ਝੋਨੇ ਦੇ ਪੀਆਰ 131 ਬੀਜ ਦੀ ਫਸਲ ਹੋਈ ਬੋਨਾ ਵਾਇਰਸ ਦੀ ਸ਼ਿਕਾਰ, ਕਿਸਾਨ ਪਰੇਸ਼ਾਨ
Bona virus Attack on PR 131 Peddy Seeds; ਸਮਰਾਲਾ ਮੱਕੀ ਦੀ ਫਸਲ ਤੇ ਮੀਂਹ ਦੀ ਮਾਰ ਨੇ ਜਿੱਥੇ ਕਿਸਾਨਾਂ ਦੀ ਮੱਕੀ ਦੀ ਫਸਲ ਮੰਡੀਆਂ ਵਿੱਚ ਰੋਲ ਦਿੱਤੀ ਹੈ, ਹੁਣ ਝੋਨੇ ਦੀ ਫਸਲ ਤੇ ਮਾਰ ਪੈਣ ਦੀ ਤਿਆਰੀ ਹੈ। ਮਾਮਲਾ ਇਹ ਹੈ ਕਿ ਇਲਾਕੇ ‘ਚ ਨਵੀਂ ਬੀਜੀ ਗਈ ਝੋਨੇ ਦੀ ਪੀਆਰ 131 ਬੀਜ ਤੇ ਬੋਨਾ ਵਾਇਰਸ ਨੇ ਹਮਲਾ ਕਰ ਦਿੱਤਾ ਹੈ ਜਿਸ ਕਾਰਨ ਇਲਾਕੇ ਦੇ ਸੰਬੰਧਿਤ ਕਿਸਾਨਾਂ ਵਿੱਚ ਡਰ ਦਾ ਮਾਹੌਲ ਪੈਦਾ ਹੋ ਗਿਆ ਹੈ। ਵੱਖ-ਵੱਖ ਕਿਸਾਨਾਂ ਨੇ ਕਿਹਾ ਕਿ ਇਸ ਬੋਨਾ ਵਾਇਰਸ ਨਾਲ ਕਿਸਾਨਾਂ ਨੂੰ ਵੱਡਾ ਆਰਥਿਕ ਨੁਕਸਾਨ ਹੋਵੇਗਾ।
ਪੀੜਤ ਕਿਸਾਨ ਅਤੇ ਬੀਕੇਯੂ ਕਾਦੀਆਂ ਦੇ ਜਿਲ੍ਹਾ ਜਨਰਲ ਸਕੱਤਰ ਮਨਪ੍ਰੀਤ ਸਿੰਘ ਘਲਾਲ ਨੇ ਦੱਸਿਆ ਕਿ ਨਵੀਂ ਬੀਜੀ ਗਈ ਝੋਨੇ ਦੀ ਪੀਆਰ 131 ਬੀਜ ਦੀ ਫਸਲ ਤੇ ਬੋਨਾ ਵਾਇਰਸ ਨੇ ਹਮਲਾ ਕਰ ਦਿੱਤਾ ਹੈ ਜਿਸ ਨਾਲ ਕਿਸਾਨਾਂ ਨੂੰ ਵੱਡਾ ਆਰਥਿਕ ਨੁਕਸਾਨ ਹੋਵੇਗਾ। ਉਹਨਾਂ ਦੱਸਿਆ ਕਿ ਝੋਨੇ ਦੀ ਫਸਲ ਤੇ ਹੀ ਕਿਸਾਨ ਨੂੰ ਆਪਣੇ ਘਰ ਚਲਾਉਣ ਦੀ ਆਮਦਨ ਦੀ ਹੀ ਉਮੀਦ ਹੁੰਦੀ ਹੈ ਪਰ ਫਸਲ ਤੇ ਵਾਇਰਸ ਦਾ ਆ ਜਾਣ ਕਾਰਨ ਕਿਸਾਨ ਚਿੰਤਾ ਵਿੱਚ ਪੈ ਚੁੱਕਿਆ ਹੈ। ਉਹਨਾਂ ਦੱਸਿਆ ਕਿ ਹੁਣ ਤੱਕ ਝੋਨੇ ਦੀ ਫਸਲ ਤੇ 12 ਤੋਂ 15 ਹਜਾਰ ਰੁਪਏ ਖਰਚਾ ਅਤੇ ਕਰੀਬ 35 ਦਿਨਾਂ ਦੀ ਮਿਹਨਤ ਲੱਗ ਚੁੱਕੀ ਹੈ ਜੋ ਕਿਸਾਨ ਦੀ ਭਰਪਾਈ ਹੋਣਾ ਮੁਸ਼ਕਿਲ ਹੈ। ਉਹਨਾਂ ਸਰਕਾਰ ਤੋਂ ਮੁਆਵਜੇ ਦੀ ਮੰਗ ਕੀਤੀ ਹੈ।
ਜ਼ਿਕਰਯੋਗ ਹੈ ਕਿ ਸਾਲ 2022 ਵਿੱਚ ਵੀ ਪੀਆਰ 131 ਵਾਇਰਸ ਦਾ ਸ਼ਿਕਾਰ ਹੋਇਆ ਸੀ ਜਿਸ ਕਾਰਨ ਇਹ ਬੀਜ ਬਹੁਤ ਚਰਚਾ ਵਿੱਚ ਆਇਆ ਸੀ ਅਤੇ ਦੁਬਾਰਾ 2025 ਵਿੱਚ ਇਸ ਬੀਜ ਤੇ ਬੋਨਾ ਵਾਇਰਸ ਨੇ ਹਮਲਾ ਕਰ ਦਿੱਤਾ ਹੈ। ਤੇ ਦੁਬਾਰਾ ਕਿਸਾਨਾਂ ਨੂੰ ਆਰਥਿਕ ਨੁਕਸਾਨ ਹੋਣ ਦੀ ਵੱਡੀ ਸੰਭਾਵਨਾ ਹੈ।
ਇਸ ਸਬੰਧ ਵਿੱਚ ਕ੍ਰਿਸ਼ੀ ਵਿਗਿਆਨ ਕੇਂਦਰ ਸਮਰਾਲਾ ਦੇ ਇੰਚਾਰਚ ਡਾਕਟਰ ਵਿਪਨ ਰਾਮਪਾਲ ਨੇ ਦੱਸਿਆ ਕਿ ਸਾਨੂੰ ਕਈ ਕਿਸਾਨਾਂ ਦੀਆਂ ਸ਼ਿਕਾਇਤਾਂ ਆਈਆਂ ਸਨ ਕਿ ਝੋਨੇ ਨੂੰ ਬੋਨਾ ਵਾਇਰਸ ਲੱਗ ਚੁੱਕਾ ਹੈ ਪੀੜਿਤ ਕਿਸਾਨਾਂ ਨੂੰ ਅਸੀਂ ਸਪਰੇਅ ਕਰਨ ਲਈ ਕਿਹਾ ਜਿਸ ਨਾਲ ਇਸ ਤੇ ਰੋਕਥਾਮ ਹੋਈ ਹੈ ,ਉਹਨਾਂ ਕਿਹਾ ਕਿ ਅਸੀਂ ਹੁਣ ਖੇਤ ਵਿੱਚੋਂ ਕੁਝ ਬੂਟਿਆਂ ਦੇ ਸੈਂਪਲ ਲਏ ਹਨ ਜਿਨਾਂ ਤੇ ਸਰਚ ਕੀਤੀ ਜਾਵੇਗੀ। ਇਸ ਨੂੰ ਤਿੰਨ ਦਿਨ ਲੱਗਣਗੇ ਤਿੰਨ ਦਿਨਾਂ ਵਿੱਚ ਸਾਰੇ ਨਤੀਜੇ ਸਾਹਮਣੇ ਆ ਜਾਣਗੇ ਅਤੇ ਪਤਾ ਲੱਗ ਸਕੇਗਾ ਕਿ ਬੋਨਾ ਵਾਇਰਸ ਹੈ ਅਤੇ ਅਜਿਹੀ ਸਥਿਤੀ ‘ਚ ਜਾਂ ਨਹੀਂ ਕਿਸਾਨਾਂ ਨੂੰ ਘਬਰਾਉਣ ਦੀ ਕੋਈ ਲੋੜ ਨਹੀਂ।
