ਐਡਮਿੰਟਨ ਵਿੱਚ 21 ਸਾਲਾ ਕੁੜੀ ਦੀ ਪਿਕਅੱਪ ਟਰੱਕ ਨਾਲ ਟੱਕਰ ਤੋਂ ਮੌਤ
Edmonton,Canada – ਸ਼ੁਕਰਵਾਰ ਸ਼ਾਮ ਨੂੰ ਦੱਖਣੀ ਐਡਮਿੰਟਨ ਵਿੱਚ ਇੱਕ ਡਰਾਈਵਰ ਨੇ ਸੜਕ ਪਾਰ ਕਰ ਰਹੀ ਇੱਕ 21 ਸਾਲਾ ਕੁੜੀ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਤੋਂ ਬਾਅਦ ਉਸ ਦੀ ਮੌਤ ਹੋ ਗਈ। ਐਡਮਿੰਟਨ ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਸਿਮਰਨਪ੍ਰੀਤ ਕੌਰ ਹਿਊਜ਼ ਵੇਅ ਅਤੇ 23ਵੇਂ ਐਵੇਨਿਊ ‘ਤੇ ਹਰੀ ਬੱਤੀ ‘ਤੇ ਸੜਕ ਪਾਰ ਕਰ ਰਹੀ ਸੀ ਅਤੇ ਇਕ ਪਿਕਅੱਪ ਟਰੱਕ ਨੇ ਉਸਨੂੰ ਟੱਕਰ ਮਾਰ ਦਿੱਤੀ।
ਪੁਲਿਸ ਨੇ ਕਿਹਾ ਕਿ ਜਦੋਂ ਸਿਮਰਨਪ੍ਰੀਤ ਕੌਰ ਸੜਕ ਪਾਰ ਕਰ ਰਹੀ ਸੀ, ਤਦੋ ਸੜਕ ਤੇ ਸਾਰੀ ਲਾਈਟਾਂ ਹਰੀ ਹੋ ਰਹੀਆਂ ਸਨ। ਹਾਦਸਾ ਸ਼ਾਮ 7:08 ਵਜੇ ਦੇ ਕਰੀਬ ਵਾਪਰਿਆ, ਜਦੋਂ 2010 ਡੌਜ ਰੈਮ 2500 ਟਰੱਕ ਨੇ ਕੌਰ ਨਾਲ ਟੱਕਰ ਮਾਰੀ ਜਦੋਂ ਉਹ ਹਿਊਜ਼ ਵੇਅ ਦੇ ਵੈਸਟ ਬਾਊਂਡ ਨਿਸ਼ਾਨਬੱਧ ਕਰਾਸਵਾਕ ਤੋਂ ਸੜਕ ਪਾਰ ਕਰ ਰਹੀ ਸੀ।
ਇੱਕ ਦੋਸਤ ਮੋਹਿਤ ਰੇਖੀ ਨੇ ਸਿਮਰਨਪ੍ਰੀਤ ਦੀ ਪਛਾਣ ਕੀਤੀ, ਜੋ ਹਾਲ ਹੀ ਵਿੱਚ ਪੰਜਾਬ ਤੋਂ ਸਕੂਲ ਲਈ ਕੈਨੇਡਾ ਆਈ ਸੀ ਅਤੇ ਬੈਂਕਰ ਬਣਨ ਦਾ ਸੁਪਨਾ ਦੇਖ ਰਹੀ ਸੀ। ਟਰੱਕ ਚਲਾਓਣ ਵਾਲਾ 48 ਸਾਲਾ ਵਿਅਕਤੀ ਪੁਲਿਸ ਦੀ ਜਾਂਚ ਦੇ ਰਾਹੀਂ ਮੌਜੂਦਾ ਸਮੇਂ ਵਿੱਚ ਕਿਸੇ ਕਾਰਵਾਈ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ।
ਹਾਦਸੇ ਦੀ ਜਾਂਚ ਐਡਮਿੰਟਨ ਪੁਲਿਸ ਦੇ ਮੇਜਰ ਕੋਲੀਜ਼ਨ ਇਨਵੈਸਟੀਗੇਸ਼ਨ ਸੈਕਸ਼ਨ ਦੁਆਰਾ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਹੈ ਕਿ ਇਸ ਹਾਦਸੇ ਵਿੱਚ ਤੇਜ਼ ਰਫ਼ਤਾਰ ਜਾਂ ਨਸ਼ੇ ਨੂੰ ਕਾਰਕ ਨਹੀਂ ਮੰਨਿਆ ਜਾ ਰਿਹਾ ਹੈ।
