ਏਸ਼ੀਅਨ ਗੇਮਜ਼ ’ਚ ਮਹਿਲਾ ਤੀਰਅੰਦਾਜ਼ੀ ਟੀਮ ਨੇ ਚੀਨ ਨੂੰ ਹਰਾ ਕੇ ਭਾਰਤ ਲਈ ਜਿੱਤਿਆ 7ਵਾਂ ਗੋਲਡ
India wins 7th gold at Asian Games: ਨਵੀਂ ਦਿੱਲੀ: ਏਸ਼ੀਅਨ ਗੇਮਜ਼ 2026 ਵਿੱਚ ਭਾਰਤ ਨੇ ਆਪਣਾ 7ਵਾਂ ਸੋਨ ਤਮਗਾ ਜਿੱਤ ਲਿਆ ਹੈ। ਬੁੱਧਵਾਰ ਨੂੰ ਭਾਰਤੀ ਮਹਿਲਾ ਕੰਪਾਊਂਡ ਤੀਰਅੰਦਾਜ਼ੀ ਟੀਮ ਨੇ ਫਾਈਨਲ ਵਿੱਚ ਚੀਨ ਨੂੰ 238-234 ਦੇ ਸਕੋਰ ਨਾਲ ਹਰਾ ਕੇ ਗੋਲਡ ਮੈਡਲ ਆਪਣੇ ਨਾਂ ਕੀਤਾ। ਭਾਰਤੀ ਟੀਮ ਵਿੱਚ ਜੋਤੀ ਸੁਰੇਖਾ, ਚਿਕਿਤਾ ਤਨੀਪਾਰਥੀ ਅਤੇ ਪ੍ਰਥਿਕਾ ਪ੍ਰਦੀਪ ਸ਼ਾਮਲ ਸਨ। ਫਾਈਨਲ ਦੌਰਾਨ ਪ੍ਰਥਿਕਾ ਅਤੇ ਜੋਤੀ ਨੇ ਇੱਕ ਵੀ ਨਿਸ਼ਾਨਾ ਨਹੀਂ ਖੁੰਝਾਇਆ।
ਭਾਰਤ ਨੇ ਇਸ ਇਵੈਂਟ ਵਿੱਚ ਲਗਾਤਾਰ ਦੂਜੀ ਵਾਰ ਸੋਨ ਤਮਗਾ ਜਿੱਤਿਆ ਹੈ। ਇਸ ਤੋਂ ਪਹਿਲਾਂ 2023 ਦੀਆਂ ਏਸ਼ੀਅਨ ਗੇਮਜ਼ ਵਿੱਚ ਵੀ ਭਾਰਤੀ ਮਹਿਲਾ ਕੰਪਾਊਂਡ ਟੀਮ ਨੇ ਗੋਲਡ ਮੈਡਲ ਜਿੱਤਿਆ ਸੀ। ਫਾਈਨਲ ਵਿੱਚ ਭਾਰਤ ਨੇ 238 ਅੰਕ ਹਾਸਲ ਕੀਤੇ। ਇਸ ਸਕੋਰ ਨਾਲ ਭਾਰਤੀ ਟੀਮ ਨੇ ਮਹਿਲਾ ਕੰਪਾਊਂਡ ਟੀਮ ਦਾ ਵਿਸ਼ਵ ਰਿਕਾਰਡ ਵੀ ਬਰਾਬਰ ਕਰ ਦਿੱਤਾ। ਇਹ ਰਿਕਾਰਡ ਦੱਖਣੀ ਕੋਰੀਆ ਦੀ ਟੀਮ ਦੇ ਨਾਂ ਸੀ।
ਤਾਜ਼ਾ ਤਮਗਾ ਸੂਚੀ ਮੁਤਾਬਕ ਭਾਰਤ ਨੇ ਹੁਣ ਤੱਕ 7 ਗੋਲਡ, 21 ਸਿਲਵਰ ਅਤੇ 25 ਕਾਂਸੀ ਦੇ ਤਮਗਿਆਂ ਸਮੇਤ 53 ਮੈਡਲ ਜਿੱਤੇ ਹਨ ਅਤੇ ਭਾਰਤ 9ਵੇਂ ਸਥਾਨ ’ਤੇ ਹੈ।
