Amritsar ‘ਚ ਗੋਲਗੱਪੇ ਦੀ ਕਾਂਜੀ ‘ਚੋਂ ਚੂਹਾ ਨਿਕਲਿਆ, ਵੀਡੀਓ ਵਾਇਰਲ

Amritsar golgappa video; Amritsar ਵਿੱਚ ਗੋਲਗੱਪਿਆਂ ਦੀ ਕਾਂਜੀ (ਪਾਣੀ ਲਈ ਤਿਆਰ ਮਸਾਲੇਦਾਰ ਮਿਸ਼ਰਣ) ਦੇ ਡੱਬੇ ਵਿੱਚੋਂ ਚੂਹਾ ਨਿਕਲਣ ਦੀ ਘਟਨਾ ਸਾਹਮਣੇ ਆਈ ਹੈ। ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨਾਲ ਕੈਪਸ਼ਨ ਲਿਖਿਆ ਗਿਆ—‘ਰੈਟ ਇਨ ਪਾਣੀ ਪੁਰੀ’। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਇੱਕ ਵਲੌਗਰ ਅਤੇ ਉਸਦਾ ਦੋਸਤ ਗੋਲਗੱਪੇ ਖਾ ਰਹੇ ਸਨ, ਇਸ ਦੌਰਾਨ ਅਚਾਨਕ ਕਾਂਜੀ ਵਿੱਚ ਹਲਚਲ ਨਜ਼ਰ ਆਈ।

ਥੋੜ੍ਹੀ ਦੇਰ ਬਾਅਦ ਮਸਾਲੇ ਨਾਲ ਲਿਪਟਿਆ ਚੂਹਾ ਦਿਖਾਈ ਦਿੱਤਾ। ਫਿਰ ਰੇਹੜੀ ਮਾਲਕ ਨੇ ਚੂਹੇ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ। ਕੁਝ ਸਕਿੰਟਾਂ ਵਿੱਚ ਚੂਹਾ ਕਾਂਜੀ ਵਿੱਚੋਂ ਛਾਲ ਮਾਰ ਕੇ ਨੇੜਲੇ ਨਾਲੇ ਵਿੱਚ ਭੱਜ ਗਿਆ। ਇਸ ਘਟਨਾ ਤੋਂ ਬਾਅਦ ਫੂਡ ਸੇਫਟੀ ਵਿਭਾਗ ਦੀ ਕਾਰਗੁਜ਼ਾਰੀ ‘ਤੇ ਸਵਾਲ ਉੱਠ ਰਹੇ ਹਨ।

ਇੰਸਟਾਗ੍ਰਾਮ ‘ਤੇ ਇਹ ਵੀਡੀਓ ‘ਕਰਨ ਧੰਜੂ26’ ਨਾਂ ਦੇ ਅਕਾਊਂਟ ਤੋਂ 8 ਫਰਵਰੀ ਨੂੰ ਪੋਸਟ ਕੀਤਾ ਗਿਆ ਸੀ। ਇਸਨੂੰ ਹੁਣ ਤੱਕ 51.5 ਮਿਲੀਅਨ (ਕਰੀਬ 5 ਕਰੋੜ 15 ਲੱਖ) ਤੋਂ ਵੱਧ ਵੇਖਿਆ ਜਾ ਚੁੱਕਾ ਹੈ। ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਇਹ ਵੀਡੀਓ ਅੰਮ੍ਰਿਤਸਰ ਦੇ ਕਿਹੜੇ ਇਲਾਕੇ ਦੀ ਹੈ ਅਤੇ ਵੀਡੀਓ ਬਣਾਉਣ ਵਾਲਾ ਕੌਣ ਹੈ।

ਵਾਇਰਲ ਵੀਡੀਓ ਵਿੱਚ ਵਲੌਗਰ ਨੇ ਕੀ ਕਿਹਾ…

ਵੀਡੀਓ ਵਿੱਚ ਵਲੌਗਰ ਨੇ ਉੱਚੀ ਆਵਾਜ਼ ਵਿੱਚ ਕਿਹਾ ਕਿ ਗੋਲਗੱਪੇ ਵਿੱਚ ਚੂਹਾ ਨਿਕਲਿਆ ਹੈ। ਉਸ ਨੇ ਦੱਸਿਆ ਕਿ ਉਹ ਆਪਣੀ ਨਾਰਮਲ ਚੈਲੈਂਜ ਵੀਡੀਓ ਸ਼ੂਟ ਕਰ ਰਹੇ ਸਨ, ਪਰ ਅਚਾਨਕ ਆਵਾਜ਼ ਆਈ ਅਤੇ ਵੇਖਿਆ ਤਾਂ ਪਾਣੀ ਵਿੱਚ ਚੂਹਾ ਸੀ। ਉਸਨੂੰ ਤੁਰੰਤ ਬਾਹਰ ਕੱਢਿਆ ਗਿਆ ਅਤੇ ਬਾਅਦ ਵਿੱਚ ਪਾਣੀ ਵੀ ਫੈਂਕ ਦਿੱਤਾ ਗਿਆ। ਉਸ ਨੇ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਵੀ ਕੀਤੀ।

ਸੋਸ਼ਲ ਮੀਡੀਆ ‘ਤੇ ਛਿੜੀ ਚਰਚਾ

ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਲੋਕਾਂ ਨੇ ਗੁੱਸਾ ਜਤਾਇਆ। ਕੁਝ ਨੇ ਇਸਨੂੰ ਖਾਦ ਸੁਰੱਖਿਆ ਨਾਲ ਗੰਭੀਰ ਖਿਲਵਾੜ ਦੱਸਿਆ, ਜਦਕਿ ਕਈਆਂ ਨੇ ਪ੍ਰਸ਼ਾਸਨ ਅਤੇ ਫੂਡ ਸੇਫਟੀ ਵਿਭਾਗ ‘ਤੇ ਸਵਾਲ ਉਠਾਏ।

ਇੱਕ ਯੂਜ਼ਰ ਨੇ ਲਿਖਿਆ ਕਿ ਬਾਕੀ ਸਭ ਕੁਝ ਸਾਫ਼-ਸੁਥਰਾ ਦਿਖ ਰਿਹਾ ਸੀ, ਫਿਰ ਇਹ ਕਿਵੇਂ ਹੋਇਆ? ਕੀ ਚੂਹਾ ਉਸ ਵੇਲੇ ਆਇਆ ਜਦੋਂ ਠੇਲਾ ਪਹਿਲਾਂ ਤੋਂ ਲੱਗਾ ਹੋਇਆ ਸੀ ਜਾਂ ਪਹਿਲਾਂ ਤੋਂ ਹੀ ਮੌਜੂਦ ਸੀ? ਦੂਜੇ ਯੂਜ਼ਰ ਨੇ ਲਿਖਿਆ ਕਿ ਚੂਹਾ ਸ਼ਾਇਦ ਉਸੇ ਸਮੇਂ ਅੰਦਰ ਗਿਆ ਹੋਵੇਗਾ, ਨਹੀਂ ਤਾਂ ਉਹ ਇੰਨੀ ਦੇਰ ਤੱਕ ਜ਼ਿੰਦਾ ਕਿਵੇਂ ਰਹਿੰਦਾ। ਇੱਕ ਹੋਰ ਨੇ ਟਿੱਪਣੀ ਕੀਤੀ—ਭਾਰਤੀ ਸਟ੍ਰੀਟ ਫੂਡ ਦੀ ਸਫ਼ਾਈ ਦਾ ਨਮੂਨਾ।

ਫੂਡ ਕਮਿਸ਼ਨਰ ਨੇ ਕਿਹਾ—ਜਾਂਚ ਜਾਰੀ

ਇਸ ਮਾਮਲੇ ‘ਤੇ ਫੂਡ ਕਮਿਸ਼ਨਰ ਰਾਜਿੰਦਰ ਨੇ ਕਿਹਾ ਕਿ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿੱਚ ਆ ਗਿਆ ਹੈ ਅਤੇ ਵੀਡੀਓ ਦੀ ਜਾਂਚ ਕੀਤੀ ਜਾ ਰਹੀ ਹੈ।