Heart Transplant: ਹੈਦਰਾਬਾਦ ਮੈਟਰੋ ਨੇ ਜੀਵਨ ਬਚਾਉਣ ਦੇ ਮਿਸ਼ਨ ‘ਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਗ੍ਰੀਨ ਕੋਰੀਡੋਰ ਨੇ 13 ਕਿਲੋਮੀਟਰ ਦੀ ਦੂਰੀ ਸਿਰਫ਼ 13 ਮਿੰਟਾਂ ‘ਚ ਤੈਅ ਕੀਤੀ ਤੇ ‘ਦਿਲ’ ਨੂੰ ਇੱਕ ਹਸਪਤਾਲ ਤੋਂ ਦੂਜੇ ਹਸਪਤਾਲ ਤੱਕ ਪਹੁੰਚਾਇਆ।
Hyderabad Metro Green Corridor: ਲੋਕਾਂ ਦੀ ਜੀਵਨ ਰੇਖਾ ਕਹੀ ਜਾਣ ਵਾਲੀ ਹੈਦਰਾਬਾਦ ਮੈਟਰੋ ਨੂੰ ਇੱਕ ਵੱਡੀ ਸਫਲਤਾ ਮਿਲੀ ਹੈ। ਮੈਟਰੋ ਨਾ ਸਿਰਫ਼ ਯਾਤਰੀਆਂ ਨੂੰ ਇੱਕ ਥਾਂ ਤੋਂ ਦੂਜੀ ਥਾਂ ਲਿਜਾਂਦੀ ਹੈ, ਸਗੋਂ ਸਿਹਤ ਖੇਤਰ ‘ਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਹੈਦਰਾਬਾਦ ਮੈਟਰੋ ਨੇ 13 ਕਿਲੋਮੀਟਰ ਦੀ ਦੂਰੀ ਸਿਰਫ਼ 13 ਮਿੰਟਾਂ ਵਿੱਚ ਤੈਅ ਕੀਤੀ ਤੇ ਦਿਲ ਟ੍ਰਾਂਸਪਲਾਂਟ ਲਈ ਦਿਲ ਪਹੁੰਚਾਇਆ। ਇਸ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ।
ਹੈਦਰਾਬਾਦ ਮੈਟਰੋ ਦਿਲ ਟ੍ਰਾਂਸਪਲਾਂਟ ਲਈ ਗ੍ਰੀਨ ਕੋਰੀਡੋਰ ਪ੍ਰਦਾਨ ਕਰਦਾ ਹੈ। ਇਸ ਕੋਰੀਡੋਰ ਨੇ ਐਲਬੀ ਨਗਰ ਦੇ ਕਾਮੀਨੇਨੀ ਹਸਪਤਾਲ ਤੋਂ ਲਕੜੀ ਪੁਲ ਖੇਤਰ ਦੇ ਗਲੇਨੀਗਲਜ਼ ਗਲੋਬਲ ਹਸਪਤਾਲ ਤੱਕ ਤੇਜ਼ ਰਫ਼ਤਾਰ ਨਾਲ ਦਾਨੀ ਦਿਲਾਂ ਨੂੰ ਪਹੁੰਚਾਇਆ। ਮੈਟਰੋ ਨੇ 13 ਕਿਲੋਮੀਟਰ ਦੀ ਦੂਰੀ 13 ਮਿੰਟਾਂ ‘ਚ 13 ਸਟੇਸ਼ਨਾਂ ਚੋਂ ਲੰਘਦਿਆਂ ਤੈਅ ਕੀਤੀ, ਜਿਸ ਨਾਲ ਇਸ ਜੀਵਨ-ਰੱਖਿਅਕ ਮਿਸ਼ਨ ਵਿੱਚ ਮਹੱਤਵਪੂਰਨ ਸਮਾਂ ਬਚਿਆ।
‘ਦਿਲ’ ਨੂੰ ਮੈਡੀਕਲ ਬਾਕਸ ‘ਚ ਰੱਖ ਕੇ ਕੀਤਾ ਗਿਆ ਸੀ ਡਿਲੀਵਰ
ਇਹ 17 ਜਨਵਰੀ ਦੀ ਰਾਤ 9.30 ਵਜੇ ਦੀ ਘਟਨਾ ਹੈ। ਕਾਮੀਨੇਨੀ ਹਸਪਤਾਲ ਦੀ ਟੀਮ ਨੇ ਦਾਨੀ ਦਿਲ ਨੂੰ ਇੱਕ ਮੈਡੀਕਲ ਬਾਕਸ ‘ਚ ਰੱਖਿਆ ਤੇ ਇਸਨੂੰ ਮੈਟਰੋ ਰਾਹੀਂ ਗਲੇਨੀਗਲਜ਼ ਗਲੋਬਲ ਹਸਪਤਾਲ ਪਹੁੰਚਾਇਆ, ਜਿੱਥੇ ਦਿਲ ਦਾ ਟ੍ਰਾਂਸਪਲਾਂਟ ਹੋਣਾ ਸੀ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਵੀਡੀਓ ਵਿੱਚ, ਹਸਪਤਾਲ ਦੇ ਡਾਕਟਰ ਅਤੇ ਸਟਾਫ ਮੈਟਰੋ ਵਿੱਚ ਯਾਤਰਾ ਕਰਦੇ ਦਿਖਾਈ ਦੇ ਰਹੇ ਹਨ।
ਇੱਥੇ ਵੇਖੋ ਵੀਡੀਓ:
