ਕ੍ਰਿਕਟਰ ਰਿਸ਼ਭ ਪੰਤ ਦੀ ਜਾਨ ਬਚਾਉਣ ਵਾਲੇ ਵਿਅਕਤੀ ਨੇ ਨਿਗਲਿਆ ਜ਼ਹਿਰ, ਦੋਵਾਂ ਚੋਂ ਇੱਕ ਦੀ ਮੌਤ
Muzaffarnagar News: ਦੋ ਸਾਲ ਪਹਿਲਾਂ ਮਰਸੀਡੀਜ਼ ਕਾਰ ਹਾਦਸੇ ‘ਚ ਜ਼ਖ਼ਮੀ ਹੋਏ ਮਸ਼ਹੂਰ ਭਾਰਤੀ ਕ੍ਰਿਕਟਰ ਦੀ ਜਾਨ ਬਚਾਉਣ ਵਾਲੇ ਨੌਜਵਾਨ ਨੇ ਪ੍ਰੇਮ ਸਬੰਧਾਂ ਕਾਰਨ ਆਪਣੀ ਪ੍ਰੇਮਿਕਾ ਨਾਲ ਮਿਲ ਕੇ ਜ਼ਹਿਰ ਖਾ ਲਿਆ।
Man Who Saved Cricketer Pant’s Life: ਮਸ਼ਹੂਰ ਭਾਰਤੀ ਕ੍ਰਿਕਟਰ ਰਿਸ਼ਭ ਪੰਤ ਦਾ 30 ਦਸੰਬਰ 2022 ਨੂੰ ਹਾਦਸਾ ਹੋਇਆ ਸੀ। ਉਸ ਸਮੇਂ ਰਜਤ ਨਾਂ ਦੇ ਨੌਜਵਾਨ ਨੇ ਰਿਸ਼ਭ ਪੰਤ ਦੀ ਜਾਨ ਬਚਾਈ ਸੀ। ਪਰ ਹੁਣ ਉਸੇ ਰਜਤ ਨੇ ਆਪਣੀ ਪ੍ਰੇਮਿਕਾ ਨਾਲ ਮਿਲ ਕੇ ਜ਼ਹਿਰ ਖਾ ਲਿਆ। ਜ਼ਹਿਰ ਖਾਣ ਕਾਰਨ ਪ੍ਰੇਮਿਕਾ ਦੀ ਮੌਤ ਹੋ ਗਈ। ਜਦਕਿ ਰਜਤ ਆਪਣੀ ਜ਼ਿੰਦਗੀ ਦੀ ਲੜਾਈ ਲੜ ਰਿਹਾ ਹੈ।
ਰਜਤ ਮੁਜ਼ੱਫਰਨਗਰ ਦੇ ਸ਼ਕਰਪੁਰ ਸਥਿਤ ਮਾਜਰਾ ਬੁੱਚਾ ਬਸਤੀ ਦਾ ਰਹਿਣ ਵਾਲਾ ਹੈ। ਲੜਕੀ ਦੇ ਪਰਿਵਾਰਕ ਮੈਂਬਰਾਂ ਦਾ ਦੋਸ਼ ਹੈ ਕਿ ਦੋ ਦਿਨ ਪਹਿਲਾਂ ਰਜਤ ਉਨ੍ਹਾਂ ਦੀ ਲੜਕੀ ਨੂੰ ਵਰਗਲਾ ਕੇ ਆਪਣੇ ਨਾਲ ਲੈ ਗਿਆ। ਫਿਰ ਉਸ ਨੂੰ ਜ਼ਹਿਰੀਲਾ ਪਦਾਰਥ ਖੁਆ ਦਿੱਤਾ ਗਿਆ। ਲੜਕੀ ਦੀ ਮਾਂ ਕਮਲੇਸ਼ ਨੇ ਰਜਤ ਅਤੇ ਹੋਰਾਂ ਖਿਲਾਫ ਥਾਣੇ ‘ਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਪਰ ਫਿਲਹਾਲ ਰਜਤ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਹੋਸ਼ ‘ਚ ਆਉਣ ਤੋਂ ਬਾਅਦ ਪੁਲਿਸ ਉਸ ਦੇ ਬਿਆਨ ਦਰਜ ਕਰੇਗੀ।
ਪੰਜ ਸਾਲਾਂ ਤੋਂ ਚੱਲ ਰਿਹਾ ਸੀ ਅਫੇਅਰ
ਜਾਣਕਾਰੀ ਮੁਤਾਬਕ ਰਿਸ਼ਭ ਪੰਤ ਦੀ ਜਾਨ ਬਚਾਉਣ ਵਾਲੇ ਰਜਤ ਦੇ ਪਿਛਲੇ ਪੰਜ ਸਾਲਾਂ ਤੋਂ 21 ਸਾਲਾਂ ਲੜਕੀ ਨਾਲ ਪ੍ਰੇਮ ਸਬੰਧ ਚੱਲ ਰਹੇ ਸੀ। ਪਰਿਵਾਰ ਨੂੰ ਇਹ ਰਿਸ਼ਤਾ ਮਨਜ਼ੂਰ ਨਹੀਂ ਸੀ। ਦੋਵਾਂ ਦੇ ਪਰਿਵਾਰ ਵਾਲਿਆਂ ਨੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ ਤੋਂ ਦੁਖੀ ਹੋ ਕੇ ਪ੍ਰੇਮੀ ਜੋੜੇ ਨੇ 9 ਫਰਵਰੀ ਦੀ ਸ਼ਾਮ ਨੂੰ ਇੱਕ ਖੇਤ ਵਿੱਚ ਜ਼ਹਿਰ ਖਾ ਲਿਆ ਸੀ।
ਪੰਤ ਨੇ ਗਿਫਟ ਕੀਤੀ ਸੀ ਇੱਕ ਸਕੂਟੀ
ਰਜਤ 30 ਦਸੰਬਰ 2022 ਨੂੰ ਕ੍ਰਿਕਟਰ ਰਿਸ਼ਭ ਪੰਤ ਕੋਲ ਦੂਤ ਬਣ ਕੇ ਆਇਆ ਸੀ, ਜਦੋਂ ਉਸਦੀ ਮਰਸੀਡੀਜ਼ ਕਾਰ ਡਿਵਾਈਡਰ ਨਾਲ ਟਕਰਾ ਗਈ ਸੀ। ਰਿਸ਼ਭ ਕਾਰ ਰਾਹੀਂ ਰੁੜਕੀ ਜਾ ਰਿਹਾ ਸੀ। ਫਿਰ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਰਜਤ ਫਿਰ ਰਿਸ਼ਭ ਨੂੰ ਹਸਪਤਾਲ ਲੈ ਗਿਆ। ਹਾਦਸੇ ‘ਚ ਜ਼ਖਮੀ ਹੋਏ ਰਿਸ਼ਭ ਪੰਤ ਠੀਕ ਹੋ ਗਏ ਅਤੇ ਕਈ ਮਹੀਨਿਆਂ ਦੇ ਇਲਾਜ ਤੋਂ ਬਾਅਦ ਕ੍ਰਿਕਟ ਦੇ ਮੈਦਾਨ ‘ਚ ਪਰਤੇ।
ਇਸ ਦੌਰਾਨ ਰਿਸ਼ਭ ਪੰਤ ਨੇ ਰਜਤ ਅਤੇ ਇਕ ਹੋਰ ਸਹਾਇਕ ਨੂੰ ਸਕੂਟੀ ਦੇ ਕੇ ਉਨ੍ਹਾਂ ਦੀ ਜਾਨ ਬਚਾਉਣ ਲਈ ਧੰਨਵਾਦ ਕੀਤਾ। ਰਿਸ਼ਭ ਪੰਤ ਤੋਂ ਸਕੂਟੀ ਗਿਫਟ ਮਿਲਣ ਤੋਂ ਬਾਅਦ ਰਜਤ ਕਾਫੀ ਸੁਰਖੀਆਂ ‘ਚ ਆਏ ਸਨ। ਕਿਸੇ ਨੂੰ ਪਤਾ ਨਹੀਂ ਸੀ ਕਿ ਰਜਤ ਨੇ ਇੰਨਾ ਭਿਆਨਕ ਕਦਮ ਚੁੱਕਿਆ ਹੈ। ਅੱਜ ਰਜਤ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ।
