ਦੇਹਰਾਦੂਨ ‘ਚ ਚੰਡੀਗੜ੍ਹ-ਰਜਿਸਟਰਡ ਮਰਸੀਡੀਜ਼ ਗੱਡੀ ਨੇ 4 ਲੋਕਾਂ ਦੀ ਲਈ ਜਾਨ ,ਡਰਾਈਵਰ ਮੌਕੇ ਤੋਂ ਹੋਇਆ ਫ਼ਰਾਰ
Mercedes kills 4 in Dehradun : ਇਹ ਘਟਨਾ ਬੁੱਧਵਾਰ ਰਾਤ ਕਰੀਬ 8.15 ਵਜੇ ਰਾਜਪੁਰ ਅਤੇ ਸਾਈਂ ਮੰਦਿਰ ਵਿਚਕਾਰ ਵਾਪਰੀ। ਮ੍ਰਿਤਕਾਂ ਦੀ ਪਛਾਣ ਮਨਸ਼ਾ ਰਾਮ ਪੁੱਤਰ ਰਾਮਬਹਾਦੁਰ ਅਤੇ ਰਣਜੀਤ ਵਾਸੀ ਅਯੁੱਧਿਆ ਦੇ ਪਿੰਡ ਲੌਟੀ ਸਰਾਇਆ ਵਜੋਂ ਹੋਈ ਹੈ, ਬਾਕੀ ਦੋ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਦੇਹਰਾਦੂਨ ‘ਚ ਤੇਜ਼ ਰਫਤਾਰ ਲਗਜ਼ਰੀ ਕਾਰ ਨੇ 6 ਲੋਕਾਂ ਨੂੰ ਕੁਚਲ ਦਿੱਤਾ, ਚਾਰ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ
ਉੱਤਰਾਖੰਡ ਦੇ ਦੇਹਰਾਦੂਨ ‘ਚ ਰਾਜਪੁਰ ਰੋਡ ‘ਤੇ ਇਕ ਤੇਜ਼ ਰਫਤਾਰ ਲਗਜ਼ਰੀ ਕਾਰ ਨੇ ਸੜਕ ਕਿਨਾਰੇ ਪੈਦਲ ਜਾ ਰਹੇ ਚਾਰ ਮਜ਼ਦੂਰਾਂ ਨੂੰ ਕੁਚਲ ਦਿੱਤਾ। ਚਾਰਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਕਾਰ ਚਾਲਕ ਕਾਰ ਰੋਕਣ ਦੀ ਬਜਾਏ ਕੁਝ ਦੂਰ ਖੜ੍ਹੇ ਸਕੂਟਰ ਨੂੰ ਟੱਕਰ ਮਾਰ ਕੇ ਭੱਜ ਗਿਆ। ਸਕੂਟਰ ‘ਤੇ ਬੈਠ ਕੇ ਗੱਲਾਂ ਕਰ ਰਹੇ ਦੋ ਨੌਜਵਾਨ ਵੀ ਜ਼ਖਮੀ ਹੋ ਗਏ। ਕਾਰ ਚੰਡੀਗੜ੍ਹ ਨੰਬਰ ਦੀ ਦੱਸੀ ਜਾਂਦੀ ਹੈ, ਜਿਸ ਲਈ ਸੀਸੀਟੀਵੀ ਕੈਮਰਿਆਂ ਦੀ ਮਦਦ ਲਈ ਜਾ ਰਹੀ ਹੈ।
ਇਹ ਘਟਨਾ ਬੁੱਧਵਾਰ ਰਾਤ ਕਰੀਬ 8.15 ਵਜੇ ਰਾਜਪੁਰ ਅਤੇ ਸਾਈਂ ਮੰਦਿਰ ਵਿਚਕਾਰ ਵਾਪਰੀ। ਐਸਐਸਪੀ ਅਜੈ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀ ਪਛਾਣ ਮਨਸ਼ਾ ਰਾਮ ਪੁੱਤਰ ਰਾਮਬਹਾਦੁਰ ਅਤੇ ਰਣਜੀਤ ਵਾਸੀ ਅਯੁੱਧਿਆ ਦੇ ਪਿੰਡ ਲੌਟੀ ਸਰਾਇਆ ਵਜੋਂ ਹੋਈ ਹੈ। ਜਦਕਿ ਦੋਨਾਂ ਮ੍ਰਿਤਕਾਂ ਦੀ ਸ਼ਨਾਖਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਹ ਸਾਰੇ ਕੰਠ ਬੰਗਲਾ ਬਸਤੀ ਵਿੱਚ ਰਹਿ ਰਹੇ ਸਨ। ਇਹ ਸਾਰੇ ਸ਼ਿਵਮ ਨਾਂ ਦੇ ਠੇਕੇਦਾਰ ਦੇ ਅਧੀਨ ਮਜ਼ਦੂਰ ਅਤੇ ਮਿਸਤਰੀ ਦਾ ਕੰਮ ਕਰਦੇ ਸਨ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਉਹ ਆਪਣਾ ਕੰਮ ਖਤਮ ਕਰਕੇ ਘਰ ਪਰਤ ਰਹੇ ਸਨ।
ਚੰਡੀਗੜ੍ਹ ਰਜਿਸਟ੍ਰੇਸ਼ਨ ਨੰਬਰ ਵਾਲੀ ਕਾਰ ਡਰਾਇਵਰ ਨੇ ਟੱਕਰ ਤੋਂ ਬਾਅਦ ਗੱਡੀ ਨੂੰ ਤੇਜ਼ੀ ਨਾਲ ਭਜਾ ਲਿਆ । ਇਸ ਹਾਦਸੇ ਨੂੰ ਅੰਜਾਮ ਦੇਣ ਵਾਲੇ ਦੋਸ਼ੀ ਦੀ ਪੁਲਿਸ ਡਰਾਈਵਰ ਸੀਸੀਟੀਵੀ ਫੁਟੇਜ ਦੇ ਰਾਹੀ ਉਸਨੂੰ ਕਾਬੂ ਕਰਨ ਵਿਚ ਜੁਟੀ ਹੋਈ ਹੈ।
