Gautam Gambhir Fight:ਇੰਗਲੈਂਡ ਵਿੱਚ ਗੌਤਮ ਗੰਭੀਰ ਦਾ ਹੋਇਆ ਝਗੜਾ, ਮਚ ਗਈ ਹਫੜਾ-ਦਫੜੀ
Gautam Gambhir Fight: ਟੀਮ ਇੰਡੀਆ ਦੇ ਮੁੱਖ ਕੋਚ ਗੌਤਮ ਗੰਭੀਰ 5ਵੇਂ ਟੈਸਟ ਤੋਂ ਪਹਿਲਾਂ ਝਗੜਾ ਕਰ ਬੈਠੇ। ਗੰਭੀਰ ਦੀ ਓਵਲ ਦੇ ਗਰਾਊਂਡ ਸਟਾਫ ਨਾਲ ਝਗੜਾ ਹੋ ਗਿਆ। ਰਿਪੋਰਟ ਦੇ ਅਨੁਸਾਰ, ਦੋਵਾਂ ਵਿਚਕਾਰ ਮਾਮਲਾ ਇੰਨਾ ਵੱਧ ਗਿਆ ਕਿ ਇਸ ਤੋਂ ਬਾਅਦ ਵਿਚੋਲਗੀ ਦੀ ਲੋੜ ਪਈ। ਟੀਮ ਇੰਡੀਆ 28 ਜੁਲਾਈ ਨੂੰ ਮੈਨਚੈਸਟਰ ਤੋਂ ਲੰਡਨ ਪਹੁੰਚੀ, ਜਿੱਥੇ ਮੰਗਲਵਾਰ ਯਾਨੀ 29 ਜੁਲਾਈ ਨੂੰ ਇਸਦਾ ਪਹਿਲਾ ਅਭਿਆਸ ਸੈਸ਼ਨ ਸੀ। ਪਰ ਕਿਹਾ ਜਾ ਰਿਹਾ ਹੈ ਕਿ ਟੀਮ ਇੰਡੀਆ ਦੇ ਮੁੱਖ ਕੋਚ ਅਭਿਆਸ ਸਹੂਲਤਾਂ ਤੋਂ ਖੁਸ਼ ਨਹੀਂ ਸਨ।
ਗੌਤਮ ਗੰਭੀਰ ਇੰਗਲੈਂਡ ਵਿੱਚ ਝਗੜਾ ਕਰ ਬੈਠਾ
ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਟੈਸਟ ਸੀਰੀਜ਼ ਦਾ ਆਖਰੀ ਮੈਚ ਲੰਡਨ ਦੇ ਕੇਨਿੰਗਟਨ ਓਵਲ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਪਰ ਇਸ ਮੈਚ ਤੋਂ ਪਹਿਲਾਂ, ਇੱਕ ਹੰਗਾਮੇ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਗੌਤਮ ਗੰਭੀਰ ਅਤੇ ਓਵਲ ਦੇ ਗਰਾਊਂਡ ਸਟਾਫ ਵਿਚਕਾਰ ਹੋਈ ਲੜਾਈ ਨੇ ਇਸ ਸੀਰੀਜ਼ ਦੇ ਮਾਹੌਲ ਨੂੰ ਹੋਰ ਗਰਮ ਕਰ ਦਿੱਤਾ ਹੈ। ਦਰਅਸਲ, ਗੰਭੀਰ ਕਥਿਤ ਤੌਰ ‘ਤੇ ਮਹਿਮਾਨ ਟੀਮ ਨੂੰ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾਂ ਤੋਂ ਨਾਖੁਸ਼ ਸਨ। ਜਿਸ ਤੋਂ ਬਾਅਦ ਉਸਨੇ ਗਰਾਊਂਡ ਸਟਾਫ ਨਾਲ ਗੱਲ ਕੀਤੀ। ਪਰ ਗੱਲਬਾਤ ਇੱਕ ਵੱਡੇ ਵਿਵਾਦ ਵਿੱਚ ਬਦਲ ਗਈ। ਗੰਭੀਰ ਨੂੰ ਵਾਰ-ਵਾਰ ਗਰਾਊਂਡ ਸਟਾਫ ਵੱਲ ਉਂਗਲਾਂ ਉਠਾਉਂਦੇ ਅਤੇ ਚੀਕਦੇ ਦੇਖਿਆ ਗਿਆ।
ਰਿਪੋਰਟਾਂ ਅਨੁਸਾਰ, ਬਹਿਸ ਦੌਰਾਨ, ਓਵਲ ਦੇ ਗਰਾਊਂਡ ਸਟਾਫ ਨੇ ਗੌਤਮ ਗੰਭੀਰ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਉਣ ਦੀ ਧਮਕੀ ਦਿੱਤੀ। ਜਿਸ ਤੋਂ ਬਾਅਦ ਗੰਭੀਰ ਹੋਰ ਗੁੱਸੇ ਵਿੱਚ ਆ ਗਿਆ, ਉਨ੍ਹਾਂ ਨੇ ਉੱਚੀ ਅਵਾਜ਼ ‘ਚ ਜਵਾਬ ਦਿੱਤਾ, ‘ਤੁਸੀਂ ਜਾ ਕੇ ਜਿਸ ਨੂੰ ਚਾਹੋ ਰਿਪੋਰਟ ਕਰ ਸਕਦੇ ਹੋ, ਪਰ ਤੁਸੀਂ ਸਾਨੂੰ ਨਹੀਂ ਦੱਸ ਸਕਦੇ ਕਿ ਕੀ ਕਰਨਾ ਹੈ।’ ਜਿਸ ਤੋਂ ਬਾਅਦ ਸਥਿਤੀ ਤਣਾਅਪੂਰਨ ਹੋ ਗਈ ਅਤੇ ਬੱਲੇਬਾਜ਼ੀ ਕੋਚ ਸੀਤਾਂਸ਼ੂ ਕੋਟਕ ਅਤੇ ਬਾਕੀ ਭਾਰਤੀ ਸਪੋਰਟ ਸਟਾਫ ਨੂੰ ਦੋਵਾਂ ਨੂੰ ਵੱਖ ਕਰਨਾ ਪਿਆ।
