Mohammed Shami ਨੇ ਰਚਿਆ ਇਤਿਹਾਸ, ਸਭ ਤੋਂ ਤੇਜ਼ 200 ਵਿਕਟਾਂ ਲੈ ਕੇ ਬਣਾਇਆ ਵਰਲਡ ਰਿਕਾਰਡ
Mohammed Shami World record: ਬੰਗਲਾਦੇਸ਼ ਦੇ ਖਿਲਾਫ ਖੇਡੇ ਜਾ ਰਹੇ ਮੈਚ ‘ਚ ਮੁਹੰਮਦ ਸ਼ਮੀ ਨੇ ਦੁਬਈ ਦੇ ਮੈਦਾਨ ‘ਤੇ ਵੱਡਾ ਕਾਰਨਾਮਾ ਕਰ ਦਿਖਾਇਆ।
Mohammed Shami: ਦੁਬਈ ‘ਚ ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡੇ ਗਏ ਚੈਂਪੀਅਨਸ ਟਰਾਫੀ ਮੈਚ ਦੌਰਾਨ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਆਪਣੇ ਕਰੀਅਰ ‘ਚ ਇੱਕ ਅਹਿਮ ਪ੍ਰਾਪਤੀ ਹਾਸਲ ਕੀਤੀ ਹੈ। ਸ਼ਮੀ ਦਾ ਇਹ ਰਿਕਾਰਡ ਵਨਡੇ ਕ੍ਰਿਕਟ ‘ਚ ਸਭ ਤੋਂ ਤੇਜ਼ ਰਫਤਾਰ ਨਾਲ ਆਇਆ ਹੈ। ਉਸ ਨੇ ਵੱਡੀਆਂ ਤੋਪਾਂ ਨੂੰ ਪਿੱਛੇ ਛੱਡ ਕੇ ਬਹੁਤ ਹੀ ਖਾਸ ਮੁਕਾਮ ਹਾਸਲ ਕੀਤਾ ਹੈ ਅਤੇ ਲਾਈਮਲਾਈਟ ਵਿੱਚ ਆ ਗਿਆ ਹੈ।
ਸ਼ਮੀ ਸਭ ਤੋਂ ਤੇਜ਼ ਗੇਂਦਬਾਜ਼
ਮੈਚ ਦੌਰਾਨ ਮੁਹੰਮਦ ਸ਼ਮੀ ਨੇ ਜਿਵੇਂ ਹੀ ਆਪਣੀ ਤੀਜੀ ਵਿਕਟ ਲਈ, ਉਸ ਨੇ ਵਨਡੇ ਕ੍ਰਿਕਟ ‘ਚ 200 ਵਿਕਟਾਂ ਪੂਰੀਆਂ ਕਰ ਲਈਆਂ। 200 ਉਸ ਨੇ ਆਪਣੇ ਵਨਡੇ ਕਰੀਅਰ ਦੇ 104ਵੇਂ ਮੈਚ ਵਿੱਚ ਇਹ ਅੰਕੜਾ ਹਾਸਲ ਕੀਤਾ। ਮੈਚਾਂ ਦੀ ਗੱਲ ਕਰੀਏ ਤਾਂ ਵਨਡੇ ‘ਚ ਸਭ ਤੋਂ ਤੇਜ਼ 200 ਵਿਕਟਾਂ ਲੈਣ ਦੇ ਮਾਮਲੇ ‘ਚ ਉਹ ਸਕਲੇਨ ਮੁਸ਼ਤਾਕ ਨਾਲ ਸਾਂਝੇ ਤੌਰ ‘ਤੇ ਦੂਜੇ ਨੰਬਰ ‘ਤੇ ਹੈ ਪਰ ਗੇਂਦਾਂ ਦੇ ਮਾਮਲੇ ‘ਚ ਉਹ ਸਭ ਤੋਂ ਤੇਜ਼ ਹੈ। ਸ਼ਮੀ ਨੇ 5126 ਗੇਂਦਾਂ ਸੁੱਟੀਆਂ ਹਨ ਅਤੇ 200 ਵਨਡੇ ਵਿਕਟਾਂ ਲਈਆਂ ਹਨ, ਜੋ ਕਿ ਸਭ ਤੋਂ ਤੇਜ਼ ਹੈ।
