ਪੰਜਾਬ ਨੂੰ ਦਹਿਲਾਉਣ ਦੀ ਕੋਸ਼ਿਸ਼, ਲੁਧਿਆਣਾ ‘ਚ ਬੈਗ ਚੋਂ ਮਿਲਿਆ IED, ਪੁਲਿਸ ਨੇ ਦੋ ਨੂੰ ਹਿਰਾਸਤ ‘ਚ ਲੈ ਪੁੱਛਗਿੱਛ ਕੀਤੀ ਤੇਜ਼
Ludhiana Police: ਬੀਤੀ ਰਾਤ, ਜਦੋਂ ਬੈਗ ਚੋਂ ਪੈਟਰੋਲ ਦੀ ਬਦਬੂ ਆਈ, ਤਾਂ ਦੁਕਾਨਦਾਰ ਨੇ ਇਮਾਰਤ ਦੇ ਮਾਲਕ ਨੂੰ ਸੂਚਿਤ ਕੀਤਾ।
IED found in bag in Ludhiana: ਲੁਧਿਆਣਾ ਦੇ ਬਸਤੀ ਜੋਧੇਵਾਲ ਇਲਾਕੇ ‘ਚ ਇੱਕ ਬੈਗ ਦੀ ਦੁਕਾਨ ‘ਤੇ ਇੱਕ ਸ਼ੱਕੀ ਬੈਗ ਚੋਂ ਇੱਕ ਇੰਪ੍ਰੋਵਾਈਜ਼ਡ ਐਕਸਪਲੋਸਿਵ ਡਿਵਾਈਸ (IED) ਬਰਾਮਦ ਹੋਣ ਦੀ ਖ਼ਬਰ ਮਿਲੀ ਹੈ। ਪੁਲਿਸ ਬੁੱਧਵਾਰ ਰਾਤ ਤੋਂ ਬੈਗ ਦੀ ਜਾਂਚ ਕਰ ਰਹੀ ਸੀ ਅਤੇ ਵੀਰਵਾਰ ਦੁਪਹਿਰ ਨੂੰ ਇਸ ਦੇ ਵਿਸਫੋਟਕ ਹੋਣ ਦੀ ਪੁਸ਼ਟੀ ਕੀਤੀ।
ਜਿਸ ਦੁਕਾਨ ਤੋਂ ਬੈਗ ਬਰਾਮਦ ਹੋਇਆ ਸੀ, ਉਸ ਦੇ ਮਾਲਕ ਨੇ ਦੱਸਿਆ ਕਿ ਇੱਕ ਸ਼ੱਕੀ ਵਿਅਕਤੀ ਲਗਭਗ ਚਾਰ ਦਿਨ ਪਹਿਲਾਂ ਬ੍ਰੀਫਕੇਸ ਖਰੀਦਣ ਲਈ ਦੁਕਾਨ ‘ਤੇ ਆਇਆ ਸੀ। ਉਸ ਵਿਅਕਤੀ ਨੇ ਦੁਕਾਨਦਾਰ ਨੂੰ 500 ਰੁਪਏ ਪਹਿਲਾਂ ਹੀ ਦੇ ਦਿੱਤੇ ਅਤੇ ਕਿਹਾ ਕਿ ਉਹ ਇਸਨੂੰ ਲੈਣ ਲਈ ਜਲਦੀ ਵਾਪਸ ਆਵੇਗਾ। ਇਸ ਦੇ ਨਾਲ ਹੀ ਉਹ ਆਪਣੇ ਨਾਲ ਲਿਆਂਦਾ ਬੈਗ ਦੁਕਾਨ ‘ਚ ਛੱਡ ਗਿਆ।
ਪੈਟਰੋਲ ਦੀ ਸਮੈੈਲ ਆਉਣ ਮਗਰੋਂ ਸ਼ੁਰੂ ਹੋਈ ਜਾਂਚ, ਖੁਲ੍ਹ ਗਿਆ ਰਾਜ਼
ਬੀਤੀ ਰਾਤ, ਜਦੋਂ ਬੈਗ ਚੋਂ ਪੈਟਰੋਲ ਦੀ ਬਦਬੂ ਆਈ, ਤਾਂ ਦੁਕਾਨਦਾਰ ਨੇ ਇਮਾਰਤ ਦੇ ਮਾਲਕ ਨੂੰ ਸੂਚਿਤ ਕੀਤਾ। ਇਮਾਰਤ, ਹਰਬੰਸ ਟਾਵਰ ਦੇ ਮਾਲਕ ਰਿੰਕੂ ਨੇ ਸ਼ੱਕੀ ਬੈਗ ਦੇਖਿਆ ਅਤੇ ਤੁਰੰਤ ਦਰੇਸੀ ਥਾਣੇ ‘ਚ ਪੁਲਿਸ ਨੂੰ ਸੂਚਿਤ ਕੀਤਾ।
ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ, ਪੁਲਿਸ ਕਮਿਸ਼ਨਰ ਸਵਪਨ ਸ਼ਰਮਾ ਪਹੁੰਚੇ। ਉਨ੍ਹਾਂ ਨੇ ਮਾਮਲੇ ਦੀ ਜਾਣਕਾਰੀ ਲਈ। ਪੁਲਿਸ ਨੇ ਇਸ ਮਾਮਲੇ ਦੇ ਸਬੰਧ ਵਿੱਚ ਦੋ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਹੈ।
