ਤੇਜ਼ ਗਰਮੀ ਤੋਂ ਚਾਹੀਦਾ ਸੁਕੂਨ? ਚੰਡੀਗੜ੍ਹ ਦੇ ਨੇੜੇ ਸਥਿਤ ਇਨ੍ਹਾਂ 5 ਖੂਬਸੂਰਤ Waterfalls ਦੀ ਕਰੋ ਸੈਰ

Waterfalls near Chandigarh: ਮਈ ਮਹੀਨੇ ਦੀ ਇਸ ਭਿਆਨਕ ਗਰਮੀ ਅਤੇ ਸ਼ਹਿਰ ਦੀ ਭੀੜ-ਭੜੱਕੇ ਵਾਲੀ ਜ਼ਿੰਦਗੀ ਤੋਂ ਜੇਕਰ ਤੁਸੀਂ ਕੁਝ ਪਲ ਲਈ ਦੂਰ ਜਾਣਾ ਚਾਹੁੰਦੇ ਹੋ, ਤਾਂ ਕੁਦਰਤ ਦੀ ਗੋਦ ਵਿੱਚ ਸਮਾਂ ਬਿਤਾਉਣ ਨਾਲੋਂ ਬਿਹਤਰ ਕੋਈ ਹੋਰ ਵਿਕਲਪ ਨਹੀਂ ਹੋ ਸਕਦਾ। ਜੇਕਰ ਤੁਸੀਂ ਠੰਡੇ ਪਾਣੀ ਦੇ ਝਰਨਿਆਂ, ਹਰੇ-ਭਰੇ ਰਸਤਿਆਂ ਅਤੇ ਸ਼ਾਂਤ ਵਾਤਾਵਰਣ ਦੀ ਭਾਲ ਵਿੱਚ ਹੋ, ਤਾਂ ਚੰਡੀਗੜ੍ਹ ਅਤੇ ਇਸ ਦੇ ਆਸ-ਪਾਸ ਕਈ ਅਜਿਹੇ ਸ਼ਾਨਦਾਰ ਵਾਟਰਫਾਲ (Waterfalls) ਹਨ, ਜੋ ਤੁਹਾਡੇ ਮਨ ਅਤੇ ਤਨ ਨੂੰ ਤਾਜ਼ਗੀ ਨਾਲ ਭਰ ਦੇਣਗੇ।

ਖ਼ਾਸ ਗੱਲ ਇਹ ਹੈ ਕਿ ਇਨ੍ਹਾਂ ਵਿੱਚੋਂ ਕਈ ਖੂਬਸੂਰਤ ਥਾਵਾਂ ‘ਤੇ ਪਹੁੰਚਣ ਲਈ ਤੁਹਾਨੂੰ ਕਿਸੇ ਲੰਬੇ ਸਫ਼ਰ ‘ਤੇ ਜਾਣ ਦੀ ਲੋੜ ਨਹੀਂ ਹੈ, ਕਿਉਂਕਿ ਇਹ ਚੰਡੀਗੜ੍ਹ ਤੋਂ ਮਹਿਜ਼ 1 ਤੋਂ 2 ਘੰਟੇ ਦੀ ਦੂਰੀ ‘ਤੇ ਸਥਿਤ ਹਨ। ਤੁਸੀਂ ਆਪਣੇ ਪਰਿਵਾਰ, ਦੋਸਤਾਂ ਜਾਂ ਪਾਰਟਨਰ ਨਾਲ ਇੱਥੇ ਇੱਕ ਰੋਜ਼ਾ (One-day trip) ਜਾਂ ਵੀਕਐਂਡ ਟ੍ਰਿਪ ਦੀ ਯੋਜਨਾ ਬਣਾ ਸਕਦੇ ਹੋ। ਆਓ ਜਾਣਦੇ ਹਾਂ ਅਜਿਹੇ ਹੀ 5 ਚੋਣਵੇਂ ਵਾਟਰਫਾਲਸ ਬਾਰੇ:

ਜੰਗੇਸ਼ੂ ਵਾਟਰਫਾਲ (Jangeshu Waterfall)
ਜੰਗੇਸ਼ੂ ਵਾਟਰਫਾਲ ਇੱਕ ਖੂਬਸੂਰਤ ਝਰਨਾ ਹੈ ਜਿੱਥੇ ਜਾ ਕੇ ਤੁਹਾਨੂੰ ਇੱਕ ਵੱਖਰਾ ਹੀ ਸੁਕੂਨ ਮਿਲੇਗਾ। ਇਹ ਵਾਟਰਫਾਲ ਚੰਡੀਗੜ੍ਹ ਤੋਂ ਲਗਭਗ 50 ਕਿਲੋਮੀਟਰ ਦੂਰ ਸਥਿਤ ਹੈ। ਇੱਥੇ ਪਹੁੰਚਣ ਲਈ ਜ਼ਿਆਦਾ ਸਮਾਂ ਨਹੀਂ ਲੱਗਦਾ। ਤੁਸੀਂ ਇਸ ਸੁੰਦਰ ਜਗ੍ਹਾ ‘ਤੇ ਸਿਰਫ਼ 1 ਤੋਂ 1.30 ਘੰਟੇ ਵਿੱਚ ਪਹੁੰਚ ਸਕਦੇ ਹੋ। ਪੁਰਾਣੀ ਕਸੌਲੀ ਰੋਡ ‘ਤੇ ਸਥਿਤ, ਇਹ ਵਾਟਰਫਾਲ ਨਹਾਉਣ ਅਤੇ ਮਸਤੀ ਕਰਨ ਲਈ ਕਈ ਛੋਟੇ ਪੂਲ ਮਿਲ ਜਾਣਗੇ। ਗਰਮੀਆਂ ਦੌਰਾਨ ਇੱਥੇ ਠੰਡੇ ਪਾਣੀ ਵਿੱਚ ਭਿੱਜਣਾ ਸੱਚਮੁੱਚ ਵੱਖਰਾ ਐਕਸਪੀਅਰੰਸ ਦਿੰਦਾ ਹੈ।

ਰੀਵਾ ਵਾਟਰਫਾਲ (Riva Waterfall)
ਰੀਵਾ ਵਾਟਰਫਾਲ ਸੋਲਨ ਦੇ ਨੇੜੇ ਸਥਿਤ ਹੈ। ਇਹ ਚੰਡੀਗੜ੍ਹ ਤੋਂ 70 ਕਿਲੋਮੀਟਰ ਦੂਰ ਹੈ, ਅਤੇ ਇਸ ਤੱਕ ਪਹੁੰਚਣ ਵਿੱਚ 1.5 ਘੰਟਾ ਲੱਗਦਾ ਹੈ। ਰਸਤੇ ਇੰਨੇ ਸੁੰਦਰ ਹਨ ਕਿ ਇਹ ਤੁਹਾਡਾ ਦਿਲ ਜਿੱਤ ਲੈਣਗੇ। ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਇੱਥੇ ਪਹੁੰਚਣ ਲਈ, ਤੁਹਾਨੂੰ 200 ਤੋਂ 300 ਮੀਟਰ ਦੀ ਛੋਟੀ ਦੂਰੀ ‘ਤੇ ਪੈਦਲ ਚੱਲਣਾ ਪਵੇਗਾ, ਅਤੇ ਫਿਰ ਤੁਹਾਡੀਆਂ ਨਜਰਾਂ ਦੇ ਸਾਹਮਣੇ ਹੋਵੇਗਾ ਇੱਕ ਸ਼ਾਨਦਾਰ ਨਜਾਰਾ। ਇਹ ਵਾਟਰਫਾਲ ਇੰਨੀ ਤੇਜ਼ੀ ਨਾਲ ਡਿੱਗਦਾ ਹੈ ਕਿ ਹਰ ਬੂੰਦ ਦੇ ਛਿੱਟੇ ਤੁਹਾਡੇ ‘ਤੇ ਡਿੱਗਦੇ ਹੈ।

ਮੋਰਨੀ ਵਾਟਰਫਾਲ (Morni Waterfall)

ਮੋਰਨੀ ਵਾਟਰਫਾਲ ਇੱਕ ਛੋਟਾ ਜਿਹਾ ਝਰਨਾ ਹੈ, ਜੋ ਸਿਰਫ਼ ਬਰਸਾਤ ਦੇ ਮੌਸਮ ਵਿੱਚ ਹੀ ਦਿਖਾਈ ਦਿੰਦਾ ਹੈ। ਇਹ ਚੰਡੀਗੜ੍ਹ ਤੋਂ 40-45 ਕਿਲੋਮੀਟਰ ਦੂਰ ਹਰਿਆਣਾ ਦੇ ਮੋਰਨੀ ਹਿਲਸ ਦੇ ਨੇੜੇ ਸਥਿਤ ਹੈ। ਇੱਥੇ ਪਹੁੰਚਣ ਲਈ, ਤੁਹਾਨੂੰ ਪਹਿਲਾਂ ਮੋਰਨੀ ਹਿਲਸ ‘ਤੇ ਪਹੁੰਚਣਾ ਪਵੇਗਾ, ਜਿੱਥੋਂ ਤੁਸੀਂ ਮੋਰਨੀ ਵਾਟਰਫਾਲ ਦਾ ਦ੍ਰਿਸ਼ ਦੇਖ ਸਕਦੇ ਹੋ।

ਭਾਗ ਸੂਨਾਗ ਵਾਟਰਫਾਲ (Bhagsu Nag Waterfall)
ਭਾਗਸੁਨਾਗ ਵਾਟਰਫਾਲ ਚੰਡੀਗੜ੍ਹ ਤੋਂ 250 ਕਿਲੋਮੀਟਰ ਦੂਰ ਹੈ। ਇਹ ਧਰਮਸ਼ਾਲਾ, ਹਿਮਾਚਲ ਪ੍ਰਦੇਸ਼ ਵਿੱਚ ਸਥਿਤ ਹੈ। ਜੇਕਰ ਤੁਸੀਂ ਵੀਕਐਂਡ ਛੁੱਟੀਆਂ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਜਗ੍ਹਾ ਤੁਹਾਡੇ ਲਈ ਇੱਕ ਚੰਗਾ ਆਪਸ਼ਨ ਹੋ ਸਕਦੀ ਹੈ। ਇਹ ਸੁੰਦਰ ਵਾਟਰਫਾਲ ਲਗਭਗ 7,000 ਫੁੱਟ ਦੀ ਉਚਾਈ ‘ਤੇ ਸਥਿਤ ਹੈ। ਵਾਦੀਆਂ ਅਤੇ ਕੁਦਰਤ ਦੀ ਗੋਦ ਵਿੱਚ ਸਥਿਤ, ਇਹ ਵਾਟਰਫਾਲ ਇੱਕ ਵਿਲੱਖਣ ਦ੍ਰਿਸ਼ ਪੇਸ਼ ਕਰਦਾ ਹੈ।

ਜੋਗਿਨੀ ਵਾਟਰਫਾਲ (Jogini Waterfall)
ਚੰਡੀਗੜ੍ਹ ਤੋਂ 276 ਕਿਲੋਮੀਟਰ ਦੂਰ ਜੋਗਿਨੀ ਝਰਨਾ ਵੀਕਐਂਡ ਯਾਤਰਾ ਲਈ ਇੱਕ ਵਧੀਆ ਵਿਕਲਪ ਹੈ। ਹਿਮਾਚਲ ਪ੍ਰਦੇਸ਼ ਦੇ ਮਨਾਲੀ ਵਿੱਚ ਸਥਿਤ, ਇਹ ਝਰਨਾ ਆਪਣੀ ਸੁੰਦਰਤਾ ਲਈ ਜਾਣਿਆ ਜਾਂਦਾ ਹੈ। ਇਹ ਝਰਨਾ ਹਰੇ ਭਰੇ ਜੰਗਲਾਂ ਵਿੱਚੋਂ ਲੰਘਦਾ ਹੈ। ਸਭ ਤੋਂ ਮਹੱਤਵਪੂਰਨ, ਇੱਥੇ ਪਹੁੰਚਣ ਲਈ 2 ਕਿਲੋਮੀਟਰ ਦੇ ਦਿਲਚਸਪ ਟ੍ਰੈਕ ਤੋਂ ਲੰਘਣਾ ਪੈਂਦਾ ਹੈ, ਜੋ ਇੱਕ ਵਿਲੱਖਣ ਅਨੁਭਵ ਪ੍ਰਦਾਨ ਕਰਦਾ ਹੈ।