ਦਿਨ ਦਿਹਾੜੇ ਮਾਫੀਆ ਦੀ T-Shirt ਪਾ ਕੇ ਆਇਆ ਚੋਰ, AC ਦੀ ਦੁਕਾਨ ਚੋਂ 60 ਹਜ਼ਾਰ ਨਕਦੀ ਲੈ ਕੇ ਫਰਾਰ, CCTV ‘ਚ ਕੈਦ
Gidarbahan News: ਚੋਰ ਨੇ ਦੁਕਾਨ ਦੇ ਗੱਲੇ ਵਿੱਚ ਪਏ 60 ਹਜ਼ਾਰ ਦੇ ਕਰੀਬ ਕੈਸ਼ ਸੀ, ਜਿਸ ਨੂੰ ਲੈ ਕੇ ਚੋਰ ਫਰਾਰ ਹੋ ਗਿਆ। ਹੁਣ ਸਾਰਾ ਮਾਮਲਾ ਪੁਲਿਸ ਕੋਲ ਹੈ।
Thief escaped With Cash: ਹਲਕਾ ਗਿਦੜਬਾਹਾਂ ‘ਚ ਦਿਨ ਦਿਹਾੜੇ ਤਹਸੀਲ ਦੇ ਵਡੇ ਅਧਿਕਾਰੀਆਂ ਦੇ ਦਫਤਰ ਦੇ ਮਹਿਜ ਅੱਧਾ ਕਿਲੋਮੀਟਰ ਦੀ ਦੂਰੀ ‘ਤੇ ਇੱਕ AC ਦੀ ਦੁਕਾਨ ‘ਤੇ ਚੋਰ ਨੇ ਬੜੇ ਆਰਾਮ ਨਾਲ ਚੋਰੀ ਕੀਤੀ। ਚੋਰੀ ਦੀ ਸਾਰੀ ਘਟਨਾ ਸਾਰੀ ਦੁਕਾਨ ‘ਚ ਲਾਗੇ CCTV ਵਿੱਚ ਕੈਦ ਹੋ ਗਈ।
ਦੁਕਾਨਦਾਰ ਮੁਤਾਬਕ ਉਸ ਸਮੇਂ ਦੁਕਾਨ ‘ਚ ਕੋਈ ਨਹੀਂ ਸੀ ਅਤੇ ਉਹ ਕਿਸੇ ਕੰਮ ਲਈ ਬਾਹਰ ਗਿਆ ਹੋਇਆ ਸੀ। ਦੁਕਾਨ ਦੇ ਗਲੇ ਵਿੱਚ ਪਾਏ 60 ਹਜ਼ਾਰ ਦੇ ਕਰੀਬ ਕੈਸ਼ ਸੀ ਜਿਸ ਨੂੰ ਲੈ ਕੇ ਚੋਰ ਫਰਾਰ ਹੋ ਗਿਆ। ਹੁਣ ਸਾਰਾ ਮਾਮਲਾ ਪੁਲਿਸ ਕੋਲ ਹੈ ਅਤੇ ਪੁਲਿਸ ਇਸਦੀ ਜਾਂਚ ਕਰ ਰਹੀ ਹੈ।
CCTV ਦੇਖਣ ਤੋਂ ਬਾਅਦ ਸਾਫ ਨਜ਼ਰ ਆਉਂਦਾ ਹੈ ਕਿ ਇੱਕ ਨੌਜਵਾਨ ਜਿਸਦੀ ਟੀ-ਸ਼ਰਟ ‘ਤੇ ਮਾਫੀਆ ਲਿਖਿਆ ਹੋਇਆ ਹੈ ਬੜੇ ਆਰਾਮ ਨਾਲ AC ਦੀ ਦੁਕਾਨ ‘ਤੇ ਆਉਂਦਾ ਹੈ ਅਤੇ ਦੁਕਾਨ ਦੇ ਗਲੇ ਚੋਂ 60 ਹਜ਼ਾਰ ਦੇ ਕਰੀਬ ਰੁਪਏ ਚੋਰੀ ਕਰ ਲੈ ਜਾਂਦਾ ਹੈ। ਮੀਡੀਆ ਨਾਲ ਗਲਬਾਤ ਦੌਰਾਨ ਪੀੜਤ ਦੁਕਾਨਦਾਰ ਨੇ ਦੱਸਿਆ ਕੀ ਜਦੋਂ ਚੋਰੀ ਹੋਈ ਉਹ ਦੁਕਾਨ ਤੋਂ ਬਾਹਰ ਦੁਕਾਨ ਦੇ ਸ਼ੀਸ਼ੇ ਦੇ ਗੇਟ ਬੰਦ ਕਰਕੇ ਗਿਆ ਸੀ ਅਤੇ ਸ਼ੀਸ਼ੇ ਵਾਲਾ ਲੌਕ ਦੋ ਦਿਨ ਪਹਿਲਾਂ ਟੁਟ ਗਿਆ ਸੀ ਇਸਦਾ ਫਾਇਦਾ ਉਠਾ ਚੋਰ ਆਪਣਾ ਹੱਥ ਸਾਫ ਕੀਤਾ। ਪੀੜਤ ਨੇ ਪੁਲਿਸ ਨੂੰ ਚੋਰ ਨੂੰ ਜਲਦ ਤੋਂ ਜਲਦ ਗ੍ਰਿਫ਼ਤਾਰ ਕਰਨ ਦੀ ਅਪੀਲ ਕੀਤੀ ਹੈ।
