ਵਿੱਤੀ ਸਾਲ ‘ਚ ਜੁਲਾਈ ਤੱਕ Net revenue 9188.18 ਕਰੋੜ ਤੱਕ ਪਹੁੰਚਿਆ, ਪਹਿਲੀ ਤਿਮਾਹੀ ‘ਚ 156 ਕਰੋੜ ਰੁਪਏ ਵਸੂਲਿਆ ਜੁਰਮਾਨਾ
Net revenue collection 2025; ਵਿੱਤ ਮੰਤਰੀ ਹਰਪਾਲ ਚੀਮਾ ਨੇ ਕਿਹਾ ਕਿ ਸੂਬੇ ਨੇ ਟੈਕਸ ਮਾਲੀਏ ਵਿੱਚ ਇੱਕ ਵਾਰ ਫਿਰ ਰਿਕਾਰਡ ਤੋੜ 32.08% ਵਾਧਾ ਦਰਜ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਜੁਲਾਈ 2025 ਵਿੱਚ ਇਕੱਠਾ ਕੀਤਾ ਗਿਆ Net revenue 2357.78 ਕਰੋੜ ਰੁਪਏ ਸੀ, ਜੋ ਕਿ ਜੁਲਾਈ 2024 ਵਿੱਚ ਇਕੱਠੇ ਕੀਤੇ ਗਏ 1785.07 ਕਰੋੜ ਰੁਪਏ ਦੇ ਮੁਕਾਬਲੇ 572.71 ਕਰੋੜ ਰੁਪਏ ਦਾ ਵਾਧਾ ਦਰਸਾਉਂਦਾ ਹੈ।
ਮੌਜੂਦਾ ਵਿੱਤੀ ਸਾਲ ਦੇ ਜੁਲਾਈ ਤੱਕ, Net revenue 9188.18 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜੋ ਕਿ ਵਿੱਤੀ ਸਾਲ 2024-25 ਦੀ ਇਸੇ ਮਿਆਦ ਦੌਰਾਨ ਇਕੱਠੇ ਕੀਤੇ ਗਏ 7162.82 ਕਰੋੜ ਰੁਪਏ ਨਾਲੋਂ 2025.36 ਕਰੋੜ ਰੁਪਏ ਵੱਧ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਵਿੱਤੀ ਸਾਲ 2025-26 ਦੀ ਪਹਿਲੀ ਤਿਮਾਹੀ ਦੌਰਾਨ, ਟੈਕਸ ਵਿਭਾਗ ਪੰਜਾਬ ਦੀ ਸਟੇਟ ਇਨਵੈਸਟੀਗੇਸ਼ਨ ਐਂਡ ਪ੍ਰੀਵੈਂਟਿਵ ਯੂਨਿਟ (ਐਸਆਈਪੀਯੂ) ਨੇ 156.40 ਕਰੋੜ ਰੁਪਏ ਦੇ ਜੁਰਮਾਨੇ ਇਕੱਠੇ ਕੀਤੇ ਹਨ।
ਇਸ ਵਿੱਚੋਂ, ਸੜਕੀ ਚੈਕਿੰਗ ਰਾਹੀਂ 57.43 ਕਰੋੜ ਰੁਪਏ ਅਤੇ ਜਾਂਚ ਰਾਹੀਂ 98.97 ਕਰੋੜ ਰੁਪਏ ਦੀ ਰਿਕਵਰੀ ਕੀਤੀ ਗਈ ਹੈ। ਸਿਪੂ ਨੇ 2620.80 ਕਰੋੜ ਰੁਪਏ ਦੇ ਜਾਅਲੀ ਲੈਣ-ਦੇਣ ਅਤੇ 296.32 ਕਰੋੜ ਰੁਪਏ ਦੀ ਟੈਕਸ ਚੋਰੀ ਨਾਲ ਸਬੰਧਤ 2 GST ਧੋਖਾਧੜੀ ਦੇ ਮਾਮਲਿਆਂ ਦਾ ਪਤਾ ਲਗਾਇਆ। ਜੂਨ 2025 ਵਿੱਚ 2 FIRs ਦਰਜ ਕਰਨ ਨਾਲ ਮਜ਼ਬੂਤੀ ਮਿਲੀ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਸਰਗਰਮ ਕਦਮਾਂ ਨੇ ਚੁਣੌਤੀਆਂ ਦੇ ਬਾਵਜੂਦ ਰਾਜ ਨੂੰ ਟੈਕਸ ਰਿਕਵਰੀ ਵਿੱਚ ਮੋਹਰੀ ਪ੍ਰਦਰਸ਼ਨ ਕਰਨ ਵਾਲੇ ਰਾਜਾਂ ਵਿੱਚੋਂ ਇੱਕ ਬਣਾ ਦਿੱਤਾ ਹੈ।
ਜੁਲਾਈ ਵਿੱਚ 241.17 ਕਰੋੜ GST ਰਿਫੰਡ ਮਨਜ਼ੂਰ ਕੀਤੇ ਗਏ
ਸਰਕਾਰ ਨੇ ਜੁਲਾਈ ਵਿੱਚ ਬਕਾਇਆ ਟੈਕਸ (GST) ਰਿਫੰਡ ਲਈ 1408 ਅਰਜ਼ੀਆਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਨਾਲ ਕੁੱਲ 241.17 ਕਰੋੜ ਰੁਪਏ ਦੀ ਰਿਫੰਡ ਰਕਮ ਬਣਦੀ ਹੈ। ਵਿੱਤ ਮੰਤਰੀ ਚੀਮਾ ਨੇ ਕਿਹਾ ਕਿ 30 ਜੂਨ ਤੱਕ, 3452 ਰਿਫੰਡ ਅਰਜ਼ੀਆਂ ਲੰਬਿਤ ਸਨ, ਜਿਨ੍ਹਾਂ ਦੀ ਕੁੱਲ ਰਕਮ 832.93 ਕਰੋੜ ਸੀ। ਜੁਲਾਈ ਵਿੱਚ, 241.17 ਕਰੋੜ ਰਿਫੰਡ ਮਨਜ਼ੂਰ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚੋਂ 57 ਕਰੋੜ SGST ਲਈ ਹਨ ਅਤੇ 184.17 ਕਰੋੜ IGST, CGST ਲਈ ਹਨ, ਜਿਨ੍ਹਾਂ ਦਾ ਭੁਗਤਾਨ ਕੇਂਦਰ ਕਰੇਗਾ। 52 ਕਰੋੜ ਰੁਪਏ ਦੀ ਰਕਮ ਦੀਆਂ 663 ਅਰਜ਼ੀਆਂ ਪ੍ਰਕਿਰਿਆ ਅਧੀਨ ਹਨ।
