ਮੁੰਬਈ ਦੀਆਂ ਸੜਕਾਂ ‘ਤੇ ਘੁੰਮਦੇ ਨਜ਼ਰ ਆਏ ਭਾਈਜਾਨ Salman Khan, ਵਾਇਰਲ ਹੋਈ ਵੀਡੀਓ

Bollywood News: ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਸਖ਼ਤ ਸੁਰੱਖਿਆ ਵਿਚਕਾਰ ਸਲਮਾਨ ਖ਼ਾਨ ਨਜ਼ਰ ਆ ਰਹੇ ਹਨ।

ਇਸ਼ਤਿਹਾਰ

Salman Khan on Mumbai Street: ਇੱਕ ਸਮਾਂ ਸੀ ਜਦੋਂ ਸਲਮਾਨ ਖ਼ਾਨ ਮੁੰਬਈ ਦੀਆਂ ਸੜਕਾਂ ‘ਤੇ ਸਾਈਕਲ ਚਲਾਉਂਦੇ ਦਿਖਾਈ ਦਿੰਦੇ ਸੀ। ਹੁਣ ਹਾਲਾਤ ਬਦਲ ਗਏ ਹਨ। ਇਨ੍ਹੀਂ ਦਿਨੀਂ ਸਲਮਾਨ ਖ਼ਾਨ ਸੁਰੱਖਿਆ ਤੋਂ ਬਿਨਾਂ ਨਹੀਂ ਦਿਖਾਈ ਦਿੰਦੇ। ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਸਖ਼ਤ ਸੁਰੱਖਿਆ ਵਿਚਕਾਰ ਸਲਮਾਨ ਖ਼ਾਨ ਨਜ਼ਰ ਆ ਰਹੇ ਹਨ।

ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੇ ਵੀਡੀਓ ਵਿੱਚ, ਸਲਮਾਨ ਖ਼ਾਨ ਦੀ ਕਾਰ ਦੇ ਅੱਗੇ ਅਤੇ ਪਿੱਛੇ ਸੁਰੱਖਿਆ ਦਾ ਹੜ੍ਹ ਨਜ਼ਰ ਆਇਆ। ਸਲਮਾਨ ਦੀ ਕਾਰ ਦੇ ਅੱਗੇ ਇੱਕ ਕਾਰ, ਜਿਸ ‘ਤੇ ‘ਪੁਲਿਸ’ ਲਿਖਿਆ, ਇਸ ਦੇ ਨਾਲ ਹੀ ਸਲਮਾਨ ਦੇ ਸੁਰੱਖਿਆ ਕਰਮਚਾਰੀ ਵੀ ਦਿਖਾਈ ਦੇ ਰਹੇ ਹਨ। ਫਿਰ ਸਲਮਾਨ ਦੀ ਕਾਰ ਦਿਖਾਈ ਦਿੰਦੀ ਹੈ, ਇਸ ਕਾਰ ਦੇ ਪਿੱਛੇ ਇੱਕ ਹੋਰ ਪੁਲਿਸ ਕਾਰ ਦਿਖਾਈ ਦਿੰਦੀ ਹੈ। ਸਲਮਾਨ ਵਿਚਕਾਰਲੀ ਕਾਰ ਵਿੱਚ ਬੈਠੇ ਨਜ਼ਰ ਆਏ।

ਹਾਲ ਹੀ ‘ਚ ਦੋਸਤ ਦੇ ਵਿਆਹ ‘ਚ ਨਜ਼ਰ ਆਏ ਸਲਮਾਨ

ਹਾਲ ਹੀ ਵਿੱਚ ਸਲਮਾਨ ਖ਼ਾਨ ਇੱਕ ਕਰੀਬੀ ਦੋਸਤ ਦੇ ਵਿਆਹ ਵਿੱਚ ਵੀ ਪਹੁੰਚੇ ਸੀ। ਉਸ ਸਮੇਂ ਵੀ ਉਨ੍ਹਾਂ ਨਾਲ ਬਹੁਤ ਜ਼ਿਆਦਾ ਸੁਰੱਖਿਆ ਸੀ, ਬਹੁਤ ਸਾਰੇ ਬਾਡੀਗਾਰਡ ਦਿਖਾਈ ਦਿੱਤੇ ਸਨ। ਇਸ ਵਿਆਹ ਵਿੱਚ ਕੁਝ ਸਮਾਂ ਰੁਕਣ ਤੋਂ ਬਾਅਦ, ਉਹ ਉੱਥੋਂ ਚਲੇ ਗਏ।

ਕਿਉਂ ਮਿਲੀ ਸਲਮਾਨ ਨੂੰ ਸੁਰੱਖਿਆ

ਹਾਲ ਹੀ ਵਿੱਚ ਸਲਮਾਨ ਖਾਨ ਦੀ ਸੁਰੱਖਿਆ ਵਿੱਚ ਇੱਕ ਕਮੀ ਆਈ। ਇੱਕ ਨੌਜਵਾਨ ਕਾਰ ਦੇ ਪਿੱਛੇ ਲੁਕ ਕੇ ਸਲਮਾਨ ਦੀ ਇਮਾਰਤ ਦੇ ਅਹਾਤੇ ਵਿੱਚ ਦਾਖਲ ਹੋਣ ਵਿੱਚ ਕਾਮਯਾਬ ਹੋ ਗਿਆ। ਸੁਰੱਖਿਆ ਗਾਰਡਾਂ ਨੇ ਉਸਨੂੰ ਫੜ ਲਿਆ ਅਤੇ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਨੌਜਵਾਨ ਦਾ ਨਾਮ ਜਤਿੰਦਰ ਕੁਮਾਰ ਸਿੰਘ ਹੈ, ਜੋ ਕਿ ਛੱਤੀਸਗੜ੍ਹ ਦਾ ਰਹਿਣ ਵਾਲਾ ਦੱਸਿਆ ਜਾ ਰਿਹਾ ਹੈ।

ਇਸ ਤੋਂ ਬਾਅਦ ਫਿਰ ਇੱਕ ਅਣਪਛਾਤੀ ਔਰਤ ਨੇ ਵੀ ਸਲਮਾਨ ਦੇ ਘਰ ਵਿੱਚ ਦਾਖਲ ਹੋਣ ਦੀ ਕੋਸ਼ਿਸ਼ ਕੀਤੀ। ਪੁਲਿਸ ਨੇ ਦੱਸਿਆ ਕਿ ਔਰਤ ਇਮਾਰਤ ਦੀ ਲਿਫਟ ਤੋਂ ਸਿੱਧੀ ਸਲਮਾਨ ਦੇ ਫਲੈਟ ਪਹੁੰਚੀ। ਬਾਅਦ ਵਿੱਚ ਗਲੈਕਸੀ ਅਪਾਰਟਮੈਂਟ ਦੇ ਸੁਰੱਖਿਆ ਗਾਰਡ ਨੇ ਉਸ ਔਰਤ ਨੂੰ ਫੜ ਲਿਆ ਅਤੇ ਉਸਨੂੰ ਬਾਂਦਰਾ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਬਾਂਦਰਾ ਪੁਲਿਸ ਨੇ ਈਸ਼ਾ ਨਾਮ ਦੀ ਇਸ ਔਰਤ ਵਿਰੁੱਧ ਮਾਮਲਾ ਦਰਜ ਕੀਤਾ ਅਤੇ ਵੀਰਵਾਰ ਸਵੇਰੇ ਉਸਨੂੰ ਗ੍ਰਿਫ਼ਤਾਰ ਵੀ ਕਰ ਲਿਆ।