ਮਹਿਲਾ ਪ੍ਰਸ਼ੰਸਕ ਨੇ ਸੰਜੇ ਦੱਤ ਦੇ ਨਾਮ ਕਰਵਾਈ ਆਪਣੀ 72 ਕਰੋੜ ਰੁਪਏ ਦੀ ਜਾਇਦਾਦ
Sanjay Dutt Property; ਇਹ ਬਹੁਤ ਘੱਟ ਹੁੰਦਾ ਹੈ ਕਿ ਕੋਈ ਵਿਅਕਤੀ ਕਿਸੇ ਅਜਨਬੀ ਦੇ ਨਾਮ ਆਪਣੀ ਪੂਰੀ ਜਾਇਦਾਦ ਲਿਖਵਾ ਦੇਵੇ। ਹਾਲਾਂਕਿ, ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸੰਜੇ ਦੱਤ ਨਾਲ ਅਜਿਹਾ ਹੀ ਹੋਇਆ। ਹਾਲ ਹੀ ਵਿੱਚ, ਉਸ ਨੇ ਆਪਣੀ ਜ਼ਿੰਦਗੀ ਦੇ ਇੱਕ ਹੈਰਾਨ ਕਰਨ ਵਾਲੇ ਪਲ ਬਾਰੇ ਦੱਸਿਆ। ਇੱਕ ਔਰਤ ਉਸ ਦੇ ਲਈ 72 ਕਰੋੜ ਰੁਪਏ ਦੀ ਜਾਇਦਾਦ ਛੱਡ ਗਈ ਸੀ। ਅਦਾਕਾਰ ਨੇ ਦੱਸਿਆ ਹੈ ਕਿ ਉਸ ਨੇ ਇਸ ਜਾਇਦਾਦ ਨਾਲ ਕੀ ਕੀਤਾ।
ਇਕ ਇੰਟਰਵਿਊ ਵਿਚ ਦੱਤ ਤੋਂ ਪੁੱਛਿਆ ਗਿਆ ਕਿ ਕੀ ਇਹ ਸੱਚ ਹੈ ਕਿ ਇੱਕ ਮਹਿਲਾ ਪ੍ਰਸ਼ੰਸਕ ਨੇ 2018 ਵਿੱਚ ਆਪਣੀ ਮੌਤ ਤੋਂ ਪਹਿਲਾਂ ਉਸ ਦੇ ਨਾਮ ਜਾਇਦਾਦ ਲਗਵਾ ਦਿੱਤੀ ਸੀ। ਸੰਜੇ ਦੱਤ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ। ਇਸ ਮਾਮਲੇ ਦਾ ਜਵਾਬ ਦਿੰਦੇ ਹੋਏ, ਸੰਜੇ ਦੱਤ ਨੇ ਕਿਹਾ ਕਿ ‘ਮੈਂ ਜਾਇਦਾਦ ਔਰਤ ਦੇ ਪਰਿਵਾਰ ਨੂੰ ਵਾਪਸ ਕਰ ਦਿੱਤੀ ਹੈ।
ਦਰਅਸਲ, ਸਾਲ 2018 ਵਿੱਚ, ਸੰਜੇ ਦੱਤ ਦੀ ਇੱਕ ਪ੍ਰਸ਼ੰਸਕ ਨਿਸ਼ਾ ਪਾਟਿਲ ਉਸ ਸਮੇਂ ਸੁਰਖੀਆਂ ਵਿੱਚ ਆਈ ਜਦੋਂ ਉਸ ਨੇ ਆਪਣੀ ਪੂਰੀ ਜਾਇਦਾਦ, ਜਿਸ ਦੀ ਕੀਮਤ ਲਗਭਗ 72 ਕਰੋੜ ਰੁਪਏ ਸੀ, ਨੂੰ ਸੰਜੇ ਦੱਤ ਦੇ ਨਾਮ ਲਿਖਾ ਦਿੱਤੀ। ਇਸ ਕਦਮ ਤੋਂ ਸੰਜੇ ਦੱਤ ਹੈਰਾਨ ਰਹਿ ਗਏ। ਮੁੰਬਈ ਦੀ ਰਹਿਣ ਵਾਲੀ 62 ਸਾਲਾ ਨਿਸ਼ਾ ਕਥਿਤ ਤੌਰ ‘ਤੇ ਇੱਕ ਲਾਇਲਾਜ ਬਿਮਾਰੀ ਤੋਂ ਪੀੜਤ ਸੀ। ਉਸ ਨੇ ਆਪਣੇ ਬੈਂਕ ਨੂੰ ਕਿਹਾ ਸੀ ਕਿ ਉਸ ਦੀ ਮੌਤ ਤੋਂ ਬਾਅਦ ਉਸ ਦੀ ਸਾਰੀ ਜਾਇਦਾਦ ਸੰਜੇ ਦੱਤ ਨੂੰ ਸੌਂਪ ਦਿੱਤੀ ਜਾਵੇ। ਹਾਲਾਂਕਿ, ਸੰਜੇ ਦੱਤ ਨੇ ਇਹ ਜਾਇਦਾਦ ਔਰਤ ਦੇ ਪਰਿਵਾਰ ਨੂੰ ਸੌਂਪ ਦਿੱਤੀ।
ਤੁਹਾਨੂੰ ਦੱਸ ਦੇਈਏ ਕਿ ਸੰਜੇ ਦੱਤ ਨੇ 1981 ਵਿੱਚ ਫ਼ਿਲਮ ‘ਰੌਕੀ’ ਨਾਲ ਬਾਲੀਵੁੱਡ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ। ਹਾਲ ਹੀ ਵਿੱਚ ਉਨ੍ਹਾਂ ਦੀਆਂ ਫ਼ਿਲਮਾਂ ‘ਦ ਭੂਤਨੀ’ ਅਤੇ ‘ਹਾਊਸਫੁੱਲ 5’ ਰਿਲੀਜ਼ ਹੋਈਆਂ ਹਨ। ਇਨ੍ਹੀਂ ਦਿਨੀਂ ਦੱਤ ਕਈ ਪ੍ਰੋਜੈਕਟਾਂ ਨਾਲ ਜੁੜੇ ਹੋਏ ਹਨ। ਉਨ੍ਹਾਂ ਦੀਆਂ ਫ਼ਿਲਮਾਂ ‘ਅਖੰਡ 2’, ‘ਧੁਰੰਧਰ’ ਅਤੇ ‘ਦਿ ਰਾਜਾ ਸਾਬ’ ਇਸ ਸਾਲ ਦੇ ਅੰਤ ਵਿੱਚ ਰਿਲੀਜ਼ ਹੋਣ ਜਾ ਰਹੀਆਂ ਹਨ। ਉਹ ਕੰਨੜ ਫਿਲਮ ‘ਕੇਡੀ-ਦਿ ਡੇਵਿਲ’ ਦਾ ਵੀ ਹਿੱਸਾ ਹਨ, ਜੋ 2026 ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ।
