Royal Enfield ਦੀ ਇਸ ਬਾਈਕ ਨੇ ਰਚਿਆ ਇਤਿਹਾਸ, ਸੇਲ ‘ਚ ਤੋੜਿਆ ਹਰ ਕਿਸੇ ਦਾ ਰਿਕਾਰਡ
Royal Enfield Hunter 350 ਨੂੰ ਬ੍ਰਾਂਡ ਦੀਆਂ ਸਭ ਤੋਂ ਕਿਫਾਇਤੀ ਮੋਟਰਸਾਈਕਲਾਂ ਚੋਂ ਇੱਕ ਮੰਨਿਆ ਜਾਂਦਾ ਹੈ। ਇਸ ਬਾਈਕ ਦੀ ਐਕਸ-ਸ਼ੋਰੂਮ ਕੀਮਤ 1.5 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
Royal Enfield Hunter 350: ਰਾਇਲ ਐਨਫੀਲਡ ਬਾਈਕਸ ਦਾ ਕ੍ਰੇਜ਼ ਭਾਰਤ ਵਿੱਚ ਹੀ ਨਹੀਂ ਬਲਕਿ ਪੂਰੀ ਦੁਨੀਆ ‘ਚ ਦੇਖਿਆ ਜਾ ਰਿਹਾ ਹੈ। ਕੰਪਨੀ ਦੀਆਂ ਬਾਈਕਸ ਦੀ ਬਾਜ਼ਾਰ ‘ਚ ਕਾਫੀ ਮੰਗ ਹੈ। ਇਸ ਸੀਰੀਜ਼ ‘ਚ ਰਾਇਲ ਐਨਫੀਲਡ ਦੀ ਹੰਟਰ 350 ਬਾਈਕ ਨੇ ਇਕ ਨਵਾਂ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ। ਦਰਅਸਲ, ਕੰਪਨੀ ਹੁਣ ਤੱਕ ਰਾਇਲ ਐਨਫੀਲਡ ਦੀ ਹੰਟਰ 350 ਬਾਈਕ ਦੇ ਪੰਜ ਲੱਖ ਤੋਂ ਵੱਧ ਯੂਨਿਟ ਵੇਚ ਚੁੱਕੀ ਹੈ।
ਹੰਟਰ 350 ਨੂੰ ਭਾਰਤੀ ਬਾਜ਼ਾਰ ‘ਚ ਅਗਸਤ 2022 ਵਿੱਚ ਲਾਂਚ ਕੀਤਾ ਗਿਆ ਸੀ। ਫਰਵਰੀ 2023 ਤੱਕ ਇਸ ਮੋਟਰਸਾਈਕਲ ਦੇ ਇੱਕ ਲੱਖ ਯੂਨਿਟ ਵਿਕ ਚੁੱਕੇ ਸੀ। ਅਗਲੇ ਪੰਜ ਮਹੀਨਿਆਂ ‘ਚ ਹੋਰ ਇੱਕ ਲੱਖ ਯੂਨਿਟ ਵੇਚੇ ਗਏ। ਜਿਸ ਤੋਂ ਬਾਅਦ ਹੁਣ ਰਾਇਲ ਐਨਫੀਲਡ ਦੀ ਇਹ ਬਾਈਕ ਬਿਹਤਰ ਸੇਲ ਕਾਰਨ ਬ੍ਰਾਂਡ ਦੀ ਸਭ ਤੋਂ ਮਸ਼ਹੂਰ ਮੋਟਰਸਾਈਕਲ ਬਣ ਗਈ ਹੈ।
ਰਾਇਲ ਐਨਫੀਲਡ ਹੰਟਰ 350 ਦੇ ਫੀਚਰਸ ਤੇ ਕੀਮਤ: ਰਾਇਲ ਐਨਫੀਲਡ ਹੰਟਰ 350 ਨੂੰ ਬ੍ਰਾਂਡ ਦੀਆਂ ਸਭ ਤੋਂ ਕਿਫਾਇਤੀ ਮੋਟਰਸਾਈਕਲਾਂ ਚੋਂ ਇੱਕ ਮੰਨਿਆ ਜਾਂਦਾ ਹੈ। ਇਸ ਬਾਈਕ ਦੀ ਐਕਸ-ਸ਼ੋਰੂਮ ਕੀਮਤ ਦੀ ਗੱਲ ਕਰੀਏ ਤਾਂ ਇਹ 1.5 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 1.75 ਲੱਖ ਰੁਪਏ ਤੱਕ ਜਾਂਦੀ ਹੈ। ਭਾਰਤ ਤੋਂ ਇਲਾਵਾ, ਬ੍ਰਿਟਿਸ਼ ਵਾਹਨ ਨਿਰਮਾਤਾਵਾਂ ਦੀ ਇਹ ਬਾਈਕ ਇੰਡੋਨੇਸ਼ੀਆ, ਜਾਪਾਨ, ਕੋਰੀਆ, ਥਾਈਲੈਂਡ, ਫਰਾਂਸ, ਜਰਮਨੀ, ਇਟਲੀ ਅਤੇ ਯੂਨਾਈਟਿਡ ਕਿੰਗਡਮ ਸਮੇਤ ਕਈ ਦੇਸ਼ਾਂ ਵਿੱਚ ਵੇਚੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਮੈਕਸੀਕੋ, ਆਸਟ੍ਰੇਲੀਆ ਅਤੇ ਬ੍ਰਾਜ਼ੀਲ ‘ਚ ਵੀ ਇਸ ਬਾਈਕ ਦੀ ਮੰਗ ਹੈ।
ਹੰਟਰ 350 ਪਾਵਰਟ੍ਰੇਨ ਤੇ ਮਾਈਲੇਜ: ਰਾਇਲ ਐਨਫੀਲਡ ਦੀ ਇਸ ਮੋਟਰਸਾਈਕਲ ‘ਚ 349 ਸੀਸੀ, ਸਿੰਗਲ-ਸਿਲੰਡਰ, 4-ਸਟ੍ਰੋਕ, ਏਅਰ-ਆਇਲ ਕੂਲਡ ਇੰਜਣ ਹੈ, ਜਿਸ ਦੇ ਨਾਲ ਫਿਊਲ ਇੰਜੈਕਸ਼ਨ ਸਿਸਟਮ ਵੀ ਲਗਾਇਆ ਗਿਆ ਹੈ। ਹੰਟਰ 350 ‘ਚ ਲਗਾਇਆ ਗਿਆ ਇਹ ਇੰਜਣ 6,100 rpm ‘ਤੇ 20.2 bhp ਦੀ ਪਾਵਰ ਦਿੰਦਾ ਹੈ ਅਤੇ 4,000 rpm ‘ਤੇ 27 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਬਾਈਕ ‘ਚ ਲੱਗੇ ਇੰਜਣ ਦੇ ਨਾਲ ਹੀ 5-ਸਪੀਡ ਗਿਅਰ ਬਾਕਸ ਵੀ ਮੌਜੂਦ ਹੈ।
ਇਸ ਰਾਇਲ ਐਨਫੀਲਡ ਮੋਟਰਸਾਈਕਲ ਦੀ ARAI ਪ੍ਰਮਾਣਿਤ ਮਾਈਲੇਜ 36.2 kmpl ਹੈ। ਇਹ ਬਾਈਕ 13 ਲੀਟਰ ਦੀ ਬਾਲਣ ਸਮਰੱਥਾ ਦੇ ਨਾਲ ਆਉਂਦੀ ਹੈ, ਜਿਸ ਨਾਲ ਟੈਂਕ ਭਰਨ ਤੋਂ ਬਾਅਦ, ਇਸਨੂੰ ਆਸਾਨੀ ਨਾਲ 468 ਕਿਲੋਮੀਟਰ ਦੀ ਦੂਰੀ ਤੱਕ ਚਲਾਇਆ ਜਾ ਸਕਦਾ ਹੈ।
