ਭਾਰਤੀ ਬਾਸਕਟਬਾਲ ਟੀਮ ਦੇ ਕਪਤਾਨ ਪਾਲਪ੍ਰੀਤ ਦਾ ਪਿੰਡ ਪਹੁੰਚਣ ’ਤੇ ਭਰਵਾਂ ਸਵਾਗਤ, ਖਿਡਾਰੀਆਂ ਨਾਲ ਸਾਂਝਾ ਕੀਤਾ ਤਜ਼ਰਬਾ
Indian Basketball Team Captain Palpreet; ਭਾਰਤੀ ਬਾਸਕਟਬਾਲ ਟੀਮ ਦੇ ਕਪਤਾਨ ਪਾਲਪ੍ਰੀਤ ਦਾ ਪਿੰਡ ਪਹੁੰਚਣ ’ਤੇ ਭਰਵਾਂ ਸਵਾਗਤ ਕੀਤਾ ਗਿਆ। ਖਿਡਾਰੀਆਂ ਨਾਲ ਤਜ਼ਰਬਾ ਸਾਂਝਾ ਕੀਤਾ ਗਿਆ।
ਕਿਸੇ ਸਿਆਣੇ ਨੇ ਸੱਚ ਹੀ ਕਿਹਾ ਹੈ, ”ਮਿਹਨਤ ਦਾ ਫ਼ਲ ਹਮੇਸ਼ਾ ਮਿੱਠਾ ਹੁੰਦਾ ਹੈ” ਇਹੋ ਜਿਹਾ ਕੁੱਝ ਦੇਖਣ ਨੂੰ ਮਿਲਿਆ ਜਿਲਾ ਸ਼੍ਰੀ ਮੁਕਤਸਰ ਸਾਹਿਬ ਦੇ ਛੋਟੇ ਜਿਹੇ ਪਿੰਡ ਕੋਠੇ ਸੁਰਗਾ ਪੂਰੀ ਦੇ ਵਾਸੀ ਪਾਲਪ੍ਰੀਤ ਜਿਸਦੀ ਸਖ਼ਤ ਮਿਹਨਤ ਦੇ ਸਦਕਾ ਜੋ ਕੇ 2010 ਤੋਂ ਸ਼ੁਰੂ ਕੀਤੀ ਬਾਸਕਟਬਾਲ ਖੇਡ ‘ਚ ਸਖ਼ਤ ਮਿਹਨਤ ਸਦਕਾ ਇੰਡੀਆ ਟੀਮ ਬਾਸਕਟਬਾਲ ਦੇ ਕਪਤਾਨ ਬਣੇ।
ਭਾਰਤੀ ਬਾਸਕਟਬਾਲ ਟੀਮ ਦੇ ਕੈਪਟਨ ਬਣੇ ਪਾਲਪ੍ਰੀਤ ਅੱਜ ਗਿਦੜਬਾਹਾਂ ਬਾਸਕਟਬਾਲ ਗਰਾਉਂਡ ‘ਚ ਪਹੁੰਚਣ ਤੇ ਭਰਵਾਂ ਸਵਾਗਤ ਕੀਤਾ ਗਿਆ।
ਇਸਦੇ ਨਾਲ ਹੀ ਉਹਨਾਂ ਵੱਲੋਂ ਅਪਣੇ ਤਜ਼ਰਬੇ ਖਿਡਾਰੀਆਂ ਨਾਲ ਸਾਂਝੇ ਕੀਤੇ ਗਏ।
ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਪਾਲਪ੍ਰੀਤ ਨੇ ਕਿਹਾ ਕਿ ਉਸਨੂੰ ਭਾਰਤੀ ਟੀਮ ਬਾਸਕਟਬਾਲ ਦਾ ਕਪਤਾਨ ਬਣਨ ਦੀ ਬਹੁਤ ਖੁਸ਼ੀ ਹੈ। ਪਾਲਪ੍ਰੀਤ ਨੇ ਕਿਹਾ ਕਿ ਪੰਜਾਬ ਨੂੰ ਐਵੇਂ ਹੀ ਨਸ਼ਿਆਂ ਵਜੋਂ ਬਦਨਾਮ ਕੀਤਾ ਜਾ ਰਿਹਾ ਹੈ,
ਨਸ਼ਾ ਹਰ ਇਕ ਸਟੇਟ ਦੇ ਵਿਚ ਹੈ, ਸਗੋਂ ਪੰਜਾਬ ਨਾਲੋਂ ਵੱਧਕੇ ਬਾਹਰਲੀਆਂ ਸਟੇਟਾਂ ਵਿੱਚ ਨਸ਼ੇ ਦਾ ਸੇਵਨ ਕੀਤਾ ਜਾ ਰਿਹਾ ਹੈ। ਨਸ਼ੇ ਦੇ ਉੱਪਰ ਉੱਠ ਕੇ ਨੌਜਵਾਨਾਂ ਨੂੰ ਖੇਡਾਂ ਵੱਲ ਧਿਆਨ ਦੇਣਾ ਚਾਹੀਦਾ ਹੈ।
ਸਖ਼ਤ ਤੋਂ ਸਖ਼ਤ ਮਿਹਨਤ ਕਰਨੀ ਚਾਹੀਦੀ ਹੈ ਅਤੇ ਕਿਹਾ ਕਿ ਮਿਹਨਤ ਦਾ ਫ਼ਲ ਆਖ਼ਿਰ ‘ਚ ਜਰੂਰ ਮਿਲਦਾ ਹੈ।
