ਜ਼ਰਾ ਬੱਚ ਕੇ ! ਹੁਣ ਮਹਿੰਗੀਆਂਂ ਗੱਡੀਆਂ ‘ਚ ਆਉਂਦੇ ਚੋਰ, 15 ਮਿੰਟਾਂ ‘ਚ ਕੱਪੜੇ ਕੀਤੇ ਗਾਇਬ, ਵਾਰਦਾਤ CCTV ‘ਚ ਕੈਦ

ਲੁਧਿਆਣਾ: ਬੁੱਧਵਾਰ ਰਾਤ ਨੂੰ ਟਿੱਬਾ ਰੋਡ ‘ਤੇ ਸਥਿਤ ਇੱਕ ਕੱਪੜਿਆਂ ਦੀ ਦੁਕਾਨ ਵਿੱਚ ਚੋਰੀ ਦੀ ਘਟਨਾ ਵਾਪਰੀ। ਇਹ ਘਟਨਾ ਵੀਰਵਾਰ ਸਵੇਰੇ ਉਦੋਂ ਸਾਹਮਣੇ ਆਈ ਜਦੋਂ ਦੁਕਾਨ ਦੇ ਕਰਮਚਾਰੀ ਇਸਨੂੰ ਸਾਫ਼ ਕਰਨ ਆਏ। ਉਨ੍ਹਾਂ ਦੇਖਿਆ ਕਿ ਦੁਕਾਨ ਦਾ ਸਾਮਾਨ ਖਿੰਡਿਆ ਹੋਇਆ ਸੀ ਅਤੇ ਕੱਪੜਿਆਂ ਦੇ ਕਈ ਸੈੱਟ ਗਾਇਬ ਸਨ। ਦੁਕਾਨਦਾਰ ਨਵਦੀਪ ਸਿੰਘ ਨੇ ਦੱਸਿਆ ਕਿ ਉਸਨੇ ਇਹ ਦੁਕਾਨ ਸਿਰਫ਼ ਚਾਰ ਮਹੀਨੇ ਪਹਿਲਾਂ ਹੀ ਖੋਲ੍ਹੀ ਸੀ। ਸਵੇਰੇ ਕਰਮਚਾਰੀਆਂ ਤੋਂ ਜਾਣਕਾਰੀ ਮਿਲਦੇ ਹੀ ਜਦੋਂ ਉਸਨੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਤਾਂ ਉਸਨੂੰ ਪਤਾ ਲੱਗਾ ਕਿ ਰਾਤ ਲਗਭਗ 3 ਵਜੇ ਇੱਕ ਬੋਲੈਰੋ ਕਾਰ ਵਿੱਚ ਆਏ ਦੋ ਸ਼ੱਕੀ ਵਿਅਕਤੀ ਤਾਲਾ ਤੋੜ ਕੇ ਸਿਰਫ਼ 15 ਮਿੰਟਾਂ ਵਿੱਚ ਦੁਕਾਨ ਤੋਂ ਕੱਪੜੇ ਚੋਰੀ ਕਰਕੇ ਭੱਜ ਗਏ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਟਿੱਬਾ ਪੁਲਿਸ ਸਟੇਸ਼ਨ ਨੂੰ ਸ਼ਿਕਾਇਤ ਦਿੱਤੀ ਗਈ। ਪੁਲਿਸ ਸੀਸੀਟੀਵੀ ਫੁਟੇਜ ਦੇ ਆਧਾਰ ‘ਤੇ ਦੋਸ਼ੀਆਂ ਦੀ ਭਾਲ ਕਰ ਰਹੀ ਹੈ।