ਅਚਾਨਕ ਅੱਗ ਦੀ ਲਪਟਾਂ ‘ਚ ਤਬਦੀਲ ਹੋਈ ਕਾਰ, ਵਾਲ-ਵਾਲ ਬਚੀ ਡਰਾਇਵਰ ਦੀ ਜਾਨ
moving car caught fire; ਮਲੋਟ ਦੇ ਬਠਿੰਡਾ ਚੌਕ ਨੇੜੇ ਇੱਕ ਦਹਿਲਾ ਦੇਣ ਵਾਲੀ ਘਟਨਾ ਵਾਪਰੀ, ਜਦੋਂ ਇੱਕ ਸਕੋਡਾ ਕਾਰ ਅਚਾਨਕ ਭਿਆਨਕ ਅੱਗ ਦੀ ਲਪੇਟ ਵਿੱਚ ਆ ਗਈ। ਕੁਝ ਹੀ ਪਲਾਂ ਵਿੱਚ ਕਾਰ ਪੂਰੀ ਤਰ੍ਹਾਂ ਸੜ ਕੇ ਰਾਖ ਹੋ ਗਈ, ਪਰ ਖੁਸ਼ਕਿਸਮਤੀ ਨਾਲ ਕਾਰ ਸਵਾਰਾਂ ਦੀ ਜ਼ਿੰਦਗੀ ਬਚ ਗਈ।
ਕਾਰ ਦੇ ਚਾਲਕ ਸੰਦੀਪ ਕੁਮਾਰ ਵਾਸੀ ਤਾਰਿਆਂ ਵਾਲਾ ਜ਼ਿਲ੍ਹਾ ਫਾਜ਼ਿਲਕਾ ਨੇ ਦੱਸਿਆ ਕਿ ਉਹ ਆਪਣੇ ਦੋਸਤਾਂ ਸਮੇਤ ਕਾਰ ਵਿੱਚ ਸਫ਼ਰ ਕਰ ਰਿਹਾ ਸੀ। ਅਚਾਨਕ ਕਾਰ ਦੇ ਅੰਦਰੋਂ ਧੂੰਆਂ ਨਿਕਲਦਾ ਦੇਖ ਕੇ ਉਹਨਾਂ ਨੇ ਤੁਰੰਤ ਕਾਰ ਰੋਕੀ ਅਤੇ ਜਾਨ ਬਚਾਉਣ ਲਈ ਬਾਹਰ ਕੁੱਦ ਪਏ। ਜਿਵੇਂ ਹੀ ਉਹ ਬਾਹਰ ਆਏ, ਕੁਝ ਸਕਿੰਟਾਂ ਵਿੱਚ ਹੀ ਕਾਰ ਅੱਗ ਦੀਆਂ ਭਿਆਨਕ ਲਪਟਾਂ ਵਿੱਚ ਘਿਰ ਗਈ। ਸੰਦੀਪ ਨੇ ਕਿਹਾ ਕਿ ਰੱਬ ਦੀ ਮਿਹਰ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ, ਪਰ ਕਾਰ ਪੂਰੀ ਤਰ੍ਹਾਂ ਸੜ ਕੇ ਸੁਆਹ ਹੋ ਗਈ।
ਦੂਜੇ ਪਾਸੇ, ਮੌਕੇ \‘ਤੇ ਪੁੱਜੇ ਸੜਕ ਸੁਰੱਖਿਆ ਦੇ ਮੁਲਾਜ਼ਮਾਂ ਨੇ ਦੱਸਿਆ ਕਿ ਜਦੋਂ ਉਹਨਾਂ ਨੂੰ ਸੂਚਨਾ ਮਿਲੀ, ਤਾਂ ਉਹਨਾਂ ਨੇ ਤੁਰੰਤ ਫਾਇਰ ਬ੍ਰਿਗੇਡ ਨੂੰ ਸੱਦ ਕੇ ਸਥਿਤੀ \‘ਤੇ ਕਾਬੂ ਪਾਇਆ। ਅੱਗ ਬਹੁਤ ਤੇਜ਼ ਸੀ, ਪਰ ਸਮੇਂ ਸਿਰ ਕੀਤੀ ਕਾਰਵਾਈ ਨਾਲ ਹਾਦਸਾ ਵੱਡੀ ਤਬਾਹੀ ਵਿੱਚ ਬਦਲਣ ਤੋਂ ਬਚ ਗਿਆ।
