‘ਮੇਡ ਇਨ ਇੰਡੀਆ’ ਦਾ ਵੱਜਿਆ ਦੁਨੀਆ ‘ਚ ਡੰਕਾ, ਭਾਰਤ ਤੋਂ ਸਭ ਤੋਂ ਜ਼ਿਆਦਾ ਨਿਰਯਾਤ ਹੋਏ ਪ੍ਰੋਡਕਟ ਨੇ ਪੈਟਰੋਲੀਅਮ ਤੇ ਹੀਰਿਆਂ ਨੂੰ ਪਿੱਛੇ ਛੱਡਿਆ
Made in India: ਭਾਰਤ ਤੋਂ ਸਮਾਰਟਫੋਨ ਨਿਰਯਾਤ ਪੈਟਰੋਲੀਅਮ ਉਤਪਾਦਾਂ ਅਤੇ ਹੀਰਿਆਂ ਦੇ ਨਿਰਯਾਤ ਨੂੰ ਵੀ ਪਾਰ ਕਰ ਗਿਆ ਹੈ। ਵਿੱਤੀ ਸਾਲ 2025 ਵਿੱਚ, ਭਾਰਤ ਤੋਂ 24.14 ਬਿਲੀਅਨ ਡਾਲਰ ਦੇ ਸਮਾਰਟਫੋਨ ਨਿਰਯਾਤ ਕੀਤੇ ਗਏ ਸਨ।
Smartphone exports from India: ਸਮਾਰਟਫੋਨ ਨਿਰਯਾਤ ਦੇ ਮਾਮਲੇ ‘ਚ ਭਾਰਤ ਦੇ ਅੰਕੜੇ ਹੈਰਾਨ ਕਰਨ ਵਾਲੇ ਹਨ। ਵਿੱਤੀ ਸਾਲ 2025 (ਵਿੱਤੀ ਸਾਲ 2024-2025) ਵਿੱਚ, ਭਾਰਤ ਤੋਂ 24.14 ਬਿਲੀਅਨ ਡਾਲਰ ਦੇ ਸਮਾਰਟਫੋਨ ਨਿਰਯਾਤ ਕੀਤੇ ਸੀ। ਇਹ ਪਿਛਲੇ ਸਾਲ 15.57 ਬਿਲੀਅਨ ਡਾਲਰ ਦੇ ਨਿਰਯਾਤ ਨਾਲੋਂ 55 ਪ੍ਰਤੀਸ਼ਤ ਵੱਧ ਹੈ। ਹਾਲ ਹੀ ਵਿੱਚ ਜਾਰੀ ਕੀਤੇ ਗਏ ਸਰਕਾਰੀ ਅੰਕੜਿਆਂ ਮੁਤਾਬਕ, ਇਨ੍ਹਾਂਂ ਚੋਂ ਜ਼ਿਆਦਾਤਰ ਸਮਾਰਟਫੋਨ ਅਮਰੀਕਾ, ਨੀਦਰਲੈਂਡ, ਇਟਲੀ, ਜਾਪਾਨ ਅਤੇ ਚੈੱਕ ਗਣਰਾਜ ਨੂੰ ਭੇਜੇ ਗਏ।
ਅਮਰੀਕਾ ਨੂੰ ਨਿਰਯਾਤ ਕੀਤੇ ਗਏ ਸਭ ਤੋਂ ਜ਼ਿਆਦਾ ਫੋਨ
ਵਿੱਤੀ ਸਾਲ 2024-2025 ਵਿੱਚ, ਭਾਰਤ ਨੇ ਸਿਰਫ਼ ਅਮਰੀਕਾ ਨੂੰ 10.6 ਬਿਲੀਅਨ ਡਾਲਰ ਦੇ ਸਮਾਰਟਫੋਨ ਨਿਰਯਾਤ ਕੀਤੇ। ਇਹ ਪਿਛਲੇ ਸਾਲ ਅਮਰੀਕਾ ਨੂੰ ਨਿਰਯਾਤ ਕੀਤੇ ਗਏ $5.57 ਬਿਲੀਅਨ ਦੇ ਸਮਾਰਟਫੋਨ ਤੋਂ ਦੁੱਗਣਾ ਹੈ। ਭਾਰਤ ਤੋਂ ਸਮਾਰਟਫੋਨ ਨਿਰਯਾਤ ਪੈਟਰੋਲੀਅਮ ਉਤਪਾਦਾਂ ਅਤੇ ਹੀਰਿਆਂ ਦੇ ਨਿਰਯਾਤ ਨੂੰ ਪਛਾੜ ਗਿਆ। ਯਾਨੀ ਕਿ, ਭਾਰਤ ਹੁਣ ਪੈਟਰੋ ਕੈਮੀਕਲ ਅਤੇ ਹੀਰਿਆਂ ਨਾਲੋਂ ਵੱਧ ਸਮਾਰਟਫੋਨ ਨਿਰਯਾਤ ਕਰਦਾ ਹੈ।
ਅਮਰੀਕਾ ਤੋਂ ਇਲਾਵਾ, ਨੀਦਰਲੈਂਡ ਨੇ ਪਿਛਲੇ ਵਿੱਤੀ ਸਾਲ ਵਿੱਚ ਭਾਰਤ ਤੋਂ $2.2 ਬਿਲੀਅਨ ਦੇ ਆਈਫੋਨ ਆਯਾਤ ਕੀਤੇ। ਇਸੇ ਤਰ੍ਹਾਂ, $1.26 ਬਿਲੀਅਨ ਦੇ ਸਮਾਰਟਫੋਨ ਇਟਲੀ ਅਤੇ $1.17 ਬਿਲੀਅਨ ਦੇ ਸਮਾਰਟਫੋਨ ਚੈੱਕ ਗਣਰਾਜ ਨੂੰ ਭੇਜੇ ਗਏ। ਟੋਕੀਓ ਨੂੰ ਸਮਾਰਟਫੋਨ ਨਿਰਯਾਤ ਵੀ ਵਿੱਤੀ ਸਾਲ 2025 ਵਿੱਚ ਵਧ ਕੇ $520 ਮਿਲੀਅਨ ਹੋ ਗਿਆ, ਜਦੋਂ ਕਿ ਇਹ ਵਿੱਤੀ ਸਾਲ 2022-2023 ਵਿੱਚ ਸਿਰਫ $120 ਮਿਲੀਅਨ ਸੀ।
ਪਿਛਲੇ ਦੋ ਵਿੱਤੀ ਸਾਲਾਂ ਵਿੱਚ ਸਰਕਾਰ ਦੇ ਯਤਨਾਂ ਕਾਰਨ ਸਮਾਰਟਫੋਨ ਨਿਰਯਾਤ ਵਿੱਚ ਵਾਧਾ ਹੋਇਆ ਹੈ, ਜਿਸ ਵਿੱਚ ਉਤਪਾਦਨ-ਲਿੰਕਡ ਇਨਸੈਂਟਿਵ (PLI) ਸਕੀਮ ਵੀ ਸ਼ਾਮਲ ਹੈ। ਦੇਸ਼ ਵਿੱਚ ਕਈ ਸਮਾਰਟਫੋਨ ਯੂਨਿਟ ਵੀ ਖੁੱਲ੍ਹੇੇ। ਇਸ ਕਾਰਨ, ਇਸ ਖੇਤਰ ਵਿੱਚ ਭਾਰਤ ਦੀ ਸਪਲਾਈ ਲੜੀ ਮਜ਼ਬੂਤ ਹੋ ਰਹੀ ਹੈ, ਜੋ ਵਧੇਰੇ ਨਿਵੇਸ਼ ਨੂੰ ਆਕਰਸ਼ਿਤ ਕਰ ਰਹੀ ਹੈ। ਐਪਲ ਵਰਗੀਆਂ ਵੱਡੀਆਂ ਕੰਪਨੀਆਂ, ਜੋ ਆਈਫੋਨ ਬਣਾਉਂਦੀਆਂ ਹਨ, ਵੀ ਆਪਣਾ ਨਿਰਮਾਣ ਅਧਾਰ ਚੀਨ ਤੋਂ ਭਾਰਤ ਤਬਦੀਲ ਕਰ ਰਹੀਆਂ ਹਨ। ਇਸ ਨਾਲ ਭਾਰਤ ਵਿੱਚ ਸਮਾਰਟਫੋਨ ਬਣਾਉਣ ਦੇ ਕੇਂਦਰ ਵਜੋਂ ਵਿਸ਼ਵਾਸ ਵਧਿਆ ਹੈ, ਭਾਵੇਂ ਨਿਰਮਾਣ ਲਾਗਤ ਵਿੱਚ 5-8 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ।
