ਪਹਿਲਗਾਮ ਅੱਤਵਾਦੀ ਹਮਲੇ ਤੋਂ ਦੁਖੀ ਹੋਈ ਹਿਨਾ ਖ਼ਾਨ, ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰ ਹਿੰਦੂਆਂ ਤੋਂ ਮੰਗੀ ਮੁਆਫ਼ੀ…
Pahalgam Terror Attack: ਹਾਲ ਹੀ ਵਿੱਚ, ਟੀਵੀ ਸਟਾਰ ਹਿਨਾ ਖ਼ਾਨ ਨੇ ਸੋਸ਼ਲ ਮੀਡੀਆ ‘ਤੇ ਫੈਨਸ ਨਾਲ ਇੱਕ ਲੰਬੀ ਪੋਸਟ ਸਾਂਝੀ ਕੀਤੀ। ਇਸ ਪੋਸਟ ਵਿੱਚ ਉਸਨੇ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ।
Hina Khan on Pahalgam Terror Attack: ਫਿਲਮ ਅਤੇ ਟੀਵੀ ਐਕਟਰਸ ਹਿਨਾ ਖ਼ਾਨ ਨੇ 22 ਅਪ੍ਰੈਲ ਨੂੰ ਪਹਿਲਗਾਮ ਵਿੱਚ ਹੋਏ ਕਤਲੇਆਮ ‘ਤੇ ਆਪਣੀ ਚੁੱਪੀ ਤੋੜੀ ਹੈ। ਘਟਨਾ ਵਾਲੇ ਦਿਨ, ਐਕਟਰਸ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਸਿਰਫ਼ ਇੱਕ ਟੁੱਟੇ ਦਿਲ ਵਾਲਾ ਇਮੋਜੀ ਬਣਾਇਆ ਸੀ। ਅਜਿਹੀ ਸਥਿਤੀ ਵਿੱਚ, ਬਹੁਤ ਸਾਰੇ ਲੋਕ ਉਮੀਦ ਕਰ ਰਹੇ ਸੀ ਕਿ ਕਸ਼ਮੀਰ ਤੋਂ ਹੋਣ ਕਰਕੇ, ਹਿਨਾ ਖ਼ਾਨ ਇਸ ਬਾਰੇ ਜ਼ਰੂਰ ਕੁਝ ਕਹੇਗੀ।
ਬੀਤੀ ਰਾਤ ਹੀ ਹਿਨਾ ਖ਼ਾਨ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਲੰਬੀ ਪੋਸਟ ਸ਼ੇਅਰ ਕਰਕੇ ਆਪਣਾ ਗੁੱਸਾ ਜ਼ਾਹਰ ਕੀਤਾ। ਉਸਨੇ ਆਪਣੇ ਸਾਥੀ ਹਿੰਦੂਆਂ ਅਤੇ ਪੂਰੇ ਭਾਰਤ ਤੋਂ ਮੁਆਫੀ ਵੀ ਮੰਗੀ ਹੈ। ਇਸ ਦੇ ਨਾਲ ਹੀ ਹਿਨਾ ਖ਼ਾਨ ਨੇ ‘ਅੱਜ ਦੇ ਕਸ਼ਮੀਰ’ ਦੀ ਅਸਲੀਅਤ ਵੀ ਸਾਰਿਆਂ ਨਾਲ ਸਾਂਝੀ ਕੀਤੀ।
ਹਿਨਾ ਖ਼ਾਨ ਨੇ ਅੱਤਵਾਦੀ ਹਮਲੇ ਵਿੱਚ ਮਾਰੇ ਗਏ ਲੋਕਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਇਸ ਦੌਰਾਨ, ਹਿਨਾ ਨੇ ਖੁਲਾਸਾ ਕੀਤਾ ਹੈ ਕਿ ਇਸ ਹਮਲੇ ਨੇ ਉਸਦੀ ਮਾਨਸਿਕ ਸਿਹਤ ਨੂੰ ਤਬਾਹ ਕਰ ਦਿੱਤਾ ਹੈ। ਇੱਕ ਲੰਬੀ ਪੋਸਟ ਸਾਂਝੀ ਕਰਕੇ, ਉਸ ਨੇ ਭਾਰਤ ਦੇ ਹਰ ਵਿਅਕਤੀ ਤੋਂ ਮੁਆਫੀ ਮੰਗੀ ਹੈ। ਹਿਨਾ ਨੇ ਆਪਣੀ ਪੋਸਟ ਵਿੱਚ ਲਿਖਿਆ, ਉਹ ਮੇਰੇ ਲਈ ਇੱਕ ਕਾਲਾ ਦਿਨ ਸੀ… ਮੇਰੀਆਂ ਅੱਖਾਂ ਅਜੇ ਵੀ ਨਮ ਹਨ। ਅਸੀਂ ਅਸਲੀਅਤ ਨੂੰ ਸਵੀਕਾਰ ਕਰਨ ਦੇ ਯੋਗ ਨਹੀਂ ਹਾਂ।’
ਮੁਸਲਮਾਨਾਂ ਬਾਰੇ ਬੋਲੀ ਹਿਨਾ ਖ਼ਾਨ
ਹਿਨਾ ਖ਼ਾਨ ਨੇ ਇਸ ਪੋਸਟ ਵਿੱਚ ਲਿਖਿਆ ਹੈ, ‘ਸੰਵੇਦਨਾ।’ ਹਨੇਰੇ ਨਾਲ ਭਰਿਆ ਦਿਨ। ਅੱਖਾਂ ਨਮ ਹਨ। ਨਿੰਦਾ। ਰਹਿਮ ਦੀ ਅਪੀਲ। ਜੇ ਅਸੀਂ ਹਕੀਕਤ ਨੂੰ ਸਵੀਕਾਰ ਨਹੀਂ ਕਰਦੇ, ਤਾਂ ਕੁਝ ਵੀ ਮਾਇਨੇ ਨਹੀਂ ਰੱਖਦਾ। ਜਿਸ ਤਰੀਕੇ ਨਾਲ ਇਹ ਹਮਲਾ ਹੋਇਆ। ਜਿਸ ਤਰੀਕੇ ਨਾਲ ਇਨ੍ਹਾਂ ਬੇਰਹਿਮ ਅਤੇ ਬ੍ਰੈਨਵਾਸ਼ ਕੀਤੇ ਗਏ ਅੱਤਵਾਦੀਆਂ ਨੇ ਆਪਣੇ ਆਪ ਨੂੰ ਮੁਸਲਮਾਨ ਹੋਣ ਦਾ ਦਾਅਵਾ ਕੀਤਾ, ਉਹ ਭਿਆਨਕ ਹੈ। ਮੈਂ ਕਲਪਨਾ ਵੀ ਨਹੀਂ ਕਰ ਸਕਦੀ ਕਿ ਕਿਸੇ ਮੁਸਲਮਾਨ ਨੂੰ ਬੰਦੂਕ ਦੀ ਨੋਕ ‘ਤੇ ਆਪਣਾ ਧਰਮ ਛੱਡਣ ਲਈ ਮਜਬੂਰ ਕੀਤਾ ਜਾਵੇ ਤੇ ਉਸ ਨੂੰ ਮਾਰ ਦਿੱਤਾ ਜਾਵੇ। ਇਸ ਨੇ ਮੇਰਾ ਦਿਲ ਤੋੜ ਦਿੱਤਾ।
?utm_source=ig_web_button_share_sheet">Hina Khan ਦੀ ਪੋਸਟ
ਹਿਨਾ ਖ਼ਾਨ ਨੇ ਮੰਗੀ ਮੁਆਫ਼ੀ
ਹਿਨਾ ਖ਼ਾਨ ਨੇ ਇਸ ਪੋਸਟ ‘ਤੇ ਅੱਗੇ ਲਿਖਿਆ, “ਇੱਕ ਮੁਸਲਮਾਨ ਹੋਣ ਦੇ ਨਾਤੇ, ਮੈਂ ਆਪਣੇ ਸਾਰੇ ਹਿੰਦੂਆਂ ਅਤੇ ਸਾਰੇ ਭਾਰਤੀਆਂ ਤੋਂ ਅਤੇ ਉਨ੍ਹਾਂ ਲੋਕਾਂ ਤੋਂ ਵੀ ਮੁਆਫੀ ਮੰਗਦੀ ਹਾਂ ਜਿਨ੍ਹਾਂ ਨੇ ਇਸ ਘਟਨਾ ਵਿੱਚ ਆਪਣੇ ਅਜ਼ੀਜ਼ਾਂ ਨੂੰ ਗੁਆ ਦਿੱਤਾ। ਇੱਕ ਭਾਰਤੀ ਹੋਣ ਦੇ ਨਾਤੇ, ਮੇਰਾ ਦਿਲ ਟੁੱਟ ਗਿਆ ਹੈ। ਇੱਕ ਮੁਸਲਮਾਨ ਹੋਣ ਦੇ ਨਾਤੇ ਮੇਰਾ ਦਿਲ ਟੁੱਟ ਗਿਆ ਹੈ। ਪਹਿਲਗਾਮ ਵਿੱਚ ਜੋ ਹੋਇਆ, ਉਸ ਤੋਂ ਮੈਂ ਕਦੇ ਵੀ ਉਭਰ ਨਹੀਂ ਸਕਾਂਗੀ।” ਹਿਨਾ ਖ਼ਾਨ ਨੇ ਇਸ ਲੰਬੀ ਪੋਸਟ ਵਿੱਚ ਅੱਜ ਕਸ਼ਮੀਰ ਦੀ ਤਸਵੀਰ ਦਾ ਵੀ ਜ਼ਿਕਰ ਕੀਤਾ ਹੈ। ਉਸਨੇ ਇਹ ਵੀ ਲਿਖਿਆ, ‘ਇਸ ਵਾਰ ਆਓ ਸਾਰੇ ਇਕੱਠੇ ਹੋਈਏ… ਕੋਈ ਰਾਜਨੀਤੀ ਨਾ ਹੋਵੇ, ਕੋਈ ਵੰਡ ਨਾ ਹੋਵੇ… ਸਾਨੂੰ ਸਾਰਿਆਂ ਨੂੰ ਇੱਕ ਰਾਸ਼ਟਰ ਦੇ ਰੂਪ ਵਿੱਚ ਇਕੱਠੇ ਹੋਣਾ ਪਵੇਗਾ।’ ਜੈ ਹਿੰਦ। ਦੱਸ ਦੇਈਏ ਕਿ ਹਿਨਾ ਖਾਨ ਨੂੰ ਇਸ ਪੋਸਟ ਲਈ ਬਹੁਤ ਸਮਰਥਨ ਮਿਲ ਰਿਹਾ ਹੈ। ਇਸ ਤੋਂ ਪਹਿਲਾਂ ਵੀ ਹਿਨਾ ਕਈ ਮੁੱਦਿਆਂ ‘ਤੇ ਖੁੱਲ੍ਹ ਕੇ ਆਪਣੇ ਵਿਚਾਰ ਰੱਖ ਚੁੱਕੀ ਹੈ।
