ਭੁੱਚੋ ਖੁਰਦ (ਬਠਿੰਡਾ) ਲਿੰਕ ਰੋਡ ‘ਤੇ ਰਾਮਚਰਿਤ ਮਾਨਸ ਦੇ ਮਿਲੇ ਪੰਨੇ, ਬੇਅਦਬੀ ਦੇ ਵਾਇਰਲ ਵੀਡੀਓ ਨੇ ਵਧਾਇਆ ਤਣਾਅ
Bathinda News: ਬਠਿੰਡਾ ਦੇ ਪਿੰਡ ਭੁੱਚੋ ਖੁਰਦ ਦੇ ਲਿੰਕ ਰੋਡ ‘ਤੇ ਹਿੰਦੂ ਧਾਰਮਿਕ ਗ੍ਰੰਥ ਰਾਮਚਰਿਤ ਮਾਨਸ ਦੇ ਪੰਨੇ ਮਿਲਣ ਦੀ ਖ਼ਬਰ ਨਾਲ ਇਲਾਕੇ ‘ਚ ਹਲਚਲ ਮਚ ਗਈ। ਇੱਕ ਰਾਹਗੀਰ ਵੱਲੋਂ ਇਹ ਪੰਨੇ ਇਕੱਤਰ ਕੀਤੇ ਗਏ ਅਤੇ ਉਸੇ ਨੇ ਇਸ ਘਟਨਾ ਦੀ ਵੀਡੀਓ ਵੀ ਬਣਾਈ ਜੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਇਕ ਵਿਅਕਤੀ ਆਪਣੇ ਕੰਮ ਲਈ ਬਠਿੰਡਾ ਵੱਲ ਜਾ ਰਿਹਾ ਸੀ ਅਤੇ ਰਸਤੇ ਵਿੱਚ ਉਸ ਦੀ ਨਜ਼ਰ ਰੋਡ ‘ਤੇ ਪਏ ਕੁਝ ਕਾਗਜ਼ਾਂ ਉੱਤੇ ਪਈ। ਜਦੋਂ ਉਸ ਨੇ ਧਿਆਨ ਨਾਲ ਵੇਖਿਆ ਤਾਂ ਪਤਾ ਲੱਗਾ ਕਿ ਇਹ ਪਵਿੱਤਰ ਗ੍ਰੰਥ ਰਾਮਚਰਿਤ ਮਾਨਸ ਦੇ ਪੰਨੇ ਹਨ।
ਉਸ ਵਿਅਕਤੀ ਨੇ ਤੁਰੰਤ ਉਹ ਪੰਨੇ ਇਕੱਤਰ ਕਰੇ ਅਤੇ ਇਕ ਵੀਡੀਓ ਰਾਹੀਂ ਇਸ ਦੀ ਜਾਣਕਾਰੀ ਲੋਕਾਂ ਤੱਕ ਪਹੁੰਚਾਈ। ਵੀਡੀਓ ਵਿੱਚ ਦੱਸਿਆ ਗਿਆ ਕਿ ਇਹ ਹਰਕਤ ਕਿਸੇ ਸ਼ਰਾਰਤੀ ਅਨਸਰ ਵੱਲੋਂ ਕੀਤੀ ਗਈ ਜਿਹੜੀ ਹਿੰਦੂ ਧਰਮ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਅਤੇ ਧਾਰਮਿਕ ਤਣਾਅ ਪੈਦਾ ਕਰਨ ਦੀ ਕੋਸ਼ਿਸ਼ ਹੋ ਸਕਦੀ ਹੈ।
ਧਾਰਮਿਕ ਸਹਿਸ਼ਣੁਤਾ ਦੀ ਲੋੜ:
ਖ਼ਬਰ ਦੇ ਚਾਰੇ ਪਾਸੇ ਵਧ ਰਹੀ ਚਰਚਾ ਤੋਂ ਇਲਾਵਾ, ਸਮਾਜ ‘ਚ ਇਹ ਗੱਲ ਵੀ ਉਭਰ ਕੇ ਆ ਰਹੀ ਹੈ ਕਿ ਸਭ ਧਰਮ ਚੰਗਿਆਈ ਅਤੇ ਸ਼ਾਂਤੀ ਦਾ ਸੰਦੇਸ਼ ਦਿੰਦੇ ਹਨ, ਪਰ ਅਜਿਹੀ ਘਟਨਾਵਾਂ ਲੋਕਾਂ ਵਿੱਚ ਨਫ਼ਰਤ ਫੈਲਾਉਣ ਦੀ ਕੋਸ਼ਿਸ਼ ਹੁੰਦੀਆਂ ਹਨ। ਸਥਾਨਕ ਨਾਗਰਿਕਾਂ ਨੇ ਇਨ੍ਹਾਂ ਸ਼ਰਾਰਤੀ ਤੱਤਾਂ ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ।
ਪੁਲਿਸ ਅਤੇ ਪ੍ਰਸ਼ਾਸਨ ਦੀ ਭੂਮਿਕਾ:
ਮਾਮਲੇ ਦੀ ਗੰਭੀਰਤਾ ਨੂੰ ਵੇਖਦੇ ਹੋਏ, ਪੁਲਿਸ ਵੱਲੋਂ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਸੁਰੱਖਿਆ ਜ਼ੋਰਦਾਰ ਕੀਤੀ ਗਈ ਹੈ ਅਤੇ ਆਸ-ਪਾਸ ਦੇ ਸਿਸੀਟੀਵੀ ਕੈਮਰਿਆਂ ਦੀ ਜਾਂਚ ਵੀ ਕੀਤੀ ਜਾ ਰਹੀ ਹੈ।
