1 ਘੰਟੇ ਵਿੱਚ ਹੁਣ ਦਿੱਲੀ: ਹਲਵਾਰਾ ਹਵਾਈ ਅੱਡੇ ਤੋਂ ਉਡਾਣਾਂ ਸ਼ੁਰੂ; ਦਿੱਲੀ ਲਈ ਪਹਿਲੀ ਫਲਾਈਟ ਰਵਾਨਾ

Halwara International Airport: ਪੰਜਾਬ ਦੇ ਉਦਯੋਗਿਕ ਸ਼ਹਿਰ ਲੁਧਿਆਣਾ ਲਈ ਅੱਜ ਦਾ ਦਿਨ ਇਤਿਹਾਸਕ ਸਾਬਤ ਹੋਇਆ ਹੈ। ਹਲਵਾਰਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਅੱਜ ਪਹਿਲੀ ਉਡਾਣ ਨੇ ਸਫਲਤਾਪੂਰਵਕ ਉਤਰ ਕੇ ਅਤੇ ਰਵਾਨਾ ਹੋ ਕੇ ਇਸ ਹਵਾਈ ਅੱਡੇ ਨੂੰ ਕਾਰਜਸ਼ੀਲ ਕਰ ਦਿੱਤਾ ਹੈ। ਕੇਂਦਰੀ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਦਿੱਲੀ ਤੋਂ ਆਈ ਪਹਿਲੀ ਫਲਾਈਟ ਰਾਹੀਂ ਲੁਧਿਆਣਾ ਪਹੁੰਚੇ।

24 ਘੰਟੇ ਵਿੱਚ ਦੋ ਉਡਾਣਾਂ:

ਏਅਰ ਇੰਡੀਆ ਵੱਲੋਂ ਹਲਵਾਰਾ ਤੋਂ ਦਿੱਲੀ ਲਈ ਰੋਜ਼ਾਨਾ ਦੋ ਉਡਾਣਾਂ ਚਲਾਈਆਂ ਜਾਣਗੀਆਂ। ਦਿੱਲੀ ਤੋਂ ਸਵੇਰੇ 5:55 ਵਜੇ ਚੱਲੀ ਪਹਿਲੀ ਫਲਾਈਟ 7:05 ਵਜੇ ਲੁਧਿਆਣਾ ਉਤਰੀ ਅਤੇ ਫਿਰ 7:55 ਵਜੇ ਵਾਪਸ ਦਿੱਲੀ ਲਈ ਰਵਾਨਾ ਹੋਈ। ਦੂਜੀ ਉਡਾਣ ਦੁਪਹਿਰ 12:55 ਵਜੇ ਦਿੱਲੀ ਤੋਂ ਚੱਲੇਗੀ ਅਤੇ 2:40 ਵਜੇ ਲੁਧਿਆਣਾ ਤੋਂ ਵਾਪਸੀ ਕਰੇਗੀ। ਦਿੱਲੀ ਪਹੁੰਚਣ ਲਈ ਸਿਰਫ਼ 1 ਘੰਟਾ 15 ਮਿੰਟ ਦਾ ਸਮਾਂ ਲੱਗੇਗਾ।

ਸਾਹਨੇਵਾਲ ਹਵਾਈ ਅੱਡਾ ਹੋਇਆ ਬੰਦ:

ਹਲਵਾਰਾ ਹਵਾਈ ਅੱਡੇ ਦੇ ਚਾਲੂ ਹੋਣ ਨਾਲ ਲੁਧਿਆਣਾ ਦਾ ਸਾਹਨੇਵਾਲ ਹਵਾਈ ਅੱਡਾ ਹੁਣ ਬੰਦ ਕਰ ਦਿੱਤਾ ਗਿਆ ਹੈ। ਏਅਰਪੋਰਟ ਅਥਾਰਟੀ ਆਫ਼ ਇੰਡੀਆ (AAI) ਅਤੇ ਏਅਰ ਇੰਡੀਆ ਨੇ ਆਪਣਾ ਸਾਰਾ ਸਟਾਫ ਹਲਵਾਰਾ ਵਿਖੇ ਤਬਦੀਲ ਕਰ ਦਿੱਤਾ ਹੈ। ਹਵਾਈ ਅੱਡੇ ਦੇ ਪ੍ਰਬੰਧਨ ਲਈ ‘ਲੁਧਿਆਣਾ ਇੰਟਰਨੈਸ਼ਨਲ ਏਅਰਪੋਰਟ ਲਿਮਟਿਡ’ (LIAL) ਕੰਪਨੀ ਬਣਾਈ ਗਈ ਹੈ।

ਕਿਰਾਇਆ ਅਤੇ ਸਹੂਲਤਾਂ:

ਹਲਵਾਰਾ ਤੋਂ ਦਿੱਲੀ ਦਾ ਇਕਾਨਮੀ ਕਲਾਸ ਦਾ ਕਿਰਾਇਆ ₹4,000 ਤੋਂ ₹5,000 ਦੇ ਵਿਚਕਾਰ ਰੱਖਿਆ ਗਿਆ ਹੈ। ਇਹ ਟੈਕਸੀ ਦੇ ਕਿਰਾਏ (₹5,000-₹6,000) ਦੇ ਮੁਕਾਬਲੇ ਕਿਫਾਇਤੀ ਹੈ। ਯਾਤਰੀਆਂ ਨੂੰ ਫਲਾਈਟ ਤੋਂ 90 ਮਿੰਟ ਪਹਿਲਾਂ ਪਹੁੰਚਣਾ ਲਾਜ਼ਮੀ ਹੋਵੇਗਾ। ਸਥਾਨਕ ਕਾਰੋਬਾਰੀਆਂ ਅਨੁਸਾਰ ਇਸ ਨਾਲ ਸਮੇਂ ਅਤੇ ਪੈਸੇ ਦੀ ਵੱਡੀ ਬੱਚਤ ਹੋਵੇਗੀ, ਕਿਉਂਕਿ ਸੜਕ ਮਾਰਗ ਰਾਹੀਂ ਦਿੱਲੀ ਜਾਣ ਲਈ 6 ਘੰਟੇ ਲੱਗਦੇ ਹਨ।

ਜ਼ਿਕਰਯੋਗ ਹੈ ਕਿ ਇਸ ਹਵਾਈ ਅੱਡੇ ਦਾ ਵਰਚੁਅਲ ਉਦਘਾਟਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 1 ਫਰਵਰੀ, 2026 ਨੂੰ ਜਲੰਧਰ ਤੋਂ ਕੀਤਾ ਸੀ। ਇਸ ਪ੍ਰੋਜੈਕਟ ਵਿੱਚ ਕੇਂਦਰ ਸਰਕਾਰ (AAI) ਦੀ 51% ਅਤੇ ਪੰਜਾਬ ਸਰਕਾਰ (GLADA) ਦੀ 49% ਹਿੱਸੇਦਾਰੀ ਹੈ।

ਫਲਾਈਟ ਸ਼ਡਿਊਲ (Schedule at a Glance)