ਜਲੰਧਰ ED ਵੱਲੋਂ ਵਿਊਨਾਉ ਮਾਰਕੇਟਿੰਗ ਸਰਵਿਸਿਜ਼ ਲਿਮਿਟਡ ਦੇ ਸੰਸਥਾਪਕ ਗ੍ਰਿਫਤਾਰ, 180 ਕਰੋੜ ਤੋਂ ਵੱਧ ਦੀ ਸੰਪਤੀ ਜਬਤ

ਕਲਾਊਡ ਪਾਰਟੀਕਲਜ਼ ਅਤੇ ਉੱਚੇ ਮੁਨਾਫ਼ੇ ਦੇ ਝਾਂਸੇ ਨਾਲ ਲਾਖਾਂ ਲੋਕਾਂ ਨੂੰ ਠੱਗਣ ਦਾ ਦੋਸ਼

ED Jalandhar arrests ;- ਜਲੰਧਰ ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਮੰਗਲਵਾਰ ਨੂੰ ਦਿੱਲੀ ਵਿੱਚ ਛਾਪੇਮਾਰੀ ਕਰਕੇ ਵਿਊਨਾਉ ਮਾਰਕੇਟਿੰਗ ਸਰਵਿਸਿਜ਼ ਲਿਮਿਟਡ ਦੇ ਸੰਸਥਾਪਕ ਆਰਿਫ ਨਿਸਾਰ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਹ ਗ੍ਰਿਫ਼ਤਾਰੀ ਮਨੀ ਲਾਂਡਰਿੰਗ ਦੇ ਮਾਮਲੇ ’ਚ PMLA, 2002 ਦੇ ਤਹਿਤ ਕੀਤੀ ਗਈ।

ਇਹ ਕਾਰਵਾਈ ਵਿਊਨਾਉ ਮਾਰਕੇਟਿੰਗ ਸਰਵਿਸਿਜ਼ ਅਤੇ ਇਸ ਨਾਲ ਸੰਬੰਧਤ ਕਈ ਕੰਪਨੀਆਂ ਵੱਲੋਂ ਨਿਵੇਸ਼ਕਾਂ ਨੂੰ ਉੱਚੇ ਵਾਪਸੀ ਮੁਨਾਫ਼ੇ (Return on Investment) ਦੇ ਝਾਂਸੇ ’ਚ ਫਸਾ ਕੇ ਠੱਗਣ ਦੇ ਦੋਸ਼ਾਂ ਦੀ ਜਾਂਚ ਤਹਿਤ ਕੀਤੀ ਗਈ।

ਗ੍ਰਿਫ਼ਤਾਰੀ ਤੋਂ ਬਾਅਦ 4 ਮਾਰਚ ਤੱਕ ਰਿਮਾਂਡ, ਹੋਰ ਸ਼ੱਕੀ ਸਾਥੀਆਂ ਦੀ ਵੀ ਹੋਵੇਗੀ ਪੁੱਛਗਿੱਛ

ਆਰਿਫ ਨਿਸਾਰ ਨੂੰ ਗ੍ਰਿਫ਼ਤਾਰੀ ਤੋਂ ਬਾਅਦ ED ਜਲੰਧਰ ਨੇ ਖਾਸ ਅਦਾਲਤ (PMLA, ਜਲੰਧਰ) ’ਚ ਪੇਸ਼ ਕੀਤਾ, ਜਿਥੇ ਉਨ੍ਹਾਂ ਨੂੰ 8 ਦਿਨਾਂ (4 ਮਾਰਚ ਤੱਕ) ਲਈ ਰਿਮਾਂਡ ਮਿਲ ਗਿਆ।

ED ਅਧਿਕਾਰੀਆਂ ਦੇ ਅਨੁਸਾਰ, ਜਾਂਚ ਦੌਰਾਨ ਵੱਡੀ ਮਾਤਰਾ ਵਿੱਚ ਦਸਤਾਵੇਜ਼ੀ ਸਬੂਤ ਜ਼ਬਤ ਕੀਤੇ ਗਏ ਹਨ, ਜੋ ਉਨ੍ਹਾਂ ਦੇ ਹੋਰ ਸਾਥੀਆਂ ਦੀ ਗ੍ਰਿਫ਼ਤਾਰੀ ਲਈ ਢੁਕਵਾਂ ਆਧਾਰ ਬਣ ਸਕਦੇ ਹਨ।

BNS 2023 ਤਹਿਤ ਮੁਕੱਦਮਾ, ਨਕਲੀ ਵਪਾਰਿਕ ਮਾਡਲ ਰਾਹੀਂ ਠੱਗੀ

ਨੋਇਡਾ ਪੁਲਿਸ ਨੇ ਵੀ 2023 ਵਿੱਚ ਆਰਿਫ ਨਿਸਾਰ ਅਤੇ ਉਸ ਦੀ ਕੰਪਨੀ ’ਤੇ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਸੀ। ED ਦੀ ਜਾਂਚ ’ਚ ਖੁਲਾਸਾ ਹੋਇਆ ਕਿ ਵਿਊਨਾਉ ਮਾਰਕੇਟਿੰਗ ਸਰਵਿਸਿਜ਼ ਲਿਮਿਟਡ ਨੇ ਹੋਰ ਕੰਪਨੀਆਂ ਨਾਲ ਮਿਲ ਕੇ ਨਿਵੇਸ਼ਕਾਂ ਨੂੰ ਕਲਾਊਡ ਪਾਰਟੀਕਲਜ਼ ਵੇਚਣ ਅਤੇ ਉਨ੍ਹਾਂ ਨੂੰ ਵਾਪਸ ਲੀਜ਼ ’ਤੇ ਦੇਣ (SLB ਮਾਡਲ) ਦੀ ਆੜ ’ਚ ਉੱਚੇ ਮੁਨਾਫ਼ੇ ਦਾ ਵਾਅਦਾ ਕਰਕੇ ਲਾਖਾਂ ਲੋਕਾਂ ਨੂੰ ਠੱਗਿਆ।

ED ਨੇ 180 ਕਰੋੜ ਰੁਪਏ ਤੋਂ ਵੱਧ ਦੀ ਸੰਪਤੀ ਜਬਤ, ਲਗਜ਼ਰੀ ਗੱਡੀਆਂ ਵੀ ਸ਼ਾਮਲ

ED ਜਲੰਧਰ ਪਿਛਲੇ ਕਈ ਮਹੀਨਿਆਂ ਤੋਂ ਇਸ ਘਪਲੇ ਦੀ ਜਾਂਚ ਕਰ ਰਹੀ ਸੀ ਅਤੇ ਹੁਣ ਤੱਕ 180 ਕਰੋੜ ਤੋਂ ਵੱਧ ਦੀ ਸੰਪਤੀ ਜਬਤ ਕੀਤੀ ਜਾ ਚੁੱਕੀ ਹੈ।

ਜਬਤ ਕੀਤੀਆਂ ਸੰਪਤੀਆਂ ’ਚ ਸ਼ਾਮਲ ਹਨ:
• 2 Mercedes G-Wagon
• Lexus XUV
• Range Rover Sports & Rubicon
• Audi R8
• ਕਈ ਹੋਰ ਲਗਜ਼ਰੀ ਕਾਰਾਂ ਅਤੇ ਜਾਇਦਾਦਾਂ

“ਬਿਗ ਬੁਆਇ ਟੌਇਜ਼” ਵੀ ਜਾਂਚ ਦੇ ਘੇਰੇ ’ਚ, 2 ਦਰਜਨ ਤੋਂ ਵੱਧ ਥਾਵਾਂ ’ਤੇ ED ਦੀ ਰੇਡ

ED ਪਹਿਲਾਂ ਹੀ ਪੰਜਾਬ-ਹਰਿਆਣਾ ਅਤੇ ਮੁੰਬਈ ’ਚ 24 ਤੋਂ ਵੱਧ ਥਾਵਾਂ ’ਤੇ ਛਾਪੇਮਾਰੀ ਕਰ ਚੁੱਕੀ ਹੈ। ਗੁਰਗਾਓਂ, ਪੰਚਕੂਲਾ, ਜੀੰਦ, ਮੋਹਾਲੀ ਅਤੇ ਮੁੰਬਈ ’ਚ ਵ੍ਹੂ-ਨਾਊ ਮਾਰਕੇਟਿੰਗ, “ਬਿਗ ਬੁਆਇ ਟੌਇਜ਼” ਅਤੇ ਹੋਰ ਕੰਪਨੀਆਂ ’ਤੇ ED ਨੇ ਸਰਚ ਕੀਤੀ।

ਜਾਂਚ ’ਚ ਕਈ ਹੋਰ ਕੰਪਨੀਆਂ ਦੇ ਨਾਮ ਸਾਹਮਣੇ ਆਏ ਹਨ, ਜਿਵੇਂ ਕਿ:
• ਵਿਊਨਾਉ ਇਨਫਰਾਟੈਕ ਲਿਮਿਟਡ
• ਮੰਡੇਸ਼ੀ ਫੂਡਜ਼ ਪ੍ਰਾਈਵੇਟ ਲਿਮਿਟਡ
• ਪਲੈਂਕਡੌਟ ਪ੍ਰਾਈਵੇਟ ਲਿਮਿਟਡ
• ਬਾਈਟ ਕੈਨਵਾਸ LLP
• ਸਕਾਈ ਵਰਸ, ਸਕਾਈ ਲਿੰਕ ਨੈੱਟਵਰਕ ਆਦਿ

ਸ਼ੈਲ ਕੰਪਨੀਆਂ ਰਾਹੀਂ ਫੰਡ ਰੂਟ, ਕਾਨੂੰਨੀ ਕਾਰਵਾਈ ਜਾਰੀ

ਜਾਂਚ ’ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਵ੍ਹੂ-ਨਾਊ ਮਾਰਕੇਟਿੰਗ ਸਰਵਿਸਿਜ਼ ਅਤੇ ਹੋਰ ਸੰਬੰਧਤ ਕੰਪਨੀਆਂ ਨੇ ਸ਼ੈਲ ਕੰਪਨੀਆਂ ਰਾਹੀਂ ਕਰੋੜਾਂ ਰੁਪਏ ਦਾ ਗੇੜ-ਗੁਮਾਅ ਕੀਤਾ।

PMLA, 2002 ਦੇ ਤਹਿਤ, 26 ਨਵੰਬਰ 2024 ਨੂੰ ਵੀ ED ਵੱਲੋਂ ਵਿਊਨਾਉ ਇਸ ਨਾਲ ਜੁੜੀਆਂ ਹੋਰ ਸੰਸਥਾਵਾਂ ’ਤੇ ਛਾਪੇਮਾਰੀ ਹੋ ਚੁੱਕੀ ਸੀ।

ED ਹੁਣ ਹੋਰ ਸਾਥੀਆਂ ਅਤੇ ਨਕਲੀ ਵਪਾਰਕ ਮਾਡਲ ਦੇ ਪਿੱਛੇ ਰਹੇ ਅਸਲ ਚਿਹਰਿਆਂ ਨੂੰ ਬੇਨਕਾਬ ਕਰਨ ’ਚ ਜੁਟੀ ਹੋਈ ਹੈ।