iOS 18.5: ਐਪਲ ਨੇ ਜਾਰੀ ਕੀਤਾ ਵੱਡਾ ਅਪਡੇਟ, ਆਈਫੋਨ ਬੱਗ ਕੀਤੇ ਠੀਕ

Apple ਨੇ iOS 18.5 ਅੱਪਡੇਟ ਜਾਰੀ ਕੀਤਾ ਹੈ, ਜਿਸ ਵਿੱਚ ਸੈਟੇਲਾਈਟ ਮੈਸੇਜਿੰਗ, ਪ੍ਰਾਈਡ ਵਾਲਪੇਪਰ, ਬਿਹਤਰ ਸਕ੍ਰੀਨ ਟਾਈਮ ਕੰਟਰੋਲ ਤੇ ਕਈ ਸ਼ਾਨਦਾਰ ਫੀਚਰ ਅਪਡੇਟ ਕੀਤੇ ਗਏ ਹਨ।

ਇਸ਼ਤਿਹਾਰ

iOS 18.5 Update in Apple: ਐਪਲ ਨੇ ਅਧਿਕਾਰਤ ਤੌਰ ‘ਤੇ iOS 18.5 ਅਤੇ iPadOS 18.5 ਅਪਡੇਟ ਜਾਰੀ ਕੀਤਾ ਹੈ, ਜਿਸ ਵਿੱਚ ਕੁਝ ਨਵੇਂ ਫੀਚਰਸ ਦੇਣ ਦੇ ਨਾਲ ਕੁਝ ਬੱਗ ਠੀਕ ਕੀਤੇ ਗਏ ਹਨ ਅਤੇ ਸੁਰੱਖਿਆ ਪੈਚ ਸ਼ਾਮਲ ਕੀਤੇ ਹਨ, ਹਾਲਾਂਕਿ ਇਹ ਅਪਡੇਟ ਪਿਛਲੇ iOS 18 ਵਰਜਵ ਵਾਂਗ ਵੱਡੇ ਬਦਲਾਅ ਨਹੀਂ ਲਿਆਉਂਦਾ, ਪਰ ਇਹ ਇੱਕ ਮਹੱਤਵਪੂਰਨ ਅਪਡੇਟ ਹੈ ਜੋ ਆਈਫੋਨ ਅਤੇ ਆਈਪੈਡ ਯੂਜ਼ਰਸ ਨੂੰ ਬਿਹਤਰ ਪਰਫਾਰਮੈਂਸ ਤੇ ਸਿਕਊਰਟੀ ਪ੍ਰਦਾਨ ਕਰੇਗਾ।

iOS 18.5 ਨੂੰ ਕਿਵੇਂ ਡਾਊਨਲੋਡ ਕਰਨਾ ਹੈ?

ਆਈਫੋਨ ‘ਤੇ iOS 18.5 ਨੂੰ ਅੱਪਡੇਟ ਕਰਨ ਲਈ, ਤੁਹਾਨੂੰ ਇਹ ਯਕੀਨੀ ਬਣਾਉਣਾ ਹੋਵੇਗਾ ਕਿ ਤੁਹਾਡਾ ਫ਼ੋਨ Wi-Fi ਨਾਲ ਜੁੜਿਆ ਹੋਇਆ ਹੈ ਅਤੇ ਬੈਟਰੀ ਕਾਫ਼ੀ ਹੈ। ਇਸ ਤੋਂ ਬਾਅਦ ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰੋ:

ਸੈਟਿੰਗਾਂ ਖੋਲ੍ਹੋ > ਜਨਰਲ ‘ਤੇ ਜਾਓ > ਸਾਫਟਵੇਅਰ ਅੱਪਡੇਟ ਚੁਣੋ > ਡਾਊਨਲੋਡ ਅਤੇ ਸਥਾਪਿਤ ਕਰੋ

iOS 18.5 ਵਿੱਚ ਨਵਾਂ ਕੀ ਕੁਝ

• ਬੱਚਿਆਂ ਦੇ ਡਿਵਾਈਸਾਂ ਲਈ ਪੈਰੇਂਟਲ ਨੋਟੀਫਿਕੇਸ਼ਨ – ਹੁਣ ਜਦੋਂ ਕੋਈ ਬੱਚਾ ਸਕ੍ਰੀਨ ਟਾਈਮ ਪਾਸਕੋਡ ਦੀ ਵਰਤੋਂ ਕਰਦਾ ਹੈ, ਤਾਂ ਮਾਪਿਆਂ ਨੂੰ ਇੱਕ ਸੂਚਨਾ ਮਿਲੇਗੀ। ਇਹ ਫੀਚਰ ਮਾਪਿਆਂ ਨੂੰ ਬੱਚਿਆਂ ਦੀ ਸਕ੍ਰੀਨ ਗਤੀਵਿਧੀ ‘ਤੇ ਬਿਹਤਰ ਨਿਯੰਤਰਣ ਦੇਵੇਗੀ।
• ਸੈਟੇਲਾਈਟ ਸਪੋਰਟ (ਆਈਫੋਨ 13 ਲਈ)- ਆਈਫੋਨ 13 ਯੂਜ਼ਰ ਨੂੰ ਹੁਣ ਕੁਝ ਨੈੱਟਵਰਕ ਪ੍ਰਦਾਤਾਵਾਂ ਤੋਂ ਸੈਟੇਲਾਈਟ ਕਨੈਕਟੀਵਿਟੀ ਸਹਾਇਤਾ ਮਿਲੇਗੀ, ਜੋ ਐਮਰਜੈਂਸੀ ਵਿੱਚ ਲਾਭਦਾਇਕ ਹੋ ਸਕਦੀ ਹੈ।
• ਨਵਾਂ ਪ੍ਰਾਈਡ ਹਾਰਮਨੀ ਵਾਲਪੇਪਰ- ਐਪਲ ਨੇ ਆਪਣੇ ਯੂਜ਼ਰਸ ਲਈ ਪ੍ਰਾਈਡ ਹਾਰਮਨੀ ਵਾਲਪੇਪਰ ਪੇਸ਼ ਕੀਤਾ ਹੈ, ਜੋ ਕਿ LGBTQ+ ਭਾਈਚਾਰੇ ਨੂੰ ਸਮਰਪਿਤ ਹੈ ਅਤੇ ਡਿਵਾਈਸ ਨੂੰ ਇੱਕ ਨਵੀਂ ਸੁਹਜ ਪਛਾਣ ਦਿੰਦਾ ਹੈ।
• Apple Vision Pro ਫਿਕਸ- ਕੁਝ ਯੂਜ਼ਰਸ ਨੂੰ ਵਿਜ਼ਨ ਪ੍ਰੋ ਐਪ ਵਿੱਚ ਬਲੈਕ ਸਕ੍ਰੀਨ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ, ਜਿਸਨੂੰ ਇਸ ਅਪਡੇਟ ਵਿੱਚ ਠੀਕ ਕਰ ਦਿੱਤਾ ਗਿਆ ਹੈ।
• Buy with iPhone ਫੀਚਰ ਨੂੰ iOS 18.5 ਵਿੱਚ ਵੀ ਜੋੜਿਆ ਗਿਆ ਹੈ, ਜਿਸ ਨਾਲ ਯੂਜ਼ਰਸ ਐਪਲ ਪੇ ਰਾਹੀਂ ਹੋਰ ਵੀ ਆਸਾਨੀ ਨਾਲ ਖਰੀਦਦਾਰੀ ਕਰ ਸਕਦੇ ਹਨ।
• 30 ਤੋਂ ਵੱਧ ਬੱਗ ਫਿਕਸ- ਇਹ ਅਪਡੇਟ ਸਿਰਫ ਨਵੇਂ ਫੀਚਰਸ ਤੱਕ ਸੀਮਿਤ ਨਹੀਂ ਹੈ। ਐਪਲ ਨੇ ਇਸ ਅਪਡੇਟ ਰਾਹੀਂ 30 ਤੋਂ ਵੱਧ ਸੁਰੱਖਿਆ ਫਿਕਸ ਜਾਰੀ ਕੀਤੇ ਹਨ। ਇਨ੍ਹਾਂ ਵਿੱਚ ਐਪਲ ਦੇ ਕੁਝ ਪ੍ਰਾਇਮਰੀ ਐਪਸ, ਬਲੂਟੁੱਥ, ਆਈਕਲਾਉਡ ਦਸਤਾਵੇਜ਼ ਸਾਂਝਾਕਰਨ ਅਤੇ ਹੋਰ ਸੁਰੱਖਿਆ ਪਹਿਲੂ ਸ਼ਾਮਲ ਹਨ। ਇਸ ਨਾਲ ਉਪਭੋਗਤਾਵਾਂ ਨੂੰ ਡੇਟਾ ਅਤੇ ਗੋਪਨੀਯਤਾ ਸੁਰੱਖਿਆ ਵਿੱਚ ਵੀ ਵੱਡਾ ਲਾਭ ਮਿਲੇਗਾ।