ਚੋਰੀ ਦੀ ਵੱਧਦੀਆਂ ਘਟਨਾਵਾਂ ਨੂੰ ਲੈਕੇ ਲੋਕਾਂ ਨੇ ਪ੍ਰਸ਼ਾਸ਼ਨ ਨੂੰ ਕੀਤੀ ਸੂਚੇਤ ਹੋਣ ਦੀ ਅਪੀਲ
Incidents of Theft Abohar; ਅਬੋਹਰ ਵਿੱਚ ਰਾਤ ਨੂੰ ਚੋਰੀ ਦੀਆਂ ਦੋ ਵੱਖ ਵੱਖ ਘਟਨਾਵਾਂ ਵਾਪਰੀਆਂ। ਪਹਿਲੀ ਘਟਨਾ ਰੇਲਵੇ ਸਟੇਸ਼ਨ ਦੇ ਕੋਲ ਵਾਪਰੀ ਜਦੋਂ ਇੱਕ ਨੌਜਵਾਨ ਜੋ ਦਿੱਲੀ ਤੋਂ ਅਬੋਹਰ ਦੇ ਵਿੱਚ ਫਾਰਮੇਸੀ ਦਾ ਪੇਪਰ ਦੇਣ ਆਇਆ ਸੀ ਉਹ ਖਾਣਾ ਖਾ ਕੇ ਆਪਣੀ ਟ੍ਰੇਨ ਲੈਣ ਲਈ ਵਾਪਸ ਦਿੱਲੀ ਨੂੰ ਜਾ ਰਿਹਾ ਸੀ ਤਾਂ ਇੱਕ ਵਿਅਕਤੀ ਜੋ ਮੋਟਰਸਾਈਕਲ ਤੇ ਆਇਆ ਉਸਦਾ ਮੋਬਾਈਲ ਖੋ ਕੇ ਫਰਾਰ ਹੋ ਗਿਆ ।ਇਹ ਸਾਰੀ ਘਟਨਾ ਅਬੋਹਰ ਸਿਟੀ ਥਾਣਾ ਦੋ ਦੇ ਨੇੜੇ ਵਾਪਰੀ ਹੈ ਨੌਜਵਾਨ ਦਾ ਇਹ ਵੀ ਕਹਿਣਾ ਕਿ ਉਸਨੇ ਇਸ ਬਾਰੇ ਪੁਲਿਸ ਨੂੰ ਵੀ ਦੱਸਿਆ ਪਰ ਪੁਲਿਸ ਨੇ ਵੀ ਕੋਈ ਕਾਰਵਾਈ ਨਹੀਂ ਕੀਤੀ ਉਧਰ ਦੂਸਰੀ ਘਟਨਾ ਵਿੱਚ ਅਬੋਹਰ ਬੱਸ ਅਡੇ ਦੇ ਨੇੜੇ ਤੋਂ ਦੁਕਾਨਦਾਰਾਂ ਨੇ ਇਕ ਨੌਜਵਾਨ ਨੂੰ ਕਾਬੂ ਕੀਤਾ ਹੈ।
ਜਿਸ ਤੇ ਦੋਸ਼ ਹੈ ਕਿ ਉਹ ਬੁਲਟ ਮੋਟਰਸਾਈਕਲ ਦਾ ਲੌਕ ਤੋੜ ਰਿਹਾ ਸੀ ਦੁਕਾਨ ਦੇ ਮਾਲਕ ਰਿੰਕੂ ਚੁੱਘ ਨੇ ਦੱਸਿਆ ਕਿ ਉਹ ਘਰ ਗਿਆ ਹੋਇਆ ਸੀ ਤੇ ਉਸਨੇ ਸੀਸੀਟੀਵੀ ਵਿੱਚ ਦੇਖਿਆ ਕਿ ਉਸ ਦੀ ਦੁਕਾਨ ਦੇ ਅੱਗੇ ਉਸ ਦੇ ਖੜੇ ਮੋਟਰਸਾਈਕਲ ਦਾ ਕੋਈ ਨੌਜਵਾਨ ਲੌਕ ਤੋੜ ਰਿਹਾ ਹੈ। ਉਸ ਨੇ ਇਸ ਦੀ ਸੂਚਨਾ ਉੱਥੇ ਨਾਲ ਦੇ ਡਿਕਾਂਦਾਰਾਂ ਨੂੰ ਦਿੱਤੀ ਤੇ ਨਾਲ ਦੇ ਦੁਕਾਨਦਾਰਾਂ ਨੂੰ ਦਿੱਤੀ ਜਿਨ੍ਹਾਂ ਵੱਲੋਂ ਉਸ ਨੌਜਵਾਨ ਨੂੰ ਕਾਬੂ ਕਰ ਲਿਆ ਬਾਅਦ ਵਿੱਚ ਇਸ ਨੌਜਵਾਨ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਇਸ ਮੌਕੇ ਕਿਸਾਨ ਆਗੂ ਸੁਖਜਿੰਦਰ ਸਿੰਘ ਰਾਜਨ ਹੀ ਪੁੱਜੇ ਜਿਨਾਂ ਨੇ ਕਿਹਾ ਕਿ ਅਬੋਹਰ ਵਿੱਚ ਚੋਰੀ ਦੀਆਂ ਘਟਨਾਵਾਂ ਲਗਾਤਾਰ ਵੱਧ ਰਹੀਆਂ ਨੇ ਸਰਕਾਰ ਦਾ ਇਸ ਪਾਸੇ ਕੋਈ ਵੀ ਧਿਆਨ ਨਹੀਂ ਹੈ।
