ਪੰਜਾਬ ਦੇ CM ਭਗਵੰਤ ਮਾਨ 1 ਦਸੰਬਰ ਤੋਂ 10 ਦਿਨਾਂ ਦੇ ਜਾਪਾਨ ਦੌਰੇ ‘ਤੇ — ਨਿਵੇਸ਼ ਵਧਾਉਣ ਲਈ ਜਾਪਾਨੀ ਉਦਯੋਗਪਤੀਆਂ ਨਾਲ ਮਹੱਤਵਪੂਰਨ ਮੁਲਾਕਾਤਾਂ
Latest News: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ 1 ਦਸੰਬਰ ਤੋਂ 10 ਦਿਨਾਂ ਦੇ ਜਾਪਾਨ ਦੌਰੇ ‘ਤੇ ਜਾ ਰਹੇ ਹਨ। ਇਹ ਦੌਰਾ ਸੂਬੇ ਵਿੱਚ ਨਿਵੇਸ਼ ਨੂੰ ਆਕਰਸ਼ਿਤ ਕਰਨ ਅਤੇ ਜਾਪਾਨ ਨਾਲ ਉਦਯੋਗਿਕ ਸਹਿਯੋਗ ਵਧਾਉਣ ਲਈ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ।
ਸਰਕਾਰੀ ਸੂਤਰਾਂ ਮੁਤਾਬਕ, ਮਾਨ ਆਪਣੇ ਦੌਰੇ ਦੌਰਾਨ ਜਾਪਾਨੀ ਉਦਯੋਗਪਤੀਆਂ ਨਾਲ ਮੁਲਾਕਾਤ ਕਰਨਗੇ, ਜਿੱਥੇ ਪੰਜਾਬ ਵਿੱਚ ਨਵੀਆਂ ਉਦਯੋਗਿਕ ਸੰਭਾਵਨਾਵਾਂ ਤੇ ਨਿਵੇਸ਼ ਵਧਾਉਣ ‘ਤੇ ਵਿਸਥਾਰ ਨਾਲ ਵਿਚਾਰ-ਵਟਾਂਦਰਾ ਹੋਵੇਗਾ।
2026 ਦੇ ਪ੍ਰੋਗਰੈਸਿਵ ਪੰਜਾਬ ਇਨਵੈਸਟਰਜ਼ ਸਮਿੱਟ ਲਈ ਤਿਆਰੀਆਂ
ਇਹ ਯਾਤਰਾ ਮਾਰਚ 13-15, 2026 ਨੂੰ ਮੁਹਾਲੀ ਵਿੱਚ ਹੋਣ ਵਾਲੇ ਛੇਵੇਂ ਪ੍ਰੋਗਰੈਸਿਵ ਪੰਜਾਬ ਇਨਵੈਸਟਰਜ਼ ਸਮਿਟ ਤੱਕ ਲੀਡ-ਅੱਪ ਦਾ ਹਿੱਸਾ ਹੈ।ਸਰਕਾਰ ਇਸ ਸਮਿੱਟ ਨੂੰ ਹੋਰ ਪ੍ਰਭਾਵਸ਼ਾਲੀ ਅਤੇ ਨਿਵੇਸ਼ ਦੋਸਤ ਬਣਾਉਣ ਲਈ ਗਲੋਬਲ ਸਹਿਯੋਗ ਵਧਾਉਣ ਵਿੱਚ ਲੱਗੀ ਹੋਈ ਹੈ।
ਜਾਪਾਨੀ ਕੰਪਨੀਆਂ ਨਾਲ ਪਹਿਲਾਂ ਹੀ ਵਰਚੁਅਲ ਮੀਟਿੰਗ — ਪੈਨਾਸੋਨਿਕ ਤੋਂ ਟੋਇਓਟਾ ਤੱਕ ਸਭ ਸ਼ਾਮਲ
ਦੌਰੇ ਤੋਂ ਕੁਝ ਦਿਨ ਪਹਿਲਾਂ, CM ਮਾਨ ਨੇ ਇੱਕ ਉੱਚ-ਪੱਧਰੀ ਜਾਪਾਨੀ ਵਫ਼ਦ ਨਾਲ ਵਰਚੁਅਲ ਮੁਲਾਕਾਤ ਕੀਤੀ ਸੀ। ਇਸ ਮੀਟਿੰਗ ਵਿੱਚ ਜਾਪਾਨੀ ਦੂਤਾਵਾਸ ਦੇ ਅਧਿਕਾਰੀ ਅਤੇ ਭਾਰਤ ਵਿੱਚ ਕੰਮ ਕਰ ਰਹੀਆਂ ਬੱਡੀ ਕੰਪਨੀਆਂ ਜਿਵੇਂ:
- Panasonic
- Sumitomo
- Nippon
- NEC
- Toyota
ਦੇ ਪ੍ਰਤੀਨਿਧ ਸ਼ਾਮਲ ਸਨ।
ਪੰਜਾਬ–ਜਾਪਾਨ ਰਣਨੀਤਕ ਭਾਈਵਾਲੀ ਦੇ ਨਵੇਂ ਦਰਵਾਜ਼ੇ
ਮਾਨ ਨੇ ਜਾਪਾਨੀ ਉਦਯੋਗ ਨੂੰ ਵਿਸ਼ੇਸ਼ ਤੌਰ ‘ਤੇ ਇਨ੍ਹਾਂ ਖੇਤਰਾਂ ਵਿੱਚ ਸਹਿਯੋਗ ਵਧਾਉਣ ਲਈ ਸੱਦਾ ਦਿੱਤਾ:
- ਅਡਵਾਂਸਡ ਮੈਨੂਫੈਕਚਰਿੰਗ
- ਮੋਬਿਲਿਟੀ
- ਇਲੈਕਟ੍ਰੋਨਿਕਸ
- ਫੂਡ ਪ੍ਰੋਸੈਸਿੰਗ
- ਨਵਿਆਉਣਯੋਗ ਊਰਜਾ
- ਗਲੋਬਲ ਸੇਵਾਵਾਂ
ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ ਜਾਪਾਨੀ ਕੰਪਨੀਆਂ ਨੂੰ ‘ਰੈੱਡ ਕਾਰਪੇਟ ਸਵਾਗਤ’ ਦੇਣ ਲਈ ਤਿਆਰ ਹੈ ਅਤੇ ਸੂਬੇ ਨੂੰ ਉਦਯੋਗਿਕ ਤੌਰ ‘ਤੇ ਅਗਲੀ ਪੀੜ੍ਹੀ ਵਿੱਚ ਲੈ ਜਾਣ ਲਈ ਜਾਪਾਨ ਦੀ ਭੂਮਿਕਾ ਮਹੱਤਵਪੂਰਨ ਹੋਵੇਗੀ।
