Stock Market Today ; ਭਾਰਤ-ਪਾਕਿਸਤਾਨ ਵਿਚਾਲੇ ਤਣਾਅ ਕਾਰਨ ਸੈਂਸੈਕਸ 600 ਅੰਕ ਡਿੱਗਿਆ, ਨਿਫਟੀ 24100 ਤੋਂ ਹੇਠਾਂ
Stock Market Today : ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਸਰਹੱਦ ‘ਤੇ ਭਾਰੀ ਤਣਾਅ ਦਾ ਸਿੱਧਾ ਅਸਰ ਸ਼ੇਅਰ ਬਾਜ਼ਾਰ ‘ਤੇ ਪਿਆ ਹੈ। ਜੰਗ ਦੇ ਖ਼ਤਰੇ ਦੇ ਵਿਚਕਾਰ, ਹਫ਼ਤੇ ਦੇ ਆਖਰੀ ਕਾਰੋਬਾਰੀ ਦਿਨ, ਸ਼ੁੱਕਰਵਾਰ, 9 ਮਈ ਨੂੰ ਬਾਜ਼ਾਰ ਖੁੱਲ੍ਹਦੇ ਹੀ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਸਵੇਰੇ 9.24 ਵਜੇ, ਸੈਂਸੈਕਸ 577.59 ਪ੍ਰਤੀਸ਼ਤ ਡਿੱਗ ਕੇ 79,757.22 ਦੇ ਪੱਧਰ ‘ਤੇ ਪਹੁੰਚ ਗਿਆ। ਜਦੋਂ ਕਿ ਨਿਫਟੀ 50 ਵੀ 207.50 ਅੰਕ ਡਿੱਗ ਕੇ 24,066.30 ਦੇ ਪੱਧਰ ‘ਤੇ ਆ ਗਿਆ। ਇਸ ਤੋਂ ਬਾਅਦ ਸੈਂਸੈਕਸ 600 ਅੰਕ ਡਿੱਗ ਗਿਆ। ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਵੀ ਸ਼ੇਅਰ ਬਾਜ਼ਾਰ ਵਿੱਚ ਗਿਰਾਵਟ ਦੇਖਣ ਨੂੰ ਮਿਲੀ ਸੀ।
ਰੁਪਇਆ ਵੀ ਡਾਲਰ ਦੇ ਮੁਕਾਬਲੇ 10 ਪੈਸੇ ਕਮਜ਼ੋਰ ਹੋ ਕੇ 85.81 ਰੁਪਏ ਪ੍ਰਤੀ ਡਾਲਰ ‘ਤੇ ਖੁੱਲ੍ਹਿਆ। ਇੱਕ ਦਿਨ ਪਹਿਲਾਂ, ਰੁਪਇਆ 85.71 ਰੁਪਏ ਪ੍ਰਤੀ ਡਾਲਰ ‘ਤੇ ਬੰਦ ਹੋਇਆ ਸੀ। ਬਾਜ਼ਾਰ ਵਿੱਚ ਅਨਿਸ਼ਚਿਤਤਾ ਦੇ ਵਿਚਕਾਰ, ਜ਼ਿਆਦਾਤਰ ਸ਼ੇਅਰਾਂ ਵਿੱਚ ਗਿਰਾਵਟ ਜਾਰੀ ਰਹੀ। ਹਾਲਾਂਕਿ, ਨਿਫਟੀ 50 ‘ਤੇ, ਟਾਈਟਨ, ਐਲ ਐਂਡ ਟੀ, ਬੀਈਐਲ, ਟਾਟਾ ਮੋਟਰਜ਼ ਅਤੇ ਡਾ. ਰੈਡੀ ਦੇ ਸਟਾਕਾਂ ਵਿੱਚ ਸ਼ੁਰੂਆਤੀ ਵਾਧਾ ਦੇਖਿਆ ਗਿਆ।
ਵੀਰਵਾਰ ਨੂੰ 5 ਲੱਖ ਕਰੋੜ ਰੁਪਏ ਦਾ ਘਾਟਾ
ਘਰੇਲੂ ਸਟਾਕ ਮਾਰਕੀਟ ਵਿੱਚ ਵੀਰਵਾਰ ਨੂੰ ਵੱਡੀ ਗਿਰਾਵਟ ਕਾਰਨ ਨਿਵੇਸ਼ਕਾਂ ਨੂੰ 5 ਲੱਖ ਕਰੋੜ ਰੁਪਏ ਦਾ ਭਾਰੀ ਨੁਕਸਾਨ ਹੋਇਆ। ਕਾਰੋਬਾਰੀ ਸੈਸ਼ਨ ਦੇ ਦੂਜੇ ਅੱਧ ਵਿੱਚ ਜ਼ੋਰਦਾਰ ਵਿਕਰੀ ਕਾਰਨ ਬੀਐਸਈ ਦਾ ਬੈਂਚਮਾਰਕ ਇੰਡੈਕਸ ਸੈਂਸੈਕਸ 411.97 ਅੰਕ ਜਾਂ 0.51 ਪ੍ਰਤੀਸ਼ਤ ਡਿੱਗ ਕੇ 80,334.81 ਅੰਕ ‘ਤੇ ਬੰਦ ਹੋਇਆ। ਵਿਆਪਕ ਬਾਜ਼ਾਰ ਵਿੱਚ, ਬੀਐਸਈ ਮਿਡਕੈਪ ਇੰਡੈਕਸ 1.90 ਪ੍ਰਤੀਸ਼ਤ ਅਤੇ ਸਮਾਲਕੈਪ 1.05 ਪ੍ਰਤੀਸ਼ਤ ਡਿੱਗ ਗਿਆ।
ਇਸ ਗਿਰਾਵਟ ਦੇ ਨਾਲ, ਬੀਐਸਈ ‘ਤੇ ਸੂਚੀਬੱਧ ਕੰਪਨੀਆਂ ਦਾ ਕੁੱਲ ਬਾਜ਼ਾਰ ਪੂੰਜੀਕਰਨ 5,00,037.74 ਕਰੋੜ ਰੁਪਏ ਡਿੱਗ ਕੇ 4,18,50,596.04 ਕਰੋੜ ਰੁਪਏ (4.93 ਟ੍ਰਿਲੀਅਨ ਡਾਲਰ) ਹੋ ਗਿਆ। ਬੀਐਸਈ ‘ਤੇ ਕੁੱਲ 2,548 ਸਟਾਕ ਘਾਟੇ ਨਾਲ ਬੰਦ ਹੋਏ ਜਦੋਂ ਕਿ 1,349 ਕੰਪਨੀਆਂ ਵਧੀਆਂ ਅਤੇ 135 ਹੋਰਾਂ ਨੇ ਕੋਈ ਬਦਲਾਅ ਨਹੀਂ ਦਿਖਾਇਆ।
