ਨਸ਼ੇ ਨੇ ਤਬਾਹ ਕੀਤਾ ਇੱਕ ਹੋਰ ਪਰਿਵਾਰ, 31 ਸਾਲਾਂ ਨੌਜਵਾਨ ਦੀ ਓਵਰਡੋਜ਼ ਨਾਲ ਮੌਤ
Hoshiarpur News: ਮੋਹਿਤ ਦੇ ਘਰ ਡੇਲੀ ਪੋਸਟ ਟੀਵੀ ਦੀ ਟੀਮ ਪਹੁੰਚੀ ਤਾਂ ਘਰ ਦੇ ਹਾਲਤ ਦੇਖ ਕੋਈ ਵੀ ਰਹੇ ਸੀ ਕਿ ਪੁੱਤ ਦੀ ਮੌਤ ਨੇ ਪਰਿਵਾਰ ਦੀ ਸਾਰੀ ਆਸ ਖ਼ਤਮ ਕਰ ਦਿੱਤੀ।
Death With Drug Overdose: ਪੰਜਾਬ ‘ਚ ਵਗ ਰਿਹਾ ਨਸ਼ੇ ਦਾ ਛੇਵਾਂ ਦਰਿਆ ਆਏ ਦਿਨ ਪਰਿਵਾਰਾਂ ਨੂੰ ਤਬਾਹ ਕਰ ਰਿਹਾ ਹੈ। ਬੇਸ਼ੱਕ ਸਰਕਾਰ ਨਸ਼ੇ ਖਿਲਾਫ਼ ਜੰਗ ਲੜ੍ਹ ਰਹੀ ਹੈ ਅਤੇ ਨਸ਼ੇ ਨੂੰ ਠਲ੍ਹ ਪਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ, ਪਰ ਆਏ ਦਿਨ ਨੌਜਵਾਨ ਨਸ਼ੇ ਦੀ ਭੇਟ ਚੜ੍ਹ ਰਹੇ ਹਨ। ਤਾਜ਼ਾ ਮਾਮਲਾ ਹੁਸ਼ਿਆਰਪੁਰ ਦੇ ਪਿੰਡ ਹਰਿਆਣਾ ਦਾ ਹੈ।
ਜਿੱਥੇ ਦੇ ਇੱਕ ਪਰਿਵਾਰ ‘ਤੇ ਉਦੋਂ ਦੁੱਖਾਂ ਦਾ ਪਹਾੜ ਡਿੱਗਿਆ ਜਦੋਂ ਬੀਤੀ 6 ਤਰੀਕ ਸ਼ਾਮ ਨੂੰ ਉਨ੍ਹਾਂ ਨੂੰ ਪਤਾ ਲਗਾ ਕਿ ਸਵੇਰੇ ਤਿਆਰ ਹੋਕੇ ਕੰਮ ‘ਤੇ ਗਿਆ ਉਨ੍ਹਾਂ ਦਾ 31 ਸਾਲਾਂ ਪੁਤਰ ਸਿਕਰੀ ਰੋਡ ‘ਤੇ ਬੇਸੁੱਧ ਹਾਲਤ ਵਿੱਚ ਪਿਆ ਹੈ। ਪਰਿਵਾਰ ਨੇ ਮੌਕੇ ‘ਤੇ ਜਾਕੇ ਦੇਖਿਆ ਤਾਂ ਉਨ੍ਹਾਂ ਦਾ ਪੁੱਤ ਨਸ਼ੇ ਦੀ ਬਲੀ ਚੜ੍ਹ ਚੁੱਕਾ ਸੀ ਤੇ ਕੁੱਝ ਹੀ ਦੂਰੀ ‘ਤੇ ਉਸ ਦਾ ਸਾਥੀ ਵੀ ਨਸ਼ੇ ਦੀ ਹਾਲਤ ਵਿੱਚ ਬੇਸੁੱਧ ਸੀ। ਜਿਸ ਕੋਲ ਨਸ਼ਾ ਕਰਨ ਲਈ ਵਰਤਿਆ ਗਈ ਸੁਰਿੰਜ ਅਤੇ ਨਸ਼ੇ ਦਾ ਸਮਾਨ ਪਿਆ ਸੀ। ਜਿਸ ਤੋਂ ਬਾਅਦ ਮੋਹਿਤ ਦੇ ਪਰਿਵਾਰ ‘ਤੇ ਦੁੱਖ ਦਾ ਪਹਾੜ ਡਿੱਗ ਪਿਆ।
ਮੋਹਿਤ ਦੇ ਸਾਥੀ ਨੂੰ ਅਸਪਤਾਲ ਪਹੁੰਚਾਇਆ ਗਿਆ ਅਤੇ ਜਾਣਕਾਰੀ ਮੁਤਾਬਕ ਉਹ ਠੀਕ ਦੱਸਿਆ ਜਾ ਰਿਹਾ ਹੈ। ਅੱਜ ਜਦੋਂ ਇਸ ਹਾਦਸੇ ਤੋਂ ਬਾਅਦ ਮੋਹਿਤ ਦੇ ਘਰ ਡੇਲੀ ਪੋਸਟ ਟੀਵੀ ਦੀ ਟੀਮ ਪਹੁੰਚੀ ਤਾਂ ਘਰ ਦੇ ਹਾਲਤ ਦੇਖ ਕੋਈ ਵੀ ਰਹੇ ਸੀ ਕਿ ਪੁੱਤ ਦੀ ਮੌਤ ਨੇ ਪਰਿਵਾਰ ਦੀ ਸਾਰੀ ਆਸ ਖ਼ਤਮ ਕਰ ਦਿੱਤੀ। ਮੋਹਿਤ ਦਾ ਪਿਤਾ ਦਿਲ ਦਾ ਮਰੀਜ ਹੈ ਜੋ ਕਿ ਮੰਜੇ ‘ਤੇ ਹੈ। ਰੋਹਿਤ ਦੇ ਵੱਡਾ ਭਰਾ ਕੱਪੜੇ ਦੀ ਦੁਕਾਨ ਕਰਦਾ ਹੈ ਪਰ ਰੀੜ ਦੀ ਹੱਡੀ ਦੀ ਪ੍ਰੋਬਲਮ ਕਰ ਕੇ ਸਹੀ ਤਰ੍ਹਾਂ ਬੈਠ ਚੱਲ ਨਹੀਂ ਸਕਦਾ ਅਤੇ ਰੋਂਦੀ ਬਿਲਕਦੀ ਮਾਂ ਦੇ ਹੰਝੂ ਰੁਕਣ ਦਾ ਨਾਮ ਨਹੀਂ ਲੈ ਰਹੇ।
ਮੋਹਿਤ ਦੀ ਮੌਤ ਨੇ ਇਸ ਪਰਿਵਾਰ ਦਾ ਲੱਕ ਤੋੜ ਕੇ ਰੱਖ ਦਿੱਤਾ ਪੂਰਾ ਪਰਿਵਾਰ ਸਦਮੇ ਵਿੱਚ ਹੈ। ਜਵਾਨ ਪੁਤਰ ਦੀ ਨਸ਼ੇ ਨਾਲ ਹੋਈ ਮੌਤ ‘ਤੇ ਬੋਲਦੇ ਪਰਿਵਾਰ ਨੇ ਕਿਹਾ ਕਿ ਉਹਨਾਂ ਦਾ ਬੱਚਾ ਅੱਜ ਨਸ਼ੇ ਦੀ ਭੇਟ ਚੜ੍ਹ ਗਿਆ ਹੈ।
ਦੂਜੇ ਪਾਸੇ ਥਾਣਾ ਹਰਿਆਣਾ ਦੇ SHO ਸੋਮ ਨਾਥ ਨੇ ਕਿਹਾ ਕਿ ਇਹ ਵੀਡੀਓ ਉਨ੍ਹਾਂ ਤਕ ਵੀ ਪਹੁੰਚੀ। ਪਰਿਵਾਰ ਵਲੋਂ ਬਿਨਾਂ ਇਤਲਾਹ ਕੀਤੇ ਮ੍ਰਿਤਕ ਮੋਹਿਤ ਦਾ ਸਸਕਾਰ ਕਰ ਦਿੱਤਾ ਗਿਆ। ਹੁਣ ਮ੍ਰਿਤਕ ਦੇ ਪਰਿਵਾਰ ਅਤੇ ਸਾਥੀ ਨੂੰ ਬੁਲਾਇਆ ਗਿਆ ਹੈ ਅਤੇ ਉਨ੍ਹਾਂ ਦੇ ਕਹਿਣ ਮੁਤਾਬਕ ਕਾਰਵਾਹੀ ਅਮਲ ਵਿੱਚ ਲਿਆਂਦੀ ਜਾਵੇਗੀ।
