Kullu Cloudburst: ਕੁੱਲੂ ਦੀ ਲਗਘਾਟੀ ‘ਚ ਫਟਿਆ ਬੱਦਲ, ਸਰਵਰੀ ‘ਚ ਪੈਦਲ ਪੁਲ ਹੋਇਆ ਤਬਾਹ

ਸਰਵਰੀ ‘ਚ ਪੈਦਲ ਪੁਲ ਹੋਇਆ ਤਬਾਹ, ਸਾਰੇ ਸਕੂਲ-ਕਾਲਜ ਰਹਿਣਗੇ ਬੰਦ

Kullu Cloudburst: ਹਿਮਾਚਲ ਪ੍ਰਦੇਸ਼ ਦੇ ਕੁੱਲੂ ਜ਼ਿਲ੍ਹੇ ਦੀ ਲਗ ਘਾਟੀ ‘ਚ ਸਮਾਨਾ ਪਿੰਡ ਨੇੜੇ ਪਿਛਲੀ ਰਾਤ ਲਗਭਗ 2 ਵਜੇ ਬੱਦਲ ਫਟਣ ਦੀ ਘਟਨਾ ਸਾਹਮਣੇ ਆਈ ਹੈ। ਇਸ ਹਾਦਸੇ ਵਿੱਚ ਦੋ ਦੁਕਾਨਾਂ ਅਤੇ ਇੱਕ ਮੋਟਰਸਾਈਕਲ ਨੂੰ ਨੁਕਸਾਨ ਪਹੁੰਚਿਆ ਹੈ।

ਇਸ਼ਤਿਹਾਰ

ਇਸ ਦੇ ਨਾਲ-ਨਾਲ ਬਹੁਤ ਸਾਰੇ ਖੇਤਾਂ ਨੂੰ ਵੀ ਮਿੱਟੀ ਤੇ ਪਾਣੀ ਦੇ ਮਲਬੇ ਨਾਲ ਨੁਕਸਾਨ ਹੋਇਆ ਹੈ।

ਭਾਰੀ ਮੀਂਹ ਕਾਰਨ ਸਰਵਰੀ ਨਾਲੇ ‘ਚ ਆਇ ਹੜ੍ਹ

ਕੁੱਲੂ ਦੀ ਲਗਘਾਟੀ ‘ਚ ਫਟਿਆ ਬੱਦਲ, 2 ਦੁਕਾਨਾਂ ਅਤੇ ਇੱਕ ਬਾਈਕ ਨੁਕਸਾਨੀ ਗਈਫਟਣ ਨਾਲ ਸਰਵਰੀ ਨਾਲੇ ‘ਚ ਵੀ ਪਾਣੀ ਦੀ ਭਿਆਨਕ ਲਹਿਰ ਆ ਗਈ, ਜਿਸ ਨਾਲ ਇੱਕ ਪੈਦਲ ਪੁਲ ਵੀ ਤਬਾਹ ਹੋ ਗਿਆ। ਨਾਲਿਆਂ ‘ਚ ਆਏ ਮਲਬੇ ਨੇ ਲੋਕਾਂ ਦੇ ਘਰਾਂ ਵਿੱਚ ਦਾਖ਼ਲ ਹੋ ਕੇ ਹਾਲਾਤ ਹੋਰ ਵਿਗਾੜ ਦਿੱਤੇ।

ਗੁੱਜੀ ਆਵਾਜ਼ ਨਾਲ ਜਾਗੇ ਪਿੰਡ ਵਾਸੀ

ਸਥਾਨਕ ਵਾਸੀਆਂ ਨੇ ਦੱਸਿਆ ਕਿ ਰਾਤ 2 ਵਜੇ ਦੇ ਕਰੀਬ ਇੱਕ ਤੇਜ਼ ਧਮਾਕੇ ਵਰਗੀ ਆਵਾਜ਼ ਆਈ, ਜਿਸ ਤੋਂ ਬਾਅਦ ਲੋਕ ਘਰਾਂ ਤੋਂ ਬਾਹਰ ਨਿਕਲ ਆਏ। ਕਿਸੇ ਜਾਨੀ ਨੁਕਸਾਨ ਦੀ ਪੁਸ਼ਟੀ ਨਹੀਂ ਹੋਈ, ਪਰ ਸੰਪਤੀ ਅਤੇ ਖੇਤੀਬਾੜੀ ਨੂੰ ਨੁਕਸਾਨ ਪਹੁੰਚਿਆ ਹੈ।

ਸਾਰੇ ਸਕੂਲ ਅਤੇ ਕਾਲਜ ਰਹਿਣਗੇ ਬੰਦ

ਜਿਲ੍ਹਾ ਪ੍ਰਸ਼ਾਸਨ ਵੱਲੋਂ ਮੌਸਮ ਵਿਭਾਗ ਦੀ ਚੇਤਾਵਨੀ ਦੇ ਮੱਦੇਨਜ਼ਰ ਮੰਗਲਵਾਰ ਨੂੰ ਸਾਰੇ ਸਿੱਖਿਆ ਸੰਸਥਾਨ ਬੰਦ ਰੱਖਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।

ਨਦੀ ਕਿਨਾਰੇ ਰਹਿੰਦੇ ਲੋਕਾਂ ਨੂੰ ਕੀਤਾ ਗਿਆ ਸੁਰੱਖਿਅਤ ਸਥਾਨਾਂ ‘ਤੇ ਤਬਦੀਲ

ਜਿਵੇਂ ਹੀ ਲਗ ਘਾਟੀ ਵਿੱਚ ਬੱਦਲ ਫਟਣ ਦੀ ਸੂਚਨਾ ਮਿਲੀ, ਪ੍ਰਸ਼ਾਸਨ ਨੇ ਸਰਵਰੀ ਵਿੱਚ ਨਦੀ-ਨਾਲਿਆਂ ਦੇ ਕਿਨਾਰੇ ਝੁੱਗੀਆਂ ਵਿੱਚ ਰਹਿ ਰਹੇ ਲੋਕਾਂ ਨੂੰ ਤੁਰੰਤ ਖਾਲੀ ਕਰਵਾਇਆ, ਅਤੇ ਉਨ੍ਹਾਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਪਹੁੰਚਾਇਆ ਗਿਆ।