Miss World 2025: ਗ੍ਰੈਂਡ ਫਿਨਾਲੇ ਵਿੱਚ ਟੁੱਟੀਆਂ ਭਾਰਤ ਦੀਆਂ ਉਮੀਦਾਂ, ਨੰਦਿਨੀ ਗੁਪਤਾ ਖਿਤਾਬ ਦੀ ਰੇਸ ਤੋਂ ਹੋਈ ਬਾਹਰ

Miss World 2025 Grand Finale;ਪੂਰੇ ਦੇਸ਼ ਦੀਆਂ ਨਜ਼ਰਾਂ ਹੈਦਰਾਬਾਦ ਵਿੱਚ ਚੱਲ ਰਹੇ 72ਵੇਂ ਮਿਸ ਵਰਲਡ ਮੁਕਾਬਲੇ ਦੇ ਗ੍ਰੈਂਡ ਫਿਨਾਲੇ ‘ਤੇ ਟਿਕੀਆਂ ਹੋਈਆਂ ਹਨ। ਅੱਜ ਦੁਨੀਆ ਦੀਆਂ 108 ਸੁੰਦਰੀਆਂ ਵਿਚਕਾਰ ਇਸ ਖਿਤਾਬ ਲਈ ਫਾਈਨਲ ਮੁਕਾਬਲਾ ਹੋਵੇਗਾ। ਇਸ ਵਾਰ ਰਾਜਸਥਾਨ ਦੇ ਕੋਟਾ ਤੋਂ ਆਉਣ ਵਾਲੀ ਨੰਦਿਨੀ ਗੁਪਤਾ ਸਟੇਜ ‘ਤੇ ਭਾਰਤ ਦੀ ਨੁਮਾਇੰਦਗੀ ਕਰ ਰਹੀ ਹੈ। ਜਿਸ ਤੋਂ ਬਾਅਦ ਹਰ ਕੋਈ ਉਮੀਦ ਕਰ ਰਿਹਾ ਹੈ ਕਿ ਅੱਠ ਸਾਲਾਂ ਬਾਅਦ ਭਾਰਤ ਨੂੰ ਇੱਕ ਵਾਰ ਫਿਰ ਮਿਸ ਵਰਲਡ ਦਾ ਤਾਜ ਮਿਲੇਗਾ। ਇਸ ਖਾਸ ਮੌਕੇ ‘ਤੇ ਕਈ ਬਾਲੀਵੁੱਡ ਸਿਤਾਰੇ ਵੀ ਪਹੁੰਚੇ ਹਨ।

ਮਿਸ ਵਰਲਡ ਬਣਨ ਦਾ ਸੁਪਨਾ ਹੋ ਗਿਆ ਚਕਨਾਚੂਰ

ਨੰਦਿਨੀ ਨੇ ਅਰਚਨਾ ਕੋਚਰ ਦੇ ਗਾਊਨ ਵਿੱਚ ਸਟੇਜ ‘ਤੇ ਸੱਭਿਆਚਾਰਕ ਪ੍ਰਦਰਸ਼ਨ ਦਿੱਤਾ। ਇਸ ਤੋਂ ਪਹਿਲਾਂ, ਉਸਨੇ ਪਵਿੱਤਰ ਨਦੀ ਗੰਗਾ ਤੋਂ ਪ੍ਰੇਰਿਤ ਗਾਊਨ ਵਿੱਚ ਰੈਂਪ ਵਾਕ ਵੀ ਕੀਤਾ। ਸੱਭਿਆਚਾਰਕ ਪ੍ਰਦਰਸ਼ਨ ਵਿੱਚ, ਜਿੱਥੇ ਸਾਰੇ ਦੇਸ਼ਾਂ ਦੇ ਪ੍ਰਤੀਯੋਗੀਆਂ ਨੇ ਆਪਣੇ ਨਾਚ ਪੇਸ਼ ਕੀਤੇ, ਨੰਦਿਨੀ ਨੇ ਰਵਾਇਤੀ ਗਿੱਧਾ ਨਾਚ ਪੇਸ਼ ਕੀਤਾ। ਨੰਦਿਨੀ ਨੇ 72ਵੇਂ ਮਿਸ ਵਰਲਡ ਮੁਕਾਬਲੇ ਦੇ ਸਿਖਰਲੇ 40 ਵਿੱਚ ਜਗ੍ਹਾ ਬਣਾਈ ਸੀ। ਕੁਆਰਟਰ ਫਾਈਨਲਿਸਟ ਬਣਨ ਤੋਂ ਬਾਅਦ, ਉਸਨੇ ਚੋਟੀ ਦੇ 5 ਵਿੱਚ ਜਗ੍ਹਾ ਬਣਾਈ, ਪਰ ਉਹ ਚੋਟੀ ਦੇ 2 ਤੋਂ ਬਾਹਰ ਹੋ ਗਈ। ਜਿਸ ਤੋਂ ਬਾਅਦ ਉਸਦਾ ਮਿਸ ਵਰਲਡ ਬਣਨ ਦਾ ਸੁਪਨਾ ਚਕਨਾਚੂਰ ਹੋ ਗਿਆ।

ਕੌਣ ਹੈ ਨੰਦਿਨੀ ਗੁਪਤਾ?

ਨੰਦਿਨੀ ਨੇ ਸਿਰਫ਼ 19 ਸਾਲ ਦੀ ਉਮਰ ਵਿੱਚ ਫੈਮਿਨਾ ਮਿਸ ਇੰਡੀਆ 2023 ਦਾ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਪਹਿਲਾਂ ਉਹ ਫੈਮਿਨਾ ਮਿਸ ਰਾਜਸਥਾਨ ਵੀ ਰਹਿ ਚੁੱਕੀ ਹੈ। ਇਸ ਦੇ ਨਾਲ ਹੀ, ਹੁਣ 21 ਸਾਲ ਦੀ ਉਮਰ ਵਿੱਚ, ਉਹ ਮਿਸ ਵਰਲਡ ਦੇ ਮੰਚ ‘ਤੇ ਭਾਰਤ ਦੀ ਨੁਮਾਇੰਦਗੀ ਕਰ ਰਹੀ ਹੈ। ਨੰਦਿਨੀ ਤੋਂ ਇਲਾਵਾ, ਮਿਸ ਵਰਲਡ 2025 ਵਿੱਚ ਕੁੱਲ 108 ਸੁੰਦਰੀਆਂ ਨੇ ਹਿੱਸਾ ਲਿਆ ਸੀ। ਇਸ ਸਮਾਗਮ ਵਿੱਚ 3500 ਲੋਕਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ।

ਨੰਦਿਨੀ ਦੇ ਗਾਊਨ ਦੀ ਵਿਸ਼ੇਸ਼ਤਾ

ਨੰਦਿਨੀ ਗੁਪਤਾ ਦਾ ਗਾਊਨ, ਜੋ ਕਿ ਭਾਰਤ ਦੀ ਨੁਮਾਇੰਦਗੀ ਕਰਨ ਲਈ ਮਿਸ ਵਰਲਡ ਦੇ ਫਾਈਨਲ ਵਿੱਚ ਦਾਖਲ ਹੋਇਆ ਸੀ, ਗੰਗਾ ਨਦੀ ਤੋਂ ਪ੍ਰੇਰਿਤ ਹੈ। ਇਹ ਗਾਊਨ ਪਾਣੀ ਅਤੇ ਰੌਸ਼ਨੀ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਤਿਆਰ ਕੀਤਾ ਗਿਆ ਹੈ। ਮਿਸ ਵਰਲਡ ਆਰਗੇਨਾਈਜ਼ੇਸ਼ਨ ਦੇ ਪੰਨੇ ‘ਤੇ ਉਸਦੇ ਗਾਊਨ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਗਈ ਹੈ। ਇਹ ਗਾਊਨ ਵੀਅਤਨਾਮ ਦੇ ਫੈਸ਼ਨ ਡਿਜ਼ਾਈਨਰ ਟਰੂਯੇਨ ਦੁਆਰਾ ਡਿਜ਼ਾਈਨ ਕੀਤਾ ਗਿਆ ਹੈ।

ਭਾਰਤ ਦਾ ਵੈਨੇਜ਼ੁਏਲਾ ਨਾਲ ਮੁਕਾਬਲਾ

ਭਾਰਤ ਵਾਂਗ, ਵੈਨੇਜ਼ੁਏਲਾ ਵੀ ਹੁਣ ਤੱਕ 6 ਵਾਰ ਮਿਸ ਵਰਲਡ ਦਾ ਖਿਤਾਬ ਜਿੱਤ ਚੁੱਕਾ ਹੈ। ਇਹ ਦੋਵੇਂ ਦੇਸ਼ ਸਭ ਤੋਂ ਵੱਧ ਵਾਰ ਖਿਤਾਬ ਜਿੱਤਣ ਦੇ ਮਾਮਲੇ ਵਿੱਚ ਸਭ ਤੋਂ ਅੱਗੇ ਹਨ। ਹੁਣ ਇਹ ਦੇਖਣਾ ਬਾਕੀ ਹੈ ਕਿ ਕਿਹੜਾ ਦੇਸ਼ 72ਵਾਂ ਮਿਸ ਵਰਲਡ ਖਿਤਾਬ ਜਿੱਤਦਾ ਹੈ। ਭਾਰਤ ਹੁਣ ਤੱਕ 6 ਵਾਰ ਮਿਸ ਵਰਲਡ ਖਿਤਾਬ ਜਿੱਤ ਚੁੱਕਾ ਹੈ। ਰੀਤਾ ਫਾਰੀਆ ਨੇ ਪਹਿਲੀ ਵਾਰ 1966 ਵਿੱਚ ਇਹ ਖਿਤਾਬ ਜਿੱਤਿਆ ਸੀ। ਉਨ੍ਹਾਂ ਤੋਂ ਬਾਅਦ ਐਸ਼ਵਰਿਆ ਰਾਏ (1994), ਡਾਇਨਾ ਹੇਡਨ (1997), ਯੁਕਤਾ ਮੁਖੀ (1999), ਪ੍ਰਿਯੰਕਾ ਚੋਪੜਾ (2000) ਅਤੇ ਮਾਨੁਸ਼ੀ ਛਿੱਲਰ (2017) ਮਿਸ ਵਰਲਡ ਬਣੀਆਂ।

ਕੀ ਹੋਵੇਗਾ ਇਨਾਮ

ਇਸ ਸਾਲ ਦੀ ਮਿਸ ਵਰਲਡ ਜੇਤੂ ਨੂੰ ਮਿਸ ਵਰਲਡ ਸੰਗਠਨ ਅਤੇ ਇਸਦੀ ਭਾਈਵਾਲੀ ਵੱਲੋਂ 10 ਲੱਖ ਡਾਲਰ (ਲਗਭਗ 8.5 ਕਰੋੜ ਰੁਪਏ) ਦਾ ਨਕਦ ਇਨਾਮ ਦਿੱਤਾ ਜਾਵੇਗਾ।