ਹਰਿਆਣਵੀ ਗਾਇਕ ਅੰਕਿਤ ਬਾਲਿਆਨ ਦਾ ਗੋਲੀਆਂ ਮਾਰ ਕੇ ਕਤਲ, ਬਦਮਾਸ਼ਾਂ ਨੇ ਕਰੀਬ 20 ਰਾਊਂਡ ਕੀਤੇ ਫਾਇਰ
Ankit Baliyan murder; ਹਰਿਆਣਵੀ ਸਿੰਗਰ ਅੰਕਿਤ ਬਾਲਿਆਨ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਹੈ। ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਸਨਸਨੀ ਫੈਲ ਗਈ। ਉੱਤਰ ਪ੍ਰਦੇਸ਼ ਦੇ ਸ਼ਾਮਲੀ ਵਿੱਚ ਬੁੱਧਵਾਰ ਸ਼ਾਮ ਕਰੀਬ 7 ਵਜੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ।
ਜਾਣਕਾਰੀ ਮੁਤਾਬਕ ਹਰਿਆਣਾ ਦੇ ਬਾਬਰੀ ਥਾਣਾ ਖੇਤਰ ਦੇ ਪਿੰਡ ਬੰਤੀਖੇੜਾ ਵਾਸੀ 35 ਸਾਲਾ ਅੰਕਿਤ ਬਾਲਿਆਨ ਪੁੱਤਰ ਸਤਵੀਰ ਫੌਜੀ ਸ਼ਾਮ ਕਰੀਬ ਸਾਢੇ 4 ਵਜੇ ਕੋਤਵਾਲੀ ਖੇਤਰ ਦੇ ਆਰਿਆਪੁਰੀ ਸਥਿਤ ਮਸਲਜ਼ ਜਿਮ ਵਿੱਚ ਆਏ ਸਨ।
ਸ਼ਾਮ 6:48 ਵਜੇ ਜਦੋਂ ਅੰਕਿਤ ਜਿਮ ਤੋਂ ਬਾਹਰ ਨਿਕਲ ਕੇ ਆਪਣੀ ਸਕਾਰਪਿਓ ਕਾਰ ਵਿੱਚ ਬੈਠਣ ਲੱਗੇ ਤਾਂ ਬਾਈਕ ’ਤੇ ਆਏ 4 ਬਦਮਾਸ਼ਾਂ ਨੇ ਉਨ੍ਹਾਂ ’ਤੇ ਤਾਬੜਤੋੜ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ।
ਦੱਸਿਆ ਜਾ ਰਿਹਾ ਹੈ ਕਿ ਕਰੀਬ 2 ਮਿੰਟ ਤੱਕ ਚੱਲੀ ਫਾਇਰਿੰਗ ਵਿੱਚ 20 ਰਾਊਂਡ ਗੋਲੀਆਂ ਚਲਾਈਆਂ ਗਈਆਂ। ਇਸ ਦੌਰਾਨ 5 ਗੋਲੀਆਂ ਕਾਰ ਵਿੱਚ ਲੱਗੀਆਂ, ਜਦਕਿ ਕਰੀਬ 8 ਗੋਲੀਆਂ ਅੰਕਿਤ ਨੂੰ ਲੱਗੀਆਂ। ਹਮਲਾਵਰ ਵਾਰਦਾਤ ਤੋਂ ਬਾਅਦ ਮੌਕੇ ਤੋਂ ਫਰਾਰ ਹੋ ਗਏ।
ਘਟਨਾ ਸਥਾਨ ਤੋਂ ਸੜਕ ’ਤੇ ਖੂਨ, ਕਾਰਤੂਸ ਦੇ ਖੋਲ ਅਤੇ ਅੰਕਿਤ ਦਾ ਮੋਬਾਈਲ ਮਿਲਿਆ ਹੈ। ਗੋਲੀਬਾਰੀ ਦੀ ਆਵਾਜ਼ ਨਾਲ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ।
ਜ਼ਖ਼ਮੀ ਹਾਲਤ ਵਿੱਚ ਅੰਕਿਤ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਘਟਨਾ ਤੋਂ ਬਾਅਦ ਗੁੱਸੇ ਵਿੱਚ ਆਏ ਪਰਿਵਾਰਕ ਮੈਂਬਰਾਂ ਨੇ ਸ਼ਹਿਰ ਦੀ ਵਰਮਾ ਮਾਰਕੀਟ ਨੇੜੇ ਲਾਸ਼ ਰੱਖ ਕੇ ਧਰਨਾ ਲਗਾਇਆ।
ਐਸਪੀ ਐਨਪੀ ਸਿੰਘ, ਏਐਸਪੀ ਸੁਮਿਤ ਸ਼ੁਕਲਾ ਅਤੇ ਫੋਰੈਂਸਿਕ ਟੀਮ ਨੇ ਮੌਕੇ ’ਤੇ ਪਹੁੰਚ ਕੇ ਸਬੂਤ ਇਕੱਠੇ
