ਦਿੱਲੀ-ਅੰਬਾਲਾ ਵਿਚਕਾਰ ਕਈ ਰੇਲਗੱਡੀਆਂ ਬਦਲਿਆ ਗਿਆ ਰੂਟ, ਅੰਮ੍ਰਿਤਸਰ-ਜਲੰਧਰ ਦੀਆਂ 2 ਰੇਲਗੱਡੀਆਂ ਰੱਦ

ਪੰਜਾਬ ਦੇ ਰਾਜਪੁਰਾ ਦੇ ਸਰਾਏ ਬੰਜਾਰਾ ਸਟੇਸ਼ਨ ਨੇੜੇ ਸਵੇਰੇ 8 ਵਜੇ ਓਵਰਹੈੱਡ ਇਲੈਕਟ੍ਰਾਨਿਕ (OHE) ਤਾਰ ਟੁੱਟਣ ਕਾਰਨ ਅੰਮ੍ਰਿਤਸਰ-ਨਵੀਂ ਦਿੱਲੀ ਸ਼ਤਾਬਦੀ ਐਕਸਪ੍ਰੈਸ ਸਰਹਿੰਦ ਸਟੇਸ਼ਨ ‘ਤੇ ਲਗਭਗ ਦੋ ਘੰਟੇ ਫਸੀ ਰਹੀ।

ਇਸ ਦੇ ਨਾਲ ਹੀ, ਕਈ ਸਟੇਸ਼ਨਾਂ ‘ਤੇ ਮੁਰੰਮਤ ਕਾਰਨ ਰੇਲਗੱਡੀਆਂ ਨੂੰ ਮੋੜ ਦਿੱਤਾ ਗਿਆ ਅਤੇ ਕੁਝ ਨੂੰ ਥੋੜ੍ਹੇ ਸਮੇਂ ਲਈ ਰੱਦ ਕਰ ਦਿੱਤਾ ਗਿਆ। ਵੱਖ-ਵੱਖ ਇੰਜੀਨੀਅਰਿੰਗ ਕੰਮਾਂ ਦੇ ਕਾਰਨ, 21 ਮਈ ਦੀ ਸ਼ਾਮ ਤੱਕ ਰੇਲਗੱਡੀਆਂ ਡਾਇਵਰਟ ਮੋਡ ‘ਤੇ ਚੱਲਣਗੀਆਂ। ਰੇਲਵੇ ਨੇ ਅਜੇ ਤੱਕ 22 ਮਈ ਦਾ ਸ਼ਡਿਊਲ ਜਾਰੀ ਨਹੀਂ ਕੀਤਾ ਹੈ।

ਰੇਲਵੇ ਡਿਵੀਜ਼ਨ ਦਿੱਲੀ ਵੱਲੋਂ ਜਾਣਕਾਰੀ ਦਿੱਤੀ ਗਈ ਕਿ ਉੱਤਰੀ ਰੇਲਵੇ ਨੇ 20 ਅਤੇ 21 ਮਈ ਨੂੰ ਦਿੱਲੀ-ਅੰਬਾਲਾ ਡਬਲ ਲਾਈਨ ਸੈਕਸ਼ਨ ਦੇ ਕੁੰਜਪੁਰਾ (KUN) ਰੇਲਵੇ ਸਟੇਸ਼ਨ ‘ਤੇ ਇਲੈਕਟ੍ਰਾਨਿਕ ਇੰਟਰਲਾਕਿੰਗ (EI) ਪੈਨਲ ਦੇ ਕਮਿਸ਼ਨਿੰਗ ਕੰਮ ਲਈ ਆਵਾਜਾਈ ਨੂੰ ਮੋੜ ਦਿੱਤਾ ਹੈ।