ਭਾਰਤ-ਪਾਕਿਸਤਾਨ ਮੈਚ ‘ਤੇ ਬੋਲੇ CM ਮਾਨ, ‘ਭੁੱਲ ਜਾਂਦੇ ਪਹਿਲਗਾਮ ਤੇ ਪੁਲਵਾਮਾ ਹਮਲੇ’, Diljit Dosanjh ਬਾਰੇ ਕਿਹਾ….
India-Pakistan Cricket Match: ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਹੁੰਦਾ ਹੈ, ਤਾਂ ਪਹਿਲਗਾਮ ਅਤੇ ਪੁਲਵਾਮਾ ਦੀਆਂ ਘਟਨਾਵਾਂ ਨੂੰ ਭੁੱਲ ਜਾਂਦੇ ਹਨ।
CM Mann on India-Pakistan Match: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਭਾਰਤ-ਪਾਕਿਸਤਾਨ ਕ੍ਰਿਕਟ ਮੈਚ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਹਰ ਵਾਰ ਜਦੋਂ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਹੁੰਦਾ ਹੈ, ਤਾਂ ਪਹਿਲਗਾਮ ਅਤੇ ਪੁਲਵਾਮਾ ਦੀਆਂ ਘਟਨਾਵਾਂ ਨੂੰ ਭੁੱਲ ਜਾਂਦੇ ਹਨ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਭਾਰਤ-ਪਾਕਿਸਤਾਨ ਵਿਚਕਾਰ ਹੋਣ ਵਾਲੇ ਕ੍ਰਿਕਟ ਮੈਚ ਦਾ ਵਿਰੋਧ ਕੀਤਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਕ੍ਰਿਕਟ ਮੈਚਾਂ ਦਾ ਨਾਮ ਸੁਣਦਿਆਂ ਹੀ ਉਹ ਪਹਿਲਗਾਮ ਅਤੇ ਪੁਲਵਾਮਾ ਵਰਗੇ ਹਮਲਿਆਂ ਨੁੰ ਭੁੱਲ ਜਾਂਦੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਆਈਸੀਸੀ ਦੀ ਪ੍ਰਧਾਨ ਜੈ ਸ਼ਾਹ ‘ਤੇ ਵੀ ਨਿਸ਼ਾਨਾ ਸਾਧਿਆ।
ਐਤਵਾਰ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਏਸ਼ੀਆ ਕੱਪ ਕ੍ਰਿਕਟ ਮੈਚ ‘ਤੇ, ਮਾਨ ਨੇ ਭਾਜਪਾ ਦੀ ਅਗਵਾਈ ਵਾਲੇ ਕੇਂਦਰ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ, “ਦਿਲਜੀਤ ਦੋਸਾਂਝ ਨੂੰ ਉਦੋਂ ਗੱਦਾਰ ਕਰਾਰ ਦਿੱਤਾ ਗਿਆ ਸੀ ਜਦੋਂ ਉਸਦੀ ਇੱਕ ਪਾਕਿਸਤਾਨੀ ਅਦਾਕਾਰ ਨਾਲ ਫਿਲਮ ਰਿਲੀਜ਼ ਹੋਣ ਵਾਲੀ ਸੀ। ਹੁਣ, ਇਹ ਮੈਚ ਇਸ ਲਈ ਖੇਡਿਆ ਜਾ ਰਿਹਾ ਹੈ ਕਿਉਂਕਿ “ਬੜੇ ਸਾਹਿਬ ਦਾ ਬੇਟਾ ਆਈਸੀਸੀ ਦਾ ਪ੍ਰਧਾਨ ਹੈ (ਕਿਉਂਕਿ ਵੱਡੇ ਬੌਸ ਦਾ ਪੁੱਤਰ ਆਈਸੀਸੀ ਪ੍ਰਧਾਨ ਹੈ)”, ਉਨ੍ਹਾਂ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਨਾਮ ਲਏ ਬਿਨਾਂ ਕਿਹਾ, ਜਿਨ੍ਹਾਂ ਦੇ ਪੁੱਤਰ ਜੈ ਸ਼ਾਹ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ ਦੇ ਚੇਅਰਮੈਨ ਹਨ।
ਉਹ ਪਹਿਲਗਾਮ ਅਤੇ ਪੁਲਵਾਮਾ ਨੂੰ ਭੁੱਲ ਜਾਂਦੇ
ਉਨ੍ਹਾਂ ਅੱਗੇ ਕਿਹਾ, “ਇਸ ਸਥਿਤੀ ਵਿੱਚ, ਉਹ ਪਹਿਲਗਾਮ ਅਤੇ ਪੁਲਵਾਮਾ ਨੂੰ ਭੁੱਲ ਜਾਂਦੇ ਹਨ। ਕੀ ਅਹਿਮਦਾਬਾਦ ਮੈਚ ਨਹੀਂ ਕਰਵਾਇਆ ਗਿਆ ਸੀ? ਦੋ ਟੀਮਾਂ ਇੱਕ ਮੈਚ ਖੇਡਦੀਆਂ ਹਨ; ਮੈਚ ਉਨ੍ਹਾਂ (ਪਾਕਿਸਤਾਨ) ਨਾਲ ਹੈ। ਉਨ੍ਹਾਂ ਨੂੰ ਇਹ ਸਪੱਸ਼ਟ ਕਰਨਾ ਚਾਹੀਦਾ ਹੈ ਕਿ ਖੇਡਾਂ ਅਤੇ ਸੱਭਿਆਚਾਰ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਤੋਂ ਵੱਖਰਾ ਹੋਵੇਗਾ… ਇਹ ਸਾਡੇ ਨਾਲ ਮਜ਼ਾਕ ਹੈ। ਅਸੀਂ ਪਾਕਿਸਤਾਨ ਨਾਲ ਇੱਕ ਸੱਭਿਆਚਾਰ ਸਾਂਝਾ ਕਰਦੇ ਹਾਂ।”
CM ਮਾਨ ਨੇ ਕੀਤਾ ਦਿਲਜੀਤ ਦੋਸਾਂਝ ਦਾ ਵੀ ਜ਼ਿਕਰ
ਨਾਲ ਹੀ ਭਗਵੰਤ ਮਾਨ ਨੇ ਕਿਹਾ ਕਿ ਕ੍ਰਿਕੇਟ ਸਮੇਂ ਇਹ ਪਹਿਲਗਾਮ ਅਤੇ ਪੁਲਵਾਮਾ ਭੁੱਲ ਜਾਂਦੇ ਹਨ। ਇਸੇ ਦੌਰਾਨ ਉਨ੍ਹਾਂ ਦਿਲਜੀਤ ਦੋਸਾਂਝ ਦਾ ਵੀ ਜ਼ਿਕਰ ਕੀਤਾ। ਅਤੇ ਕਿਹਾ ਕਿ ਦੋਸਾਂਝ ਦੀ ਫਿਲਮ ਤਾਂ ਉਨ੍ਹਾਂ ਲੋਕਾਂ ਨੇ ਰੋਕ ਦਿੱਤੀ ਸੀ, ਕੀ ਹੁਣ ਭਾਰਤ-ਪਾਕਿ ਕ੍ਰਿਕਟ ਬਾਰੇ ਬੋਲਣਗੇ? ਦਿਲਜੀਤ ਦੀ ਫਿਲਮ ਨੂੰ ਰੋਕਿਆ ਗਿਆ ਅਤੇ ਸਿੰਗਰ ਐਕਟਰ ਨੂੰ ਗੱਦਾਰ ਤੱਕ ਕਹਿ ਦਿੱਤਾ ਗਿਆ।
ਦੱਸ ਦਈਏ ਕਿ ਪੰਜਾਬੀ ਸਿੰਗਰ ਅਤੇ ਐਕਟਰ ਦਿਲਜੀਤ ਦੋਸਾਂਝ ਦੀ ਹਾਲ ਹੀ ‘ਚ ਰਿਲੀਜ਼ ਹੋਈ ਫਿਲਮ ਸਰਦਾਰਜੀ 4 ਨੂੰ ਭਾਰਤ ‘ਚ ਇਸ ਲਈ ਬੈਨ ਕੀਤਾ ਗਿਆ ਸੀ ਕਿਉਂਕਿ ਉਸ ‘ਚ ਲੀਡ ਰੋਲ ‘ਚ ਹਾਨੀਆ ਆਮੀਰ ਸੀ, ਜੋ ਪਾਕਿਸਤਾਨੀ ਅਦਾਕਾਰਾ ਹੈ। ਅਤੇ ਦਿਲਜੀਤ ਦੀ ਰਿਲੀਜ਼ ਤੋਂ ਪਹਿਲਾਂ ਭਰਾਤ ਦੇ ਕਸ਼ਮੀਰ ‘ਚ ਅੱਤਵਾਦੀਆਂ ਨੇ ਪਹਿਲਗਾਮ ‘ਚ ਨਿਰਦੋਸ਼ ਭਾਰਤੀਆਂ ਨੂੰ ਉਨ੍ਹਾਂ ਦਾ ਧਰਮ ਪੁੱਛ-ਪੁੱਛ ਕੇ ਮਾਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਦੋਵਾਂ ਦੇਸ਼ਾਂ ‘ਚ ਕਾਫੀ ਤਣਾਅ ਬਣਿਆ ਹੋਇਆ ਹੈ।
