ਜੂਨ ‘ਚ ਕੁੱਲ 13 ਦਿਨ ਬੰਦ ਰਹਿਣਗੇ ਬੈਂਕ, ਜਾਣੋ ਬੈਂਕ ਕਦੋਂ ਤੇ ਕਿੱਥੇ ਹੋਣਗੀਆਂ ਬੈਂਕਾਂ ਦੀਆਂ ਛੁੱਟੀਆਂ

Bank Holidays in June: ਹਰ ਮਹੀਨੇ ਦੀ ਸ਼ੁਰੂਆਤ ਤੋਂ ਪਹਿਲਾਂ, ਭਾਰਤੀ ਰਿਜ਼ਰਵ ਬੈਂਕ ਦੁਆਰਾ ਬੈਂਕਾਂ ਦੀ ਛੁੱਟੀਆਂ ਦੀ ਸੂਚੀ ਜਾਰੀ ਕੀਤੀ ਜਾਂਦੀ ਹੈ। ਜਾਣੋ ਜੂਨ ਮਹੀਨੇ ਦੀ ਸ਼ੁਰੂਆਤ ਤੋਂ ਪਹਿਲਾਂ ਭਾਰਤ ਵਿੱਚ ਕਿੰਨੇ ਦਿਨ ਬੈਂਕ ਬੰਦ ਰਹਿਣਗੇ?

Bank Holidays in June 2025: ਜੂਨ ਦਾ ਮਹੀਨਾ ਕੁਝ ਹੀ ਦਿਨਾਂ ‘ਚ ਸ਼ੁਰੂ ਹੋ ਜਾਵੇਗਾ ਅਤੇ ਜੇਕਰ ਤੁਹਾਨੂੰ ਇਸ ਮਹੀਨੇ ਬੈਂਕ ਨਾਲ ਸਬੰਧਤ ਕੋਈ ਕੰਮ ਨਿਪਟਾਉਣਾ ਹੈ, ਤਾਂ ਪਹਿਲਾਂ ਤੋਂ ਹੀ ਜਾਣੋ ਕਿ ਤੁਹਾਡੇ ਸ਼ਹਿਰ ਵਿੱਚ ਬੈਂਕ ਕਦੋਂ ਅਤੇ ਕਿਉਂ ਬੰਦ ਰਹਿਣਗੇ। ਭਾਰਤੀ ਰਿਜ਼ਰਵ ਬੈਂਕ ਦੁਆਰਾ ਬੈਂਕ ਛੁੱਟੀਆਂ ਦੀ ਸੂਚੀ ਪਹਿਲਾਂ ਹੀ ਜਾਰੀ ਕੀਤੀ ਹੈ। ਆਰਬੀਆਈ ਮੁਤਾਬਕ, ਜੂਨ ਮਹੀਨੇ ਵਿੱਚ ਬੈਂਕ ਕੁੱਲ 13 ਦਿਨ ਬੰਦ ਰਹਿਣਗੇ।

ਜਾਣੋ ਜੂਨ ‘ਚ ਕਦੋਂ ਬੰਦ ਰਹਿਣਗੇ ਬੈਂਕ ?

• 1 ਜੂਨ, 2025 ਨੂੰ ਐਤਵਾਰ ਕਰਕੇ ਬੈਂਕਾਂ ਵਿੱਚ ਹਫਤਾਵਾਰੀ ਛੁੱਟੀ ਹੈ ਤੇ ਦੇਸ਼ ਭਰ ਦੇ ਸਾਰੇ ਬੈਂਕ ਬੰਦ ਰਹਿਣਗੇ।
• 6 ਜੂਨ, 2025 ਸ਼ੁੱਕਰਵਾਰ ਨੂੰ ਈਦ ਉਲ ਅਧਾ ਯਾਨੀ ਬਕਰੀਦ ਹੈ ਤੇ ਇਸ ਮੌਕੇ ਤਿਰੂਵਨੰਤਪੁਰਮ ਅਤੇ ਕੋਚੀ ਵਿੱਚ ਬੈਂਕ ਛੁੱਟੀ ਹੈ।
• 7 ਜੂਨ ਨੂੰ ਬਕਰੀਦ ਈਦ ਉਲ ਜ਼ੁਹਾ ਦੇ ਮੌਕੇ ‘ਤੇ, ਦੇਸ਼ ਦੇ ਕਈ ਸੂਬਿਆਂ ਵਿੱਚ ਅਗਰਤਲਾ, ਐਜ਼ਵਾਲ, ਬੇਲਾਪੁਰ, ਬੰਗਲੁਰੂ, ਆਂਧਰਾ ਪ੍ਰਦੇਸ਼, ਭੋਪਾਲ, ਹੈਦਰਾਬਾਦ, ਭੁਵਨੇਸ਼ਵਰ, ਤੇਲੰਗਾਨਾ, ਪਣਜੀ, ਪਟਨਾ, ਰਾਏਪੁਰ, ਇੰਫਾਲ, ਚੰਡੀਗੜ੍ਹ, ਜੈਪੁਰ, ਚੇਨਈ, ਜੰਮੂ, ਹੈਦਰਾਬਾਦ, ਕਾਨਪੁਰ, ਕੋਹਿਮਾ, ਕੋਲਕਾਤਾ, ਲਖਨਊ, ਦੇਹਰਾਦੂਨ, ਮੁੰਬਈ, ਨਾਗਪੁਰ, ਗੁਹਾਟੀ, ਨਵੀਂ ਦਿੱਲੀ, ਸ਼ਿਮਲਾ, ਸ਼੍ਰੀਨਗਰ, ਰਾਂਚੀ ਅਤੇ ਸ਼ਿਲਾਂਗ ਵਿੱਚ ਬੈਂਕ ਬੰਦ ਰਹਿਣਗੇ।
  8 ਜੂਨ ਨੂੰ ਐਤਵਾਰ, ਹਫਤਾਵਾਰੀ ਛੁੱਟੀ ਕਾਰਨ ਦੇਸ਼ ਦੇ ਸਾਰੇ ਬੈਂਕ ਬੰਦ ਰਹਿਣਗੇ।
• 10 ਜੂਨ, ਮੰਗਲਵਾਰ, ਪੰਜਾਬ ਵਿੱਚ ਸ਼੍ਰੀ ਗੁਰੂ ਅਰਜੁਨ ਦੇਵ ਜੀ ਦੇ ਸ਼ਹੀਦੀ ਦਿਵਸ ਮੌਕੇ ਬੈਂਕ ਬੰਦ ਰਹਿਣਗੇ।
• 11 ਜੂਨਬੁੱਧਵਾਰ ਨੂੰ ਸੰਤ ਗੁਰੂ ਕਬੀਰ ਜਯੰਤੀ ਮੌਕੇ ਗੰਗਟੋਕ ਅਤੇ ਸ਼ਿਮਲਾ ਵਿੱਚ ਬੈਂਕ ਬੰਦ ਰਹਿਣਗੇ।
• 14 ਜੂਨ ਮਹੀਨੇ ਦਾ ਦੂਜਾ ਸ਼ਨੀਵਾਰ ਹੋਵੇਗਾ ਅਤੇ ਇਸ ਮੌਕੇ ਦੇਸ਼ ਦੇ ਸਾਰੇ ਬੈਂਕ ਬੰਦ ਰਹਿਣਗੇ।
• 15 ਜੂਨ ਐਤਵਾਰ ਨੂੰ ਹਫਤਾਵਾਰੀ ਛੁੱਟੀ ਵਾਲੇ ਦਿਨ ਸਾਰੇ ਬੈਂਕ ਬੰਦ ਰਹਿਣਗੇ।
• 22 ਜੂਨ ਐਤਵਾਰਨੂੰ ਹਫਤਾਵਾਰੀ ਛੁੱਟੀ ਵਾਲੇ ਦਿਨ ਦੇਸ਼ ਦੇ ਸਾਰੇ ਬੈਂਕ ਬੰਦ ਰਹਿਣਗੇ।
• 27 ਜੂਨ ਸ਼ੁੱਕਰਵਾਰ ਨੂੰ ਰੱਥ ਯਾਤਰਾ/ਕੰਗ ਰੱਥ ਯਾਤਰਾ ਵਾਲੇ ਦਿਨ ਇੰਫਾਲ ਅਤੇ ਭੁਵਨੇਸ਼ਵਰ ਵਿੱਚ ਬੈਂਕ ਬੰਦ ਰਹਿਣਗੇ।
• 28 ਜੂਨ ਨੂੰ ਸ਼ਨੀਵਾਰ, ਮਹੀਨੇ ਦੇ ਚੌਥੇ ਸ਼ਨੀਵਾਰ ਵਾਲੇ ਦਿਨ ਸਾਰੇ ਬੈਂਕ ਬੰਦ ਰਹਿਣਗੇ।
• 29 ਜੂਨ ਨੂੰ ਐਤਵਾਰ, ਹਫਤਾਵਾਰੀ ਛੁੱਟੀ ਵਾਲੇ ਦਿਨ ਦੇਸ਼ ਦੇ ਸਾਰੇ ਬੈਂਕ ਬੰਦ ਰਹਿਣਗੇ।
• 30 ਜੂਨ ਨੂੰ ਸੋਮਵਾਰ, ਐਜ਼ਵਾਲ ਵਿੱਚ ਬੈਂਕ ਬੰਦ ਰਹਿਣਗੇ।