ਕਿਸਾਨ ਆਗੂ ਜਗਜੀਤ ਸਿੰਘ ਡੱਲੇਵਾਲ ਦਾ ਅਣਸ਼ਨ 76ਵੇਂ ਦਿਨ ‘ਚ ਦਾਖਲ, ਮੈਡਿਕਲ ਸਹਾਇਤਾ ਵੀ ਬੰਦ
Leader Jagjit Singh Dallewal’s fast enters 76th day ;- ਕਿਸਾਨ ਆਗੂ ਜਗਜੀਤ ਸਿੰਘ ਡੱਲੇਵਾਲ ਦਾ ਮਰਨਵ੍ਰਤ ਅੱਜ (9 ਫਰਵਰੀ) 76ਵੇਂ ਦਿਨ ਵਿੱਚ ਦਾਖਲ ਹੋ ਗਿਆ, ਪਰ ਹੁਣ ਉਹ ਮੇਡਿਕਲ ਸਹਾਇਤਾ ਵੀ ਨਹੀਂ ਲੈ ਰਹੇ। ਕਿਸਾਨ ਨੇਤਾਵਾਂ ਮੁਤਾਬਕ, ਪਿਛਲੇ 6 ਦਿਨਾਂ ਤੋਂ ਡਾਕਟਰਾਂ ਨੂੰ ਡ੍ਰਿਪ ਲਗਾਉਣ ਲਈ ਉਨ੍ਹਾਂ ਦੀ ਕੋਈ ਵੀ ਨਸ ਨਹੀਂ ਮਿਲ ਰਹੀ। ਉਨ੍ਹਾਂ ਦੀਆਂ ਜ਼ਿਆਦਾਤਰ ਨਸਾਂ ਬਲਾਕ ਹੋ ਚੁੱਕੀਆਂ ਹਨ, ਜਿਸ ਕਰਕੇ ਹੁਣ ਪੈਰਾਂ ਦੀਆਂ ਨਸਾਂ ਰਾਹੀਂ ਡ੍ਰਿਪ ਲਗਾਉਣ ਦੀ ਕੋਸ਼ਿਸ਼ ਹੋ ਰਹੀ ਹੈ।
ਉੱਥੇ ਹੀ, ਅੱਜ ਸੰਯੁਕਤ ਕਿਸਾਨ ਮੋਰਚਾ ਵੱਲੋਂ ਪੂਰੇ ਦੇਸ਼ ‘ਚ ਲੋਕ ਸਭਾ ਅਤੇ ਰਾਜ ਸਭਾ ਦੇ ਸੰਸਦ ਮੈਂਬਰਾਂ ਨੂੰ ਕੇਂਦਰ ਸਰਕਾਰ ਦੀ ਖੇਤੀਬਾੜੀ ਮਾਰਕੀਟਿੰਗ ਨੀਤੀ ਦੇ ਖਿਲਾਫ਼ ਮੰਗ ਪੱਤਰ ਸੌਂਪਣ ਦਾ ਯੋਜਨਾ ਬਣਾਈ ਗਈ ਹੈ।
ਅੱਜ ਜਲ ਯਾਤਰਾ ਦਾ ਚੋਥਾ ਪੜਾਅ
ਖਨੌਰੀ ਮੋਰਚੇ ‘ਤੇ ਚਲ ਰਹੀ ਜਲ ਯਾਤਰਾ ਦੇ ਚੌਥੇ ਪੜਾਅ ਤਹਿਤ ਅੱਜ ਹਰਿਆਣਾ ਦੇ ਕਿਸਾਨ ਖੇਤਾਂ ਦੇ ਟਿਊਬਵੈਲਾਂ ਦਾ ਪਾਣੀ ਲੈ ਕੇ ਖਨੌਰੀ ਮੋਰਚੇ ‘ਤੇ ਪਹੁੰਚਣਗੇ। ਯਾਦ ਰਹੇ ਕਿ ਕਿਸਾਨ ਆਗੂ ਸਰਵਨ ਸਿੰਘ ਪੰਧੇਰ ਨੇ ਕੁਝ ਸਮਾਂ ਪਹਿਲਾਂ ਪੰਜਾਬੀ ਗਾਇਕਾਂ, ਕਲਾਕਾਰਾਂ ਅਤੇ ਡੀ ਜੇ ਚਲਾਉਣ ਵਾਲਿਆਂ ਨੂੰ ਅਪੀਲ ਕੀਤੀ ਸੀ ਕਿ ਉਹ ਆਪਣੇ ਪ੍ਰੋਗ੍ਰਾਮਾਂ ਦੌਰਾਨ ਮੰਚ ਤੋਂ ਕਿਸਾਨ ਅੰਦੋਲਨ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨ। ਇਸ ਤੋਂ ਬਾਅਦ ਕਈ ਗਾਇਕ ਵੀ ਅੰਦੋਲਨ ਨਾਲ ਜੁੜੇ ਹਨ।
Read also ;- ਗੌਤਮ ਅਡਾਨੀ ਨੇ ਬੇਟੇ ਦੇ ਵਿਆਹ ‘ਤੇ 10,000 ਕਰੋੜ ਰੁਪਏ ਇਨ੍ਹਾਂ ਕੰਮਾਂ ‘ਤੇ ਖਰਚਣ ਲਈ ਕੀਤੇ ਦਾਨ, ਸੁਣ ਹੋ ਜਾਓਗੇ ਮੁਰੀਦ
