Canada Immigration: ਨਵੇਂ ਨਿਯਮ ਹੋਣਗੇ ਹੋਰ ਸਖ਼ਤ, ਹੁਣ ਆਸਾਨੀ ਨਾਲ ਰੱਦ ਹੋ ਸਕਣਗੇ Study ਤੇ Work Permit
Canada Immigration – ਕਨੇਡਾ ਸਰਕਾਰ ਨੇ ਆਪਣੇ ਇਮੀਗ੍ਰੇਸ਼ਨ ਨਿਯਮਾਂ ਵਿੱਚ ਤਬਦੀਲੀਆਂ ਕਰਦਿਆਂ ਉਨ੍ਹਾਂ ਨੂੰ ਹੋਰ ਸਖ਼ਤ ਬਣਾ ਦਿੱਤਾ ਹੈ। ਨਵੇਂ ਨਿਯਮਾਂ ਅਨੁਸਾਰ, ਹੁਣ ਬਾਰਡਰ ਅਤੇ ਇਮੀਗ੍ਰੇਸ਼ਨ ਅਧਿਕਾਰੀ Temporary Residence Visa (TRV), Study Permit ਅਤੇ Work Permit ਨੂੰ ਆਸਾਨੀ ਨਾਲ ਰੱਦ ਕਰ ਸਕਣਗੇ। ਇਮੀਗ੍ਰੇਸ਼ਨ, ਰਿਫ਼ਿਉਜੀਜ਼ ਐਂਡ ਸਿਟੀਜ਼ਨਸ਼ਿਪ ਕਨੇਡਾ (IRCC) ਨੇ ਇਹ ਨਵੇਂ ਨਿਯਮ 31 ਜਨਵਰੀ 2025 ਤੋਂ ਲਾਗੂ ਕਰ ਦਿੱਤੇ ਹਨ, ਜੋ ਕਿ Canada Gazette II ਵਿੱਚ ਵੀ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
IRCC ਨੇ ਦਿੱਤਾ ਬਿਆਨ
ਇਸ ਮਾਮਲੇ ‘ਚ IRCC ਵਲੋਂ ਇਕ ਆਧਿਕਾਰਿਕ ਬਿਆਨ ਜਾਰੀ ਕੀਤਾ ਗਿਆ, ਜਿਸ ‘ਚ ਉਨ੍ਹਾਂ ਕਿਹਾ ਕਿ “ਅਸੀਂ ਆਪਣੇ ਬਾਰਡਰ ਦੀ ਸੁਰੱਖਿਆ ਅਤੇ ਇਮੀਗ੍ਰੇਸ਼ਨ ਸਿਸਟਮ ਦੀ ਵਿਸ਼ਵਾਸਯੋਗਤਾ ਬਣਾਈ ਰੱਖਣ ਲਈ ਨਵੇਂ ਉਪਕਰਣਾਂ ‘ਚ ਨਿਵੇਸ਼ ਕਰਦੇ ਰਹਾਂਗੇ ਅਤੇ ਪ੍ਰਕਿਰਿਆਵਾਂ ਵਿੱਚ ਸੁਧਾਰ ਕਰਦੇ ਰਹਾਂਗੇ।”
ਕਿਹੜੀਆਂ ਹਾਲਤਾਂ ‘ਚ Study ਤੇ Work Permit ਰੱਦ ਹੋ ਸਕਦੇ ਹਨ?
ਨਵੇਂ ਨਿਯਮਾਂ ਅਧੀਨ, Study ਤੇ Work Permit ਕੁਝ ਖਾਸ ਹਾਲਤਾਂ ‘ਚ ਰੱਦ ਕੀਤੇ ਜਾ ਸਕਦੇ ਹਨ, ਜਿਵੇਂ ਕਿ:
• ਜੇਕਰ ਕੋਈ ਵਿਅਕਤੀ ਕਨੇਡਾ ਦਾ ਸਥਾਈ ਨਿਵਾਸੀ ਬਣ ਜਾਂਦਾ ਹੈ।
• ਜੇਕਰ ਵਿਅਕਤੀ ਦੀ ਮੌਤ ਹੋ ਜਾਂਦੀ ਹੈ।
• ਜੇਕਰ ਅਧਿਕਾਰੀਆਂ ਨੂੰ ਵਿਅਕਤੀ ਦੇ ਦਸਤਾਵੇਜ਼ਾਂ ‘ਚ ਕੋਈ ਪਰਸ਼ਾਸਕੀ ਗਲਤੀ ਮਿਲਦੀ ਹੈ।
• ਜੇਕਰ ਵਿਅਕਤੀ ਨੇ ਝੂਠੀ ਜਾਣਕਾਰੀ ਦਿੱਤੀ ਹੋਵੇ ਜਾਂ ਉਸਦੇ ਕੋਈ ਆਪਰਾਧਿਕ ਰਿਕਾਰਡ ਹੋਣ।
• ਜੇਕਰ ਵਿਅਕਤੀ ਦੀ ਹਾਲਤ ‘ਚ ਕੋਈ ਵੱਡਾ ਬਦਲਾਅ ਆ ਜਾਂਦਾ ਹੈ, ਜੋ ਕਿ ਉਸਦੇ ਵੀਜ਼ਾ ਦੀ ਸ਼ਰਤਾਂ ‘ਤੇ ਪ੍ਰਭਾਵ ਪਾਉਂਦਾ ਹੋਵੇ।
ਕਿਉਂ ਹੋ ਰਹੀਆਂ ਨੇ ਇਮੀਗ੍ਰੇਸ਼ਨ ਨੀਤੀਆਂ ‘ਚ ਤਬਦੀਲੀਆਂ?
ਕਨੇਡਾ ਸਰਕਾਰ ਮੁੱਖ ਤੌਰ ‘ਤੇ ਆਪਣੇ ਇਮੀਗ੍ਰੇਸ਼ਨ ਸਿਸਟਮ ਦੀ ਵਿਸ਼ਵਾਸਯੋਗਤਾ ਅਤੇ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਹ ਨਵੇਂ ਨਿਯਮ ਇਹ ਯਕੀਨੀ ਬਣਾਉਣ ਲਈ ਲਾਗੂ ਕੀਤੇ ਗਏ ਹਨ ਕਿ ਅਸਥਾਈ ਨਿਵਾਸੀ (Temporary Residents) ਆਪਣੇ ਵੀਜ਼ਾ ਦੀਆਂ ਸ਼ਰਤਾਂ ਦਾ ਪੂਰਾ ਪਾਲਣ ਕਰਨ।
ਪੁਰਾਣੇ ਨਿਯਮਾਂ ਅਨੁਸਾਰ, ਅਧਿਕਾਰੀਆਂ ਕੋਲ ਸਿਰਫ਼ ਵੀਜ਼ਾ ਜਾਂ ਪਰਮਿਟ ਅਪਲਾਈ ਕਰਦੇ ਸਮੇਂ ਹੀ ਉਹਨਾਂ ਨੂੰ ਰੱਦ ਕਰਨ ਦਾ ਅਧਿਕਾਰ ਸੀ। ਪਰ ਹੁਣ, ਜੇਕਰ Study Permit ਜਾਂ Work Permit ਜਾਰੀ ਵੀ ਹੋ ਗਿਆ ਹੋਵੇ, ਤਾਂ ਵੀ ਅਧਿਕਾਰੀ ਕਿਸੇ ਵੀ ਸਮੇਂ ਉਸਨੂੰ ਰੱਦ ਕਰ ਸਕਣਗੇ।
ਭਾਰਤੀ ਵਿਦਿਆਰਥੀਆਂ ‘ਤੇ ਪਵੇਗਾ ਵੱਧ ਪ੍ਰਭਾਵ
ਇਹ ਨਵੇਂ ਨਿਯਮ ਖਾਸ ਕਰਕੇ ਭਾਰਤੀ ਵਿਦਿਆਰਥੀਆਂ ਅਤੇ ਕਰਮਚਾਰੀਆਂ ਲਈ ਚਿੰਤਾ ਵਧਾ ਸਕਦੇ ਹਨ, ਕਿਉਂਕਿ ਭਾਰਤ ਤੋਂ ਹਰ ਸਾਲ ਹਜ਼ਾਰਾਂ ਵਿਦਿਆਰਥੀ ਅਤੇ ਕਾਮਕਾਜੀ ਕਨੇਡਾ ਵਿੱਚ ਆਉਂਦੇ ਹਨ। ਨਵੇਂ ਨਿਯਮ ਉਨ੍ਹਾਂ ਉੱਤੇ ਵੱਡਾ ਪ੍ਰਭਾਵ ਪਾ ਸਕਦੇ ਹਨ, ਖ਼ਾਸ ਕਰਕੇ ਜੇਕਰ ਉਨ੍ਹਾਂ ਨੇ ਆਪਣੇ ਦਸਤਾਵੇਜ਼ ‘ਚ ਕੋਈ ਗਲਤ ਜਾਣਕਾਰੀ ਦਿੱਤੀ ਹੋਵੇ ਜਾਂ ਉਹ ਆਪਣੇ ਵੀਜ਼ਾ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕਰ ਰਹੇ ਹੋਣ।
ਕਨੇਡਾ ਸਰਕਾਰ ਵਲੋਂ ਇਹ ਨਵੇਂ ਨਿਯਮ ਲਾਗੂ ਕਰਨਾ ਇਹ ਦਰਸਾਉਂਦਾ ਹੈ ਕਿ ਹੁਣ ਇਮੀਗ੍ਰੇਸ਼ਨ ਦੀ ਪ੍ਰਕਿਰਿਆ ਹੋਰ ਵੀ ਟਫ਼ ਹੋਣ ਜਾ ਰਹੀ ਹੈ, ਜਿਸ ਨਾਲ ਉਨ੍ਹਾਂ ਲੋਕਾਂ ਨੂੰ ਧੱਕਾ ਲੱਗ ਸਕਦਾ ਹੈ, ਜੋ ਕਿ ਕਨੇਡਾ ਵਿੱਚ ਪੜ੍ਹਾਈ ਜਾਂ ਨੌਕਰੀ ਦੀ ਯੋਜਨਾ ਬਣਾ ਰਹੇ ਹਨ।
