Breaking News; ਜੰਮੂ-ਕਸ਼ਮੀਰ ਏਅਰਪੋਰਟ ਤੇ ਰਾਕੇਟ ਦੁਆਰਾ ਹੋਇਆ ਹਮਲਾ
Jammu and Kashmir airport attacked:ਜੰਮੂ-ਕਸ਼ਮੀਰ ਤੋਂ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ ਕਿ ਜੰਮੂ-ਕਸ਼ਮੀਰ ਏਅਰਪੋਰਟ ਤੇ ਰਾਕੇਟ ਦੁਆਰਾ ਹਮਲਾ ਹੋਇਆ ਹੈ।
ਜਾਣਕਾਰੀ ਮੁਤਾਬਿਕ ਜੰਮੂ ਹਵਾਈ ਅੱਡੇ ਦੇ ਨੇੜੇ ਕਈ ਧਮਾਕਿਆਂ ਦੀ ਰਿਪੋਰਟ ਮਿਲਣ ਨਾਲ ਜੰਮੂ ਵਿੱਚ ਹਫੜਾ-ਦਫੜੀ ਮੱਚ ਗਈ, ਸ਼ਹਿਰ ਦੇ ਕਈ ਹਿੱਸਿਆਂ ਵਿੱਚ ਜ਼ੋਰਦਾਰ ਧਮਾਕੇ ਸੁਣਾਈ ਦਿੱਤੇ। ਚਸ਼ਮਦੀਦਾਂ ਨੇ ਜ਼ੋਰਦਾਰ ਧਮਾਕੇ ਸੁਣਨ ਦੀ ਪੁਸ਼ਟੀ ਕੀਤੀ, ਜਿਸ ਨਾਲ ਵਸਨੀਕਾਂ ਵਿੱਚ ਦਹਿਸ਼ਤ ਫੈਲ ਗਈ। ਜੰਮੂ ਅਤੇ ਕਸ਼ਮੀਰ ਦੇ ਅਖਨੂਰ ਵਿੱਚ ਸਾਇਰਨ ਸੁਣਾਈ ਦਿੱਤੇ ਗਏ।
ਪਾਕਿਸਤਾਨ ਨੇ ਭਾਰਤ ਤੇ F-15 ਜੈੱਟ ਨਾਲ ਹਮਲਾ ਕੀਤਾ ਹੈ। ਸੁਰੱਖਿਆ ਬਲਾਂ ਨੇ ਸਥਿਤੀ ‘ਤੇ ਤੁਰੰਤ ਕਾਰਵਾਈ ਕੀਤੀ, ਖੇਤਰ ਵਿੱਚ ਹਵਾਈ ਸਾਇਰਨ ਚਾਲੂ ਕਰ ਦਿੱਤੇ ਗਏ। ਅਧਿਕਾਰੀਆਂ ਨੇ ਅਜੇ ਤੱਕ ਹਮਲੇ ਦੀ ਪ੍ਰਕਿਰਤੀ ਦੀ ਪੁਸ਼ਟੀ ਨਹੀਂ ਕੀਤੀ ਹੈ, ਪਰ ਸ਼ੁਰੂਆਤੀ ਰਿਪੋਰਟਾਂ ਤੋਂ ਪਤਾ ਚੱਲਦਾ ਹੈ ਕਿ ਆਮ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੋ ਸਕਦਾ ਹੈ।
ਸੂਤਰਾਂ ਮੁਤਾਬਿਕ ਜੰਮੂ -ਕਸ਼ਮੀਰ ‘ਚ ਪਾਕਿਸਤਾਨ ਵੱਲੋਂ ਕਰੀਬ ਅੱਠ ਰਾਕੇਟ ਨਾਲ ਹਮਲਾ ਕੀਤਾ ਗਇਆ ਹੈ। ਇਹ ਹਮਲਾ ਪਠਾਨਕੋਟ ਏਅਰਬੇਸ ਕੋਲ ਕੀਤਾ ਗਿਆ,ਹਮਲੇ ‘ਚ ਪਠਾਨਕੋਟ ਏਅਰਬੇਸ ਪੂਰੀ ਤਰਾਂ ਸੁਰੱਖਿਅਤ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਇਸ ਹਮਲੇ ਦੇ ਮੱਦੇਨਜ਼ਰ ਰਾਜਸਥਾਨ ਸਮੇਤ ਪੰਜਾਬ ਦੇ ਪਠਾਨਕੋਟ ,ਹੁਸ਼ਿਆਰਪੁਰ ,ਗੁਰਦਾਸਪੁਰ ,ਜਲੰਧਰ ,ਮੋਹਾਲੀ ਅਤੇ ਅਮ੍ਰਿਤਸਰ ਨੂੰ ਪੂਰੀ ਤਰਾਂ ਬਲੈਕਆਊਟ ਕਰ ਦਿੱਤਾ ਗਇਆ ਹੈ।
