਹੈ ਕਿ ਐਪਲ ਹੁਣ ਨਾ ਸਿਰਫ਼ ਸਾਫਟਵੇਅਰ ਵਿੱਚ ਸਗੋਂ ਹਾਰਡਵੇਅਰ ਅੱਪਗ੍ਰੇਡ ਵਿੱਚ ਵੀ ਇੱਕ ਵੱਡਾ ਕਦਮ ਚੁੱਕਣ ਜਾ ਰਿਹਾ ਹੈ।
ਹਾਲਾਂਕਿ, ਇਹ ਸਾਰੀ ਜਾਣਕਾਰੀ ਫਿਲਹਾਲ ਲੀਕ ਅਤੇ ਅਫਵਾਹਾਂ ‘ਤੇ ਅਧਾਰਤ ਹੈ। 200MP ਕੈਮਰੇ ਬਾਰੇ ਐਪਲ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਗਿਆ ਹੈ। ਪਰ ਜੇਕਰ ਇਹ ਰਿਪੋਰਟਾਂ ਸੱਚ ਸਾਬਤ ਹੁੰਦੀਆਂ ਹਨ, ਤਾਂ ਆਈਫੋਨ 18 ਪ੍ਰੋ ਸੀਰੀਜ਼ ਸਮਾਰਟਫੋਨ ਕੈਮਰਿਆਂ ਦੀ ਦੁਨੀਆ ਵਿੱਚ ਇੱਕ ਨਵੀਂ ਕ੍ਰਾਂਤੀ ਲਿਆ ਸਕਦੀ ਹੈ।
