2027 ਲਈ ਕਾਂਗਰਸ ਵਿੱਚ ਨਵੇਂ ਸਮੀਕਰਨ ਦੇ ਸੰਕੇਤ, ਰਾਜਾ ਵੜਿੰਗ–ਚੰਨੀ ਦੀ ਨੇੜਤਾ ਨੇ ਬਦਲੇ ਸਿਆਸੀ ਹਾਲਾਤ
Breaking News: ਪੰਜਾਬ ਕਾਂਗਰਸ ਵਿੱਚ ਚੱਲ ਰਹੀ ਧੜੇਬੰਦੀ ਦੇ ਵਿਚਕਾਰ, ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ, ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਮੋਰਿੰਡਾ ਨਿਵਾਸ ‘ਤੇ ਪਹੁੰਚੇ। ਚੰਨੀ ਨੇ ਵੜਿੰਗ ਦਾ ਜੱਫੀ ਪਾ ਕੇ ਸਵਾਗਤ ਕੀਤਾ, ਜਿਸ ਨੇ ਸਿਆਸੀ ਗਲੀਆਂ ਵਿੱਚ ਨਵੀਆਂ ਚਰਚਾਵਾਂ ਨੂੰ ਜਨਮ ਦੇ ਦਿੱਤਾ ਹੈ।ਰਾਜਾ ਵੜਿੰਗ ਦੇ ਨਾਲ ਸਾਬਕਾ ਉਪ ਮੁੱਖ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ, ਸਾਬਕਾ ਵਿਧਾਇਕ ਸੁਰਿੰਦਰ ਡਾਵਰ ਅਤੇ ਕੁਲਦੀਪ ਵੈਦ ਵੀ ਮੌਜੂਦ ਸਨ। ਸਾਰੇ ਨੇ ਗੁਰੂ ਗ੍ਰੰਥ ਸਾਹਿਬ ਅੱਗੇ ਮੱਥਾ ਟੇਕਿਆ ਅਤੇ ਅਰਦਾਸ ਕੀਤੀ।
ਚੰਨੀ ਦੇ ਪੁੱਤਰ ਦੇ ਜਨਮਦਿਨ ਮੌਕੇ ਅਖੰਡ ਪਾਠ—ਸੀਨੀਅਰ ਕਾਂਗਰਸੀ ਆਗੂਆਂ ਨੂੰ ਭੇਜਿਆ ਗਿਆ ਸੱਦਾ
ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਹਰੇਕ ਸਾਲ ਦੀ ਤਰ੍ਹਾਂ ਆਪਣੇ ਪੁੱਤਰ ਨਵਨੀਤ ਸਿੰਘ ਦੇ ਜਨਮਦਿਨ ਮੌਕੇ ਸ੍ਰੀ ਅਖੰਡ ਸਾਹਿਬ ਦਾ ਪਾਠ ਕਰਵਾਉਂਦੇ ਹਨ। ਇਸ ਵਾਰ ਵੀ ਉਹੀ ਰਸਮ ਨਿਭਾਈ ਗਈ ਅਤੇ ਸਾਰੇ ਸੀਨੀਅਰ ਕਾਂਗਰਸੀ ਆਗੂਆਂ ਨੂੰ ਸੱਦਾ ਭੇਜਿਆ ਗਿਆ ਹੈ।
ਸੂਤਰਾਂ ਅਨੁਸਾਰ, ਪ੍ਰਤਾਪ ਸਿੰਘ ਬਾਜਵਾ ਸਮੇਤ ਵੱਡੀ ਗਿਣਤੀ ਵਿੱਚ ਕਾਂਗਰਸੀ ਆਗੂ ਚੰਨੀ ਦੀ ਰਿਹਾਇਸ਼ ‘ਤੇ ਪਹੁੰਚਣਗੇ।
23 ਨਵੰਬਰ ਦੇ ਵਿਆਹ ਸਮਾਰੋਹ ‘ਚ ਧੜੇਬੰਦੀ ਸਾਫ਼ ਨਜ਼ਰ ਆਈ ਸੀ । ਅਮੇਠੀ ਦੇ ਸੰਸਦ ਮੈਂਬਰ ਕਿਸ਼ੋਰੀ ਲਾਲ ਗਾਂਧੀ ਦੀ ਧੀ ਦੇ ਵਿਆਹ ਸਮਾਗਮ ਵਿੱਚ ਕਾਂਗਰਸ ਦੀ ਅੰਦਰੂਨੀ ਵੰਡ ਖੁੱਲ੍ਹ ਕੇ ਸਾਹਮਣੇ ਆਈ:
- ਦੋਵੇਂ ਧੜੇ ਅਲੱਗ–ਅਲੱਗ ਫੋਟੋ ਸੈਸ਼ਨਾਂ ਵਿੱਚ ਨਜ਼ਰ ਆਏ।
- ਚੰਨੀ, ਭਾਰਤ ਭੂਸ਼ਣ ਆਸ਼ੂ, ਰਾਣਾ ਗੁਰਜੀਤ ਇੱਕੋ ਗਰੁੱਪ ਵਿੱਚ।
- ਵੱਖ-ਵੱਖ ਤਸਵੀਰਾਂ ਵਿੱਚ ਰਾਜਾ ਵੜਿੰਗ, ਸੁਖਜਿੰਦਰ ਰੰਧਾਵਾ, ਸੁਰਿੰਦਰ ਡਾਵਰ, ਸਿਮਰਜੀਤ ਸਿੰਘ ਬੈਂਸ ਵੱਖ ਗਰੁੱਪ ਵਿੱਚ।
ਵਿਆਹ ਸਮਾਗਮ ਵਿੱਚ ਵੜਿੰਗ ਦੇ ਨਾਲ:
- ਅਜੈ ਮਾਕਨ
- ਸੁਖਜਿੰਦਰ ਸਿੰਘ ਰੰਧਾਵਾ
- ਸੁਰਿੰਦਰ ਡਾਵਰ
- ਕੁਲਦੀਪ ਵੈਦ
- ਸਿਮਰਜੀਤ ਸਿੰਘ ਬੈਂਸ
ਮੌਜੂਦ ਸਨ। ਬੈਂਸ ਨੇ ਖ਼ੁਦ ਮਾਕਨ ਨੂੰ ਗੱਡੀ ਵਿੱਚ ਲੈ ਕੇ ਆਉਣ-ਜਾਣ ਕਰਵਾਇਆ, ਜੋ ਉਨ੍ਹਾਂ ਦੀ ਲਾਬੀ ਦੀ ਮਜ਼ਬੂਤੀ ਦਾ ਸੰਕੇਤ ਸੀ।
2027 ਦੇ ਚੋਣੀ ਸਮੀਕਰਨ ਬਦਲ ਸਕਦੇ ਹਨ
ਜੇ ਇਹ ਨੇੜਤਾ ਅੱਗੇ ਵੀ ਕਾਇਮ ਰਹੀ, ਤਾਂ ਇਹ ਨਿਸ਼ਚਿਤ ਤੌਰ ‘ਤੇ 2027 ਦੀਆਂ ਚੋਣਾਂ ਲਈ ਕਾਂਗਰਸ ਵਿੱਚ ਨਵੀਂ ਸੋਚ, ਨਵੇਂ ਜੋਸ਼ ਅਤੇ ਨਵੀਂ ਟੀਮਵਰਕ ਦਾ ਆਧਾਰ ਬਣ ਸਕਦੀ ਹੈ।
