Hockey World Cup 2026; ਹਾਕੀ ਵਿਸ਼ਵ ਕੱਪ ਤੋਂ ਬਾਹਰ ਹੋਈ ਭਾਰਤੀ ਟੀਮ, ਅਰਜਨਟੀਨਾ ਨੇ 3-5 ਨਾਲ ਹਰਾਇਆ

India Knocked Out Hockey World Cup 2026; ਭਾਰਤੀ ਹਾਕੀ ਟੀਮ ਹਾਕੀ ਵਿਸ਼ਵ ਕੱਪ 2026 ਦੇ ਸੈਮੀਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ। ਦੂਜੇ ਦੌਰ ਵਿੱਚ ਪਹਿਲਾਂ ਨੀਦਰਲੈਂਡਜ਼ ਅਤੇ ਹੁਣ ਅਰਜਨਟੀਨਾ ਖ਼ਿਲਾਫ਼ ਹਾਰ ਤੋਂ ਬਾਅਦ ਭਾਰਤ ਦਾ ਟੂਰਨਾਮੈਂਟ ਵਿੱਚ ਸਫ਼ਰ ਮੁਸ਼ਕਲ ਹੋ ਗਿਆ।

ਇਸ਼ਤਿਹਾਰ

ਪੂਲ-ਈ ਵਿੱਚ ਲਗਾਤਾਰ ਦੋ ਹਾਰਾਂ ਤੋਂ ਬਾਅਦ ਭਾਰਤੀ ਟੀਮ ਅੰਕ ਸੂਚੀ ਵਿੱਚ ਆਖਰੀ ਸਥਾਨ ’ਤੇ ਰਹੀ। ਇਸ ਪੂਲ ਵਿੱਚ ਨੀਦਰਲੈਂਡਜ਼ 6 ਅੰਕ ਅਤੇ +4 ਗੋਲ ਡਿਫਰੈਂਸ ਨਾਲ ਪਹਿਲੇ ਸਥਾਨ ’ਤੇ ਹੈ, ਜਦਕਿ ਅਰਜਨਟੀਨਾ 6 ਅੰਕ ਅਤੇ +2 ਗੋਲ ਡਿਫਰੈਂਸ ਨਾਲ ਦੂਜੇ ਨੰਬਰ ’ਤੇ ਹੈ।

ਅਰਜਨਟੀਨਾ ਖ਼ਿਲਾਫ਼ ਮੁਕਾਬਲੇ ਵਿੱਚ ਭਾਰਤ ਨੂੰ 3-5 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਅਰਜਨਟੀਨਾ ਵੱਲੋਂ ਟੋਮਸ ਡੋਮੇਨ ਨੇ ਦੋ ਗੋਲ ਕੀਤੇ, ਜਦਕਿ ਜੋਕਿਨ ਟੋਸਕਾਨੀ, ਨਿਕੋਲਸ ਡੇਲਾ ਟੋਰੇ ਅਤੇ ਲੁਕਾਸ ਟੋਸਕਾਨੀ ਨੇ ਇੱਕ-ਇੱਕ ਗੋਲ ਕੀਤਾ।

ਭਾਰਤ ਵੱਲੋਂ ਸੁਖਜੀਤ ਸਿੰਘ ਨੇ ਦੋ ਗੋਲ ਕੀਤੇ, ਜਦਕਿ ਕਪਤਾਨ ਹਰਦਿਕ ਸਿੰਘ ਨੇ ਇੱਕ ਗੋਲ ਕੀਤਾ। ਹਾਲਾਂਕਿ ਭਾਰਤੀ ਟੀਮ ਵਾਪਸੀ ਨਹੀਂ ਕਰ ਸਕੀ ਅਤੇ ਸੈਮੀਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਈ।

ਵਿਸ਼ਵ ਕੱਪ ਵਿੱਚ ਭਾਰਤ ਦਾ ਸਫ਼ਰ

ਭਾਰਤ ਨੇ ਟੂਰਨਾਮੈਂਟ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ ਸੀ। ਪਹਿਲੇ ਮੁਕਾਬਲੇ ਵਿੱਚ ਭਾਰਤ ਨੇ ਵੇਲਜ਼ ਨੂੰ 3-1 ਨਾਲ ਹਰਾਇਆ ਸੀ। ਇਸ ਤੋਂ ਬਾਅਦ ਇੰਗਲੈਂਡ ਖ਼ਿਲਾਫ਼ ਭਾਰਤ ਨੂੰ 2-4 ਨਾਲ ਹਾਰ ਮਿਲੀ।

ਭਾਰਤ ਨੇ ਪਾਕਿਸਤਾਨ ਨੂੰ 5-3 ਨਾਲ ਹਰਾਇਆ, ਪਰ ਇਹ ਜਿੱਤ ਸੈਮੀਫਾਈਨਲ ਲਈ ਕਾਫ਼ੀ ਨਹੀਂ ਰਹੀ। ਦੂਜੇ ਦੌਰ ਵਿੱਚ ਨੀਦਰਲੈਂਡਜ਼ ਤੋਂ 1-3 ਅਤੇ ਅਰਜਨਟੀਨਾ ਤੋਂ 3-5 ਦੀ ਹਾਰ ਨਾਲ ਭਾਰਤ ਦਾ ਸਫ਼ਰ ਖਤਮ ਹੋ ਗਿਆ।

ਹੁਣ ਭਾਰਤੀ ਟੀਮ 28 ਅਗਸਤ ਨੂੰ ਸੱਤਵੇਂ ਸਥਾਨ ਲਈ ਹੋਣ ਵਾਲੇ ਪਲੇਆਫ਼ ਮੁਕਾਬਲੇ ਵਿੱਚ ਬੈਲਜੀਅਮ ਨਾਲ ਭਿੜੇਗੀ।