ਅਬੋਹਰ ਦੇ ਨਾਮੀ ਵਪਾਰੀ ‘ਤੇ ਕਰੋੜਾਂ ਰੁਪਏ ਲੈ ਕੇ ਫ਼ਰਾਰ ਹੋਣ ਦਾ ਇਲਜ਼ਾਮ, ਆੜ੍ਹਤੀਆ ਅਤੇ ਲੋਕਾਂ ਨੇ ਘਰ ਬਾਹਰ ਲਾਇਆ ਧਰਨਾ, ਪੁਲਿਸ ਬਲ ਤਾਇਨਾਤ
Abohar News: ਆੜ੍ਹਤੀਆਂ ਤੋਂ ਕਰੀਬ 100 ਕਰੋੜ ਰੁਪਏ ਲੈ ਕੇ ਰੱਫੂ-ਚੱਕਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਕਰਕੇ ਲੈਣਦਾਰਾਂ ਨੂੰ ਉਸ ਦੇ ਘਰ ਦੇ ਬਾਹਰ ਧਰਨਾ ਲੱਗਾ ਦਿੱਤਾ।
Alligations of Scam on firm MG Traders: ਅਬੋਹਰ ਦੀ ਫਰਮ ਐਮਜੀ ਟ੍ਰੇਡਰਸ ਦੇ ਮਾਲਕ ਜੈ ਪ੍ਰਕਾਸ਼ ਮਿੱਤਲ ਖਿਲਾਫ਼ ਲੋਕਾਂ ਦਾ ਗੁੱਸਾ ਫੁੱਟਿਆ ਹੈ। ਹਾਸਲ ਜਾਣਕਾਰੀ ਮੁਤਾਬਕ ਮਿੱਤਲ ਅਤੇ ਉਸ ਦੇ ਸਾਥੀਆਂ ‘ਤੇ ਲੋਕਾਂ ਅਤੇ ਆੜ੍ਹਤੀਆਂ ਤੋਂ ਕਰੀਬ 100 ਕਰੋੜ ਰੁਪਏ ਲੈ ਕੇ ਰੱਫੂ-ਚੱਕਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਕਰਕੇ ਲੈਣਦਾਰਾਂ ਨੂੰ ਉਸ ਦੇ ਘਰ ਦੇ ਬਾਹਰ ਧਰਨਾ ਲੱਗਾ ਦਿੱਤਾ।
ਪ੍ਰਦਰਸ਼ਨਕਾਰੀਆਂ ਨੇ ਦੱਸਿਆ ਕਿ ਅਬੋਹਰ ਦੀ ਫਰਮ ਐਮ ਜੀ ਟਰੇਡਰਸ ਦੇ ਮਾਲਕ ਜੈ ਪ੍ਰਕਾਸ਼ ਮਿੱਤਲ ਸਣੇ ਇਸ ਫਰਮ ਦੇ ਬਾਕੀ ਸਾਥੀ ਬੀਤੇ ਕੁਝ ਦਿਨਾਂ ਤੋਂ ਗਾਇਬ ਹਨ। ਪ੍ਰਦਰਸ਼ਨਕਾਰੀ ਆੜ੍ਹਤੀਆਂ ਦਾ ਇਲਜਾਮ ਹੈ ਕਿ ਉਕਤ ਫਰਮ ਉਨ੍ਹਾਂ ਦਾ ਕਰੀਬ 100 ਕਰੋੜ ਤੋਂ ਵੱਧ ਦੀ ਰਕਮ ਲੈਕੇ ਫਰਾਰ ਹੋਈ ਹੈ।
ਆੜ੍ਹਤੀਆਂ ਐਸੋਸੀਏਸ਼ਨ ਅਬੋਹਰ ਦੇ ਪ੍ਰਧਾਨ ਪਿਊਸ਼ ਨਾਗਪਾਲ ਨੇ ਦੱਸਿਆ ਕਿ ਉਨ੍ਹਾਂ ਦੇ ਆੜ੍ਹਤੀਆ ਭਰਾਵਾਂ ਨੇ ਉਕਤ ਫਰਮ ਨਾਲ ਵਿਸ਼ਵਾਸ ਕਰਕੇ ਫਸਲਾਂ ਸਣੇ ਪੈਸਿਆਂ ਦਾ ਲੈਣ ਦੇਣ ਕਰਦੇ ਆ ਰਹੇ ਸੀ। ਥੋੜ੍ਹੇ ਜਿਹੇ ਵਿਆਜ ਦੀ ਖਾਤਰ ਆੜ੍ਹਤੀਆ ਅਤੇ ਲੋਕਾਂ ਨੇ ਉਕਤ ਵਾਪਰੀਆਂ ਦਾ ਚੰਗਾ ਰਸੂਖ ਅਤੇ ਨਾਮ ਹੋਣੇ ਕਰਕੇ ਆਪਣਾ ਪੈਸਾ ਦਿੱਤਾ ਹੋਇਆ ਸੀ ਪਰ ਬੀਤੇ ਕੁਝ ਦਿਨਾਂ ਤੋਂ ਉਕਤ ਫਰਮ ਵਲੋਂ ਪੈਸਿਆਂ ਦੇ ਦੇਣ ਤੋਂ ਆਨਾ ਕਾਨੀ ਕਰ ਰਹੇ ਸੀ ਤੇ ਹੁਣ ਕੁਝ ਦਿਨਾਂ ਤੋਂ ਇਹ ਫਰਾਰ ਦੱਸੇ ਜਾ ਰਹੇ ਹਨ।
ਲੋਕਾਂ ਵਲੋਂ ਉਕਤ ਫਰਮ ਦੇ ਮਾਲਕਾਂ ਖ਼ਿਲਾਫ਼ ਠੱਗੀ ਦਾ ਮੁਕਦਮਾ ਦਰਜ ਕਰਨ ਲਈ ਸ਼ਿਕਾਇਤ ਪੱਤਰ ਵੀ ਦਿੱਤਾ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਪ੍ਰਸ਼ਾਸਨ ਨੇ ਕੋਈ ਕਾਰਵਾਈ ਨਾ ਕੀਤੀ ਤਾਂ ਵੱਡਾ ਸੰਘਰਸ਼ ਵਿੱਢਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਜੇਕਰ ਪੈਸੇ ਲੈਣਦਾਰਾਂ ਨੂੰ ਵਾਪਿਸ ਨਹੀਂ ਮਿਲਦੇ ਹਨ ਤਾਂ ਅਬੋਹਰ ਮੰਡੀ ਦਾ ਹਾਲ ਬੇਹੱਦ ਮਾੜਾ ਹੋ ਜਾਵੇਗਾ।
ਉਧਰ ਫਰਮ ਦੇ ਇੱਕ ਹਿੱਸੇਦਾਰ ਦੇ ਘਰ ਬਾਹਰ ਪੁਲਿਸ ਵਲੋਂ ਸ਼ਖਤ ਸੁਰੱਖਿਆ ਪ੍ਰਬੰਧ ਕੀਤੇ ਹੋਏ ਹਨ ਤਾਂ ਕਿ ਕੋਈ ਪ੍ਰਦਰਸ਼ਨਕਾਰੀ ਜਾਂ ਸ਼ਰਾਰਤੀ ਅਨਸਰ ਮਾਹੌਲ ਨੂੰ ਖਰਾਬ ਨਾ ਕਰ ਸਕੇ। ਇਸ ਮਾਮਲੇ ਬਾਰੇ ਅਬੋਹਰ ਥਾਣਾ ਸਿਟੀ ਦੇ ਮੁਖੀ ਮਨਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਆੜ੍ਹਤੀਆ ਐਸੋਸ਼ੀਏਸ਼ਨ ਵਲੋਂ ਇੱਕ ਸ਼ਿਕਾਇਤ ਦਿੱਤੀ ਗਈ ਜਿਸ ਵਿਚ ਕਰੀਬ 80-85 ਆੜ੍ਹਤੀਆ ਨੇ ਉਕਤ ਫਰਮ ਦੇ ਮਾਲਕਾਂ ਨੂੰ ਪੈਸਾ ਦਿੱਤਾ। ਫਰਮ ਦੇ ਮਾਲਕਾਂ ਵਲੋਂ ਉਨ੍ਹਾਂ ਦਾ ਪੈਸਾ ਲੈਕੇ ਫਰਾਰ ਹੋਣ ਦਾ ਵੀ ਜਿਕਰ ਕੀਤਾ ਗਿਆ ਹੈ।
ਪੁਲਿਸ ਨੂੰ ਮਿਲੀ ਸ਼ਿਕਾਇਤ ‘ਤੇ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਅਬੋਹਰ ਥਾਣਾ ਸਿਟੀ ਦੇ ਮੁਖੀ ਮਨਿੰਦਰ ਸਿੰਘ ਨੇ ਕਿਹਾ ਕਿ ਇਸ ਮਾਮਲੇ ਵਿਚ ਜੇਕਰ ਕੋਈ ਵੀ ਕਾਨੂੰਨ ਖਿਲਾਫ ਕਾਰਵਾਈ ਕਰਦਾ ਹੈ ਤਾਂ ਉਸਦੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।
