ਬਿਹਾਰ ਰਾਹੀਂ 3 ਪਾਕਿਸਤਾਨੀ ਆਤੰਕਵਾਦੀਆਂ ਦੀ ਘੁਸਪੈਠ, ਰਾਹੁਲ ਗਾਂਧੀ ਦੀ ਯਾਤਰਾ ‘ਤੇ ਵੀ ਚਿੰਤਾ, ਸੂਬੇ ਭਰ ‘ਚ High Alert

ਜੈਸ਼-ਏ-ਮੁਹੰਮਦ ਨਾਲ ਜੁੜੇ ਹੋਣ ਦੇ ਦੋਸ਼, ਅਰਰੀਆ ਰਾਹੀਂ ਦਾਖਲ ਹੋਣ ਦਾ ਸ਼ੱਕ, ਪੁਲਿਸ ਨੇ ਜਾਰੀ ਕੀਤੀਆਂ ਫੋਟੋਆਂ

India Nepal Border: ਖੁਫੀਆ ਏਜੰਸੀਆਂ ਨੇ ਨੇਪਾਲ ਰਾਹੀਂ ਬਿਹਾਰ ਰਾਜ ਵਿੱਚ 3 ਪਾਕਿਸਤਾਨੀ ਅੱਤਵਾਦੀਆਂ ਦੀ ਘੁਸਪੈਠ ਦੀ ਪੁਸ਼ਟੀ ਕੀਤੀ ਹੈ। ਪੁਲਿਸ ਹੈੱਡਕੁਆਰਟਰ ਨੇ ਤਿੰਨਾਂ ਅੱਤਵਾਦੀਆਂ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ ਹਨ ਅਤੇ ਕਿਹਾ ਜਾ ਰਿਹਾ ਹੈ ਕਿ ਉਹ ਜੈਸ਼-ਏ-ਮੁਹੰਮਦ ਨਾਲ ਜੁੜੇ ਹੋਏ ਹਨ।

ਪੁਲਿਸ ਦੇ ਅਨੁਸਾਰ, ਇਹ ਅੱਤਵਾਦੀ ਅਰਰੀਆ ਜ਼ਿਲ੍ਹੇ ਰਾਹੀਂ ਬਿਹਾਰ ਵਿੱਚ ਦਾਖਲ ਹੋਏ ਹਨ। ਖੁਫੀਆ ਏਜੰਸੀਆਂ ਨੇ ਰਾਜ ਦੇ ਸਾਰੇ ਜ਼ਿਲ੍ਹਿਆਂ ਨੂੰ ਚੌਕਸ ਰਹਿਣ ਅਤੇ ਸ਼ੱਕੀ ਗਤੀਵਿਧੀਆਂ ‘ਤੇ ਨਜ਼ਰ ਰੱਖਣ ਦੇ ਆਦੇਸ਼ ਦਿੱਤੇ ਹਨ।

• ਇਸ ਦੌਰਾਨ, ਰਾਹੁਲ ਗਾਂਧੀ ਦੀ “ਵੋਟਰ ਅਧਿਕਾਰ ਯਾਤਰਾ” ਵੀ ਨੇਪਾਲ ਸਰਹੱਦ ਨਾਲ ਸਬੰਧਤ ਜ਼ਿਲ੍ਹਿਆਂ ਵਿੱਚੋਂ ਲੰਘ ਰਹੀ ਹੈ।
• ਉਨ੍ਹਾਂ ਦਾ ਦੌਰਾ ਹਾਲ ਹੀ ਵਿੱਚ ਮਧੂਬਨੀ, ਸੁਪੌਲ ਅਤੇ ਅਰਰੀਆ ਵਿੱਚੋਂ ਹੋਇਆ ਸੀ।
• ਕੱਲ੍ਹ ਉਹ ਸੀਤਾਮੜੀ ਵਿੱਚ ਸਨ ਅਤੇ ਅੱਜ ਉਹ ਮੋਤੀਹਾਰੀ ਪਹੁੰਚੇ ਹਨ ਜੋ ਨੇਪਾਲ ਸਰਹੱਦ ਦੇ ਬਹੁਤ ਨੇੜੇ ਹੈ।

ਅਲਰਟ ਤੋਂ ਬਾਅਦ ਰਾਹੁਲ ਦੀ ਯਾਤਰਾ ‘ਚ ਬਦਲਾਅ

• ਰਾਹੁਲ ਗਾਂਧੀ ਹੁਣ ਬੰਦ ਗੱਡੀ ‘ਚ ਯਾਤਰਾ ਕਰ ਰਹੇ ਹਨ।
• ਰੋਡ ਸ਼ੋਅ ਰੱਦ, ਸਿਰਫ਼ ਦਰਸ਼ਨ ਕਰਕੇ ਅੱਗੇ ਵਧੇ।
• 11 ਵਜੇ ਹੀ ਮੋਤੀਹਾਰੀ ਪਹੁੰਚ ਗਏ, ਜਿੱਥੇ ਉਨ੍ਹਾਂ ਨੂੰ 12 ਵਜੇ ਪਹੁੰਚਣਾ ਸੀ।

ਮਈ 2025 ਵਿੱਚ 20 ਦਿਨਾਂ ਦੌਰਾਨ 18 ਸੰਦੇਹਾਸਪਦ ਵਿਅਕਤੀ ਬਿਹਾਰ ਰਾਹੀਂ ਭਾਰਤ ਵਿੱਚ ਦਾਖਲ ਹੋਏ ਸਨ, ਜਿਨ੍ਹਾਂ ਵਿੱਚ ਇੱਕ ਖਾਲਿਸਤਾਨੀ ਗਿਰਫ਼ਤਾਰ ਵੀ ਹੋਇਆ ਸੀ।

ਨੈਪਾਲ ਬਾਰਡਰ ਰਾਹੀਂ ਘੁਸਪੈਠ ਕਿਉਂ ਆਸਾਨ ਹੈ?

• ਬਿਨਾਂ ਵੀਜ਼ਾ ਆਉਣ-ਜਾਣ ਦੀ ਆਜ਼ਾਦੀ
• ਟ੍ਰੈਵਲ ਏਜੰਟਾਂ ਰਾਹੀਂ ਫਰਜ਼ੀ ਨਾਗਰਿਕਤਾ
• ਪਗਡੰਡੀਆਂ ਰਾਹੀਂ ਗੁਪਤ ਦਾਖਲਾ
• ਸਮਾਨ ਚਿਹਰੇ ਵਾਲੇ ਵਿਅਕਤੀ ਬਿਨਾਂ ਜਾਂਚ ਦੇ ਲੰਘ ਜਾਂਦੇ ਹਨ

ਨੈਪਾਲ-ਭਾਰਤ ਸਰਹੱਦ ‘ਤੇ ਸਖ਼ਤੀ ਕਿਉਂ ਲਾਜ਼ਮੀ?

• 3000 ਤੋਂ ਵੱਧ ਪਾਕਿਸਤਾਨੀ ਨਾਗਰਿਕ ਨੈਪਾਲ ਵਿੱਚ ਟੂਰਿਸਟ ਵੀਜ਼ਾ ‘ਤੇ ਰਹਿ ਰਹੇ ਹਨ
• ਕਈਆਂ ਨੇ ਨੇਪਾਲੀ ਔਰਤਾਂ ਨਾਲ ਵਿਆਹ ਕਰ ਕੇ ਨਕਲੀ ਨਾਗਰਿਕਤਾ ਲਈ
• ਨੈਪਾਲ ਹੋ ਰਿਹਾ ਭਾਰਤ ਵਿਰੋਧੀ ਗਤੀਵਿਧੀਆਂ ਦਾ ਅੱਡਾ